¹ Paulo, mushwekwa wa Yezu na mwenewabo Timoteyo, Filemoni muzigirwa werhu na muherekeza werhu omu makasi. ² ku mwali werhu Afiya, Arkipo, mwene werhu omuntambala, n'omukanyamuzinda kali omumwawe: ³ Olukogo n'omurhula muguhabwe akunjira ya Lulema Darha werhu n'omugala Yezu Kristu! ⁴ Ngenderere okubaho kugerera olukogo lwa Lulema wani, omukukuheba omu masala. ⁵ Kubera nkumenyere omubuyemere ogwerhe muli Nawerhu Yezu Kristu n'omuburhabazi oku bakyesibwa boshi. ⁶ Nkuhemere oku okulikira kwawe obwere bushinganene n'echirhumire Kristu, omukumumenyesa omurhwewe ebindja omumbero zoshi. ⁷ Ngwerhe, okunty'o nyundjwire n'omwishingo n'okusiririzwa n'obuzigire bwawe, mwenewerhu emirhima y'abimana yasiririzwe. ⁸ Kyekirhumire, okw'ogwerhe kugera Yezu obushwekulwe bw'okukuyandika omu kuli. ⁹ Aliko kugerera obuzigire nkuhemere lino huno, kugerera okundi, Paulo, muhanuzi, n'okuntyo mubohyi wa Yezu Kristu. ¹⁰ Nkuhunire mwana wani, naburhire nkili omububohyi, Onezimo. ¹¹ Orhalikugwarhire akamaro embere, aliko zene akagwerhe emund'oli n'emwani. ¹² nkurhumire ye, nka luburho lwani. ¹³ Ntakabagire imubeze hofi nani, kuderha mpu ankolere ahawaliri, omugihe kiri omumugozi gw'emyazi y'obuholo. ¹⁴ Aliko ntalonzaga okujira ekintu buzira hano lyawe kuderha okubwindja bwawe burhabaga bw'okusezwa si oku bulonza. ¹⁵ Nkaba kyekirhumire abanzize kikula haguma nawe okukihe, kuderha kw'endjo abe haguma naye egihe kyoshi. ¹⁶ Arhakiri nka mudja, aliko elugulu y'omuja, nka mwenewerhu inzigira, ku nyono, ku w'oyo bwenene, kugerera omubiri, awo kugerera omucunguzi. ¹⁷ Akaba ontola nka mwira, omuyakire nka ny'ono nyenyine. ¹⁸ Nakakuhemukira, n'akaba nkungwerhe akantu, akangandjire. ¹⁹ Ny'ono Paulo, mbiyandikire n'efune yani nyenyine, nyejuhe ntakumbwira okuhali eki wampa wenyine emunda ndi. ²⁰ N'eki, mwene werhu mbone emunda oli obunguke, muli Nahamwerhu okufumbamiza omurhima mu Kristu. ²¹ Omukizera obukenge bwawe imenyere okuwadjira ebilushize ebinakubwirire. ²² Kona kuguma onteganyizize ekikalo bula imperhe ekinihirizo okunakujirire, kugerea amahuno. ²³ Epafra, muherekezi w'omushwekwa muli Yezu Kristu, ²⁴ akulamwise, na Mariko, Aristarke, Demasi, Luka, baherekeza bakasi. ²⁵ Olukogo lwa Nahamwerhu Yezu Kristu lube haguma n'omurhima gwawe !