¹ Ngbeku, ka Gaio ma likunda, indo ingonzi subha dumbi. ² Malikunda, nigonzikako koe okurumane ka shiyo mase na obhe na boya akibhonga koti okurumani kimulima nai. ³ Nihimbage mote mwani indo bhanamasu bhadoi na bhsuburi gwa dumbi indo a subhako na tawa indo umaninhungu subha dumbi. ⁴ Kina muhimbo indo eyeni lando pa akaiba koe bhaniki bhamu bhaninhungu subha dumbi. ⁵ kima indo umanikore ni adumbi ka bhanamasu na ka bhagenya mbuleni. ⁶ Labholi bhasuburi gwa bhugonza awako musa la bhatu bha subha nsaka. Kora bhonge nanga hikiranza kima indo bhana tatanya si ka gendo awabho ka tawa indo ambhonjili Mbali. ⁷ Nangesi bhaji kanga zora kima kulya bhapagano nanga lina la Yezu. ⁸ Kihiki akira bhabhuhu tawa labhendo nanga kibhe bhakori bomotini nabho subha dumdi. ⁹ Nikeki kima pidhoni ka bhatu bhaka nsaka , batu Diotref, indo agonzaga bha mandamusa subhabho, angani akirasu. ¹⁰ Gwa bhindo, mwani indo nijamu ya lebanu, nikana kima indo akoriyo ka mwani indo aliki yomba gwasu gani akizanaga indo kahiki pa; kashi ka landoni pani, angani akira bhanamasu na indo bhagonzi akirabho akinganishabho na bhiyabho subha nsaka. ¹¹ Malikunda, kotombe kizana pa, batu kibhonga. Yeye indo akori kibhonga ni ma Mbali, batu indo akori kizana kanlebi Mbali pa. ¹² Bhasebho bomotini na dumbi uli mbedhemi bhani subura kibonga gwa Demetrio; bhesu mbuleni kiyombi kibhonga gwaki, na uwe mbuleni oibi koti gani indo kiyombiyo ni dumbi. ¹³ Nibhibha na kima gboka aka kechako, batu kigonzi kore na nkecho na libhosi we. ¹⁴ Nitatanyi lebako na zunge na kiganaga noko ka noko. Olike na mulembe. Bhanyankiro bhakuulagi. Obhuramucha bhanyakiro. ¹⁵ Obhuramucha bhanyankiro, mbuhu ngilingili kakani laki.