Yuda, mukozi wa Yezu Kristu na mwenewabo Yakobo, oku bahagalwa, basimwa mu Nyamubaho darha, bana langirwe muli yezu Kristu : ² Olukogo, omurhula nw'obusime bubalugire ! ³ Bazigirwa, nka kula nalonzaga imbayandikire ebi kulikire okuyolwa kwerhu, na bona okunkwanene imba yandikire mpu imbabwire mulwise ebiyerekere obuyemere bahabirwe abashinganyanya liguma na liguma. ⁴ Bulala hali abantu bakibishire muli mwewe, bayandikirwe okuhanwa kurhenga mira, barhayubahire Lulema, balibahindamula olukogo lwa Lulema omu kujira amabi, bakana lahira mwigiriza werhu muguma Nahano Yezu Kristu. ⁵ Nalonz'amba yibuse, mwewe mwe mumenyere bwenen'eyila myazi, oku Nahano, eyi ayusa yokol'olubaga nw'okubakula omu kihugo ky'e misiri, anahezaboshi barhamumera; ⁶ Abali rheganyizwe okuhanwa olo lusiku lukulu, umu bushwekwe bw'esiku n'amango omu mwizimya, bamanlaika barha bikaga olukengo lwabo, barhana langaga ekihugo kyabo; ⁷ Kuguma na Sodoma n'e Gomora, haguma n' ebihugo byaliri haguma nabo bakihanaga omu buhushi kuguma n'abola, bakihanire omukudjira obuhane bw'omuliro bw'esiku n'amango. ⁸ Kiro akaba ebyo, abo bantu nabo, baba shusha omu bilorho, baalibazingisa omu biri gwabo nw'okulahira obukulu nw'okuduka olukengo. ⁹ Nw'obo, malaika mukulu Mikaeli, amango ahimaga shetani nw'okujir'obuhaka oku biyerekere omubiri gwa Musa; arhakira olubandja omu kuduka, aliko amu bwira : Nahano akukalihire ! ¹⁰ Aliko abola bantu balema baduka emyazi barhamenyere, n'emyazi bamenyere y'emigenzo. ¹¹ Bahanwe ! Bulala bakulikire endjira ya kaini, bakikabula oku luhembo,bakulikira amakosa ga balama, baherha oku kabonerero ka Kora. ¹² Abala bantu zil'inkingi z;okulerha akavulindi omu siku zikulu z'obuzigire hanola balira haguma n'enyu, abalanzi bw'oku kilisa bonyine buizira buba. Luli lyakungu buzira mendji, luhekwa n'omuyaga; mirhi buzira malehe, yafire kabiri, nw'okusimulwa; ¹³ Guli mulaba gw'omunyandja kurhakachika, gukula ekivundu ky'amabi gabo; zila nyenyezi ziherere, ezibikirwe omu mwizimya esiku n'amango. ¹⁴ Kuguma n'Enoki, muntu wa mushamvu kurhenga Adamu, alilebere ebishushire n'ebyo: lola, Nahano ayindjire n'abashinyanya bage bihumbi, ¹⁵ Yadjira obuhane oku bantu boshi, nw'okuvuma balala banya byaha boshi n'engeso zabo zoshi, n'emyazi yabo y'okudukana bakazagi mujirira abola banya byaha. ¹⁶ bali bantu, bagayire bw'okuyamam bw'okukulikira enyifindjo zabo, nw'okuderha emyazi y'eshoni, nw'okusima abantu oku bunguke. ¹⁷ Aliko, bazigirwa, muyibuke ebinwa byaderhagwa mira n'entumwa za darha werhu Yezu Kristu. ¹⁸ Bali babwirire ok'esiku zizinda hayindj'abantu bw'obubeshi, bw'okulikira enyifindjo zabo zw'okubaheza; ¹⁹ Abo bali bw;okulerha akalondole omu bantu, ba munola gulu barhagwerhe muka. ²⁰ Ku mwewe, bazigirwa mukakiyumbakira k'obuyemere bwenyu buli bwimana bwenene, n'okuhuna haguma na Muka mutakatifu, ²¹ Mukilange omu busime bwa darha, omu kulinga olukogo lwa Nahano Yezu Kristu omu kalamu k'esiku n'amango. ²² Mubabalire balala, bagwerhe engangane; ²³ Muna yokole abandi omu kubakula omu muliro; kandi nw'oku bandi, mugwarhe obondjo buli mw'obuba, omu kugaya kuhika n'emyambaro yabo yaheberhwe kw'enzinga ly'omubiri. ²⁴ Nw'obo, oyo wagala kubalanga mwakarhoga n'okubahisa omu bukuze bwage, n'obusime bune buzira kuvunika, ²⁵ Lulema yenyine, muyokozi werhu, haguma na Yezu Nahamwerhu, obukuze bwawe, n'obukulu, n'obushobozi, n'emisi, kurhenga mira, nabuno, n'emyaka n'emyaka ! Bib'entyo!