¹ Omushamuka, emwa Gayo, muzigirwa, insima omu kuli. ² Muzigirwa, nkulonzeze okudja mbere omu by'oshi, obe n'amagala mendja nko oku omurhima gwawe gulonzeze. ³ Nasimire bwenene, amango bene berhu bahikaga banakuhamiriza omu kuli, omu bulyo oli lambagira omu kuli. ⁴ Na nta gwindi mwishingo gunene ingwerhe nkokuyumva oku abana bani bali balambagira omu kuli. ⁵ Muzigirwa, oliwa kola omu kuli ku bene berhu nw'okubene berhu bw'omulubungo. ⁶ Baguma bahamirize obuzigire bwawe, embere z'abemesi. Wagira bwindja okuyanguhya olugenzi lwabo omu bushinganyanya bwa Lulema. ⁷ Bula oku zino lya Yezu Kristu yi bangendere, buzira kuyakira ekintu oku barhali bemezi. ⁸ Rhukwanene okuyankirira abantu bali nka aba, kugira mpu rhube bakozi haguma nabo omu kuli. ⁹ Nayandikire abemezi myazi migeke; aliko Diotrefe, osima kuba w'embere mubo arha rhuyakira. ¹⁰ Kyekirhumire, akaba nalonza kukubona, ina nyibuse ibigiro agirire omu ku rhu bwira e ntalagire, rhurha simire, ebyo barhayakira bene berhu, n'abalonza kubikola, bana babuza nw'okubalibisya omu dju ya Lulema. ¹¹ Muzigirwa, orhayigaga amabi, aliko ebindja. Ojira amendja aba wa Lulema; ojira amabi arhasagi bona Lulema. v 12 Rhweshi, nw'okuli koshi bahana obuhamirizi bwindja emwa Demetrius. N'erhu rhumukwanene, obuhamirizi , onayindji oku obuhamiriza bw'erhu buli bw'okuli. ¹³ Naligwerhe binene nakuyandikire, aliko ntalonza inka bijira oku bwino bw'olushala. ¹⁴ Inihire okukubona hofi ndjo rhwaganira kanwa oku kanwa. ¹⁵ Omurhula gube haguma nawe ! Abera bakulamwise. Olamuse abera, ngasi muguma oku lwage.