¹ nakurhegeka embere za Yezu Kristu we hane abazene n'abafire okuzino ly'okulema nw'obwami. ² Oyigirize omwazi amango goshi amendja n'amabi, obe n'obushiru bw'okulahiza n'okuyigiriza. ³ Hayindja ekihe abantu baluha n'okulanga obwemere, bayumva emikandjagulo nk'okuyumva amendja, behire ekigusho ky'abanganga barhngere oku nyorha yabo. ⁴ Bekilahize okuli n'okuhindamukira emigani y'egulu. ⁵ Aliko w'oyo obe n'oburhimanya, okulembera amalumwa, okole nka mwigiriza, okole bwindja omukolo gwawe. ⁶ bula ny'ono ngwerhe n'okugenda kwani kwama yegera. ⁷ Nama lwa Entambala, namahika okubuzinda nagirwe obwere. ⁸ mumenye ekishema ky'okuli kilindinga; Nahamwerhu, mucha shindja mwindja; yenyine w'ezo siku arhali ny'ono si boshi basimire ebyage. ⁹ Onyegere djuba bula. ¹⁰ bula Demasi andeker muki gihe. adjire e Thesalonika, e Kreskes egire e Galatiya, na Tito e Dalmatia. ¹¹ Luka yenyine yeli haguma nani. Rhola Marko ayindje naye bula agwerhe akamaro omukasi. ¹² Narhumire Tyshiki omu Efso. ¹³ Hano oyindja, olerhe egoti nasigire Trowasi emwa Karpus, n'ebitabu by'empu. ¹⁴ Alexandriyo agirire mabi manene. Nahamwerhu ye mugirire kugerera ebigiro byage. ¹⁵ Okilange naye nawe bulala arhayumvaga e myazi yerhu. ¹⁶ Omu kukilanga kwani kurhanzi ntaye wantabere, aliko boshi bandeka. Ebyo barhabiholaga. ¹⁷ Nahamwerhu yewa ngwasize yi wana mpere emisi, y'enyigirizo ziyumvikana n'anbanya byaha bayemere. Nakulwa omu menyo g'ekirhyanyi (hyohyo). ¹⁸ Nahamwerhu andikuza n'emikolere mibi, ye nkize ana mpibe omu bwami bwe mbingu. E mwage habe erenge emyaka na myaka ! Bibentyo ! ¹⁹ Ndamusize Priska na Akila, nw'omulala Onesiforo. ²⁰ Erasto ayorha e Korinto, nalekere Trofimo alwere e Mileto. ²¹ Okihangane oyindje hakili emboho. Eubulo, Pundens, Linuso, Klodia, n'aberhu bakulamwise. ²² Nahamwerhu abe haguma nw'omurhima gwawe. Olukogo lube haguma n'enyu.