¹ Bene berhu bazigirwa, murhayushulaga obw'emere omu ngasi muka, aliko mulolereze emyuka, lyo mumenya akaba eli ya lulema, bulala abalebi banene bw'obubeshi bayinjire omugulu. ² Mumenyere oku gula muka gwa Lulema: ngasi muka gukiyundjuze na Yezu Kristu gwa rhengerera omu mubiriri guli gwa Lulema. ³ Na ngasi muka gurhakiyundjwize muli Yezu gurhali gwa Lulema, guli gw'omushombanyi wa Kristu oyi mwayumvaga okuyindja kwage, na bunola akola'li omw'igulu. ⁴ Mwabo, bana badorho, muli ba Lulema, mwahimire ebyo, bulala oli haguma n'enyu ali mukulu kulusha oyola oli omugulu. ⁵ Bowe, bali bw'omugulu, byebirhumire baderha eby'omugulu, n'egulu lili ly'abanyumviriza. ⁶ Rhwewe rhuli ba Lulema; omenyere Lulema anarhuyumva; orhamenyere Lulema arhakarhuyunva: kwa ahola rhwana menya omuka gw;okuli nw'ogurhali gw'okuli. ⁷ Bene berhu bazigirwa, rhusiman rhwenyine oku rhwenyine; bulala obuzigire buli bwa Lulema, nw'olala ozigire aburhagwa na Lulema ana muyemerere. ⁸ ola orhazigira arhakamenya Lulema, bulala Lulema ali buzigire. ⁹ Obuzigire bya Lulema bwakiyerekanaga emunda rhuli oku Lulema arhumaga omugala w'ekyusha omu gulu, mpu lyo rhulama okuye. ¹⁰ N'obola buzigire buli, arhali oku rhwazigiraga Lulema, aliko nkw'o kurhuzigira n'okurhuma omugala nka nterekero oku byaha byerhu. ¹¹ Bene berhu bazigirwa, akaba Lulema arhuzigiraga rhukwanene nerhu rhuzigirane rhwenyine oku rhwenyine. ¹² Ntaye osagi kubona Lulema; nkarhuzigirene rhwenyine oku rhwenyine, Lulema analama haguma n'erhu, nw'obuzigire bwage bushinganene buli haguma n'erhu. ¹³ Rhumenyere omuye, naye alamire omu kagarhi kerhu, nko kurhu arhuhaga omuka gwage. ¹⁴ n'erhu, rhubwene n'okuhamiriza ku darha arhumaga omugala nka muchunguzi w'egulu. ¹⁵ Olala njo wakiyundjuza mu Yezu ali mugala wa Lulema, Lulema analama omu kagarhi kage, naye muli Lulema. ¹⁶ Na nerhu rhwamenyere obuzigire bwa Lulema arhuherheko, rhwana buyerere. Lulema ali buzigire, nw'olala olamire omu buzigire alamire mu Lulema na Lulema alamire mu yewe. ¹⁷ Nk'okwali, nw'okurhuli nerhu mulino egulu: hahola hw'obuzigire bwa karhukwanana, ly'okulangalira olusiku lw'okuchirwa olubandja. ¹⁸ Obuba burhali omubuzigire, aliko obuzigire bukwanene bwanahima obuba; bulala obuba buli nka buhane, nw'olala wa yubaha arhakwanene omu buzigire. ¹⁹ Oku rhwewe rhumuzigire, bulala ye mwambere oku rhuzigira. ²⁰ Eri omuntu akaderha : Nsimire Lulema, anagayaguze mwene wabo, ali mubeshi; bulala orhasimire mwene wabo ali abonako, nka gurhe akasima Lulema arhali abonako ? ²¹ Rhuna herhe amarhegeko gage : Nk'osimire Lulema eyi asimire mwene wabo.