¹ Nyingingire bwenene, embere ya byoshi,mugire amahuno,kuhemererza,okuderha amalagirire, n,okusimiriza okubantu boshi ² Abami n,okuboshi bakengwa omulukengo lirhuba n,akalamo k,omurhula kanarhuzize omubushinganya n,okunali. ³ Ebi biri binja binashinganene embere za Lulema n,omuchunguzi werhu, ⁴ Olonzeze uku abantu boshi bachunguke banahikire okubumenyi bw,okuli. ⁵ Bulala hali Lulema muguma n,omunvisanya muguma ashimanyanya Lulema n,abantu eyi ye Yezu Kristu wakigiraga muntu. ⁶ Owakihanaga nka ntulo okubantu boshi buhamirizi bw,amango gage, ⁷ Kikyarhumaga narheganywa nka mwigiriza n,antumwa inderhe okuli buzira bubehyi, nyigirize abarhayemera okuyemera n,okuli. ⁸ Ndonzeze abalume boshi bahune ngasi hoshi bazamwire amaboko makesibwe buzira bukali n,enkengero zibi. ⁹ Ndonzeze kandi okubakazi bayambale bwinja omubukenge n,olugero birhabaga byo kubanga enviri,okuyambala ebyeholo n,amayanga n,emyambalo y,engulo ndarhi. ¹⁰ Si bayambale ebijiro binja okubikwanene oku bakazi bakola omulimo gwa Lulema. ¹¹ Omukazi ayunve enyigirizo arhuzize n,okukichisa bufi. ¹² Ntayemerere ok,omukazi ayigirize erhi arhegeke omulume; Alikoagwasize ayorhe asirire. ¹³ Bulala Adamu ye murhanzi kulemwa,Eva akulikira, ¹⁴ Arhanali Adamu yi wa rhebekwagwa s'omukazi yi walerhaga okuhanwa okumabi. ¹⁵ Y'echungulwe omukuba alimukazi wa yorha lugero omubwemere n,omulugero omu kukilangaliza,omubuzigire n,omubukesibwe.