¹ Ekyaliri ho okumurhondero, ekirhwayumvirhe, rhwanakibona n'amasu gerhu, rhwana kihumako, kiyerekere omwazi gw'akalamo, - ² Bulala Kalamo akigalageze rhwana mubona, rhwana muhamiriz, rhwanamuhamiriza, rhwana bamenyesa obulamu bw'esiku n'amango ola waliri haguma na darha wana rhuhamirizizwe, - ³ Eki rhwabwene rhwana kiyumva, rhubanyeseze kyo, kw'onoko n'enyu, eyi muba n'obuguma n'erhu. Aliko, obuguma n'erhu buli haguma na darha, n'omugala Yezu Kristu. ⁴ Kw'onoko rhuyandikire ey myazi, kulonza obusagaluke bugenderere. ⁵ Omwazi gw'obulamu rhwayigirizwe naye, rhwana bamenyesago, aho Lulema ye bumoleke, n'emwage erhanaba mwizimya. ⁶ Eyi rhwakaderha oku rhuli n'obuguma, rhunalambagire omumwizimya, eyi rhuli rhwa behya, rhurhanali omu bukweri. ⁷ Aliko nka rhwakalambagira omu bumoleke, bula yenyine ali mushinganyanya, rhuli rhweshi omu buguma, n'eshagama y'omugala Yezu Kristu yarhukyeseze omu byaha byoshi. ⁸ Nka rhwakaderha oku rhurhali banya byaha, rhukana shumikana rhwenyine oku rhwenyine, ey'obukweri burharhulimo. ⁹ Eyi rhwakahungama ebyaha byerhu kurhwenyine, bulala ali mwimana anarhubabalire; anarhukesa ku ngasi budja. ¹⁰ Nka rhwakaderha rhurhana gomaga, rhwamudjira mubehyi, eyi rhuna gwerhe omwazi gwage.