¹ Kowe nonga emi Dawid chidjama filisteo pua wywydji, go nonga emi matãma mondo duwe rekuaty buaregi wywy chupa Meteg-ama go filisteo pua wywy ipodji. ² Go chidjama mondo Moab puagidji dja buawã puku wachu achĩpurã pirewedji djapopyredji, go mirõngi broma mondo, etakrã rõ kuwëbyregi, gobu Moab puaty manollãwegipe emi Dawid rekoma idja buetygi nonga goginrõ mema buta go buta matãndygi wywype Dawid puarã. ³ Dawid chidjama emi hadad ezerdji emi, rehob teypurã, Soba ymachidja wachugi, gogi obu kawãwã dja chupa ekuandy wywy ĩngi go eufrate y embedji. ⁴ Go Dawid eruma idjadji buare (1700) go mbepurã eche llabuwa, go (20.000) kbe'e ywy rupiwa wywy; go Dawid kichipama mondo wyra wata emi mbepurã pychã wywy, go kuwẽmbyre rõ mbepurã etakrã tapa tapa wyra wata puarã. ⁵ Go Damasco pua ekõma Siria puatygi emi kuwëwã hadad-ezerpe, Soba ymachidja wachu, Dawid emi bro'oma Siria puatygidji (22.000) kbe'epe. ⁶ Gobu Dawid mima tõallã wywype Damascope kuwëwã siria pua wywydji, gogi wywy siria pua ekõ Dawid buetygi nonga go Matãwã buta. Go Apã Wachu mema Dawipe chidja rekowã duwe rekuaty wywydji, obu duwe rekuaty emi. ⁷ Go Dawid rama Jerusalempe go eche pecheaty, djapopyre ita biribuchãdji hadad-ezer buetygi rekowepyre wywy. ⁸ Gobu emi Beta go Berotai puagi go hadad-ezer ekõandynpuagi wywygi, David kawãma tãrã buchã bronce. ⁹ Go burõ Toi, Hamat ymachidja wachugi, wendubu Dawid chidja rekowe hadad-ezer tõ mubu watygi wywydji. ¹⁰ Toi buema mondo teypurã Jorampe, Ymachidja wachugi David endape, djã okryrã gatupe mewã idjape go tõmumbu buare chidja buare Hadad-ezerdji go chidja buare gogidji wywy. go Toi rõ hadad-ezerdji byllã endawe. Go Joram rama membyrã bue purupytygi itadjiware emi ita biribuchãdjiware emi broncedjiware. ¹¹ Kowegi rõ ymachidja wachugi prawoma me gatuwã Apã wachu puarã, go mimbawe duwe bue wywydji butadjiwa emi ita birigi wywy duwe rekuaty buare go tõmumbupapyredjiware. ¹² Siria puagi, Moab puagi, Aman puagi, Filiteo puagi Amalec puagidji emi go matãwegi Hadad-ezer Reho teypurã, Soba Ymachidja wachugidji. ¹³ Dawid bykuapyre rõ wicha wachu roma o go djewy buaware Sirio tõmumbu puaregi kmabukudji ware, mudjãmbama mondo emi edom puagi wywype, bropama (18.000) kbe'e wywydjiwape emi, go ekuandy bykuapyre ita kyry irogipe. ¹⁴ Go mima toallãngi wywy kuwëwagi ĩngi Edom ymachidja wachugidji gobu emi edom puagi wywy ekõma David buetygi nonga. Apã Wachu mema mondo Dawidpe chidjambawã, duwe rekuaty obu wywy emi. ¹⁵ Go Dawid ymachidja wachuma Israel irondy wywydji gogi rõ kuwë gatuma pepy gatuwã Israel ekõandype. ¹⁶ Joab, Sarvia memby, ekõ emi tõallãngi wywydji ymachidja wachu, gogi rõ Josafat, Ahilud teypurã tõ mumbu obu paratygi, ¹⁷ Sadoc, Ahitub Teypurã, go Ahimelec, Abiatar teypurã wywy, ekõndy Pa'i nonga, seraia kuachia paratygi nonga. ¹⁸ Benaia, Joiada teypurã mima mondo ceret puagi go Pelet puatygi wywy llabu. Dawipe kuweãdygi, go Dawi teypurã wywy rõ ekõ ymachidjagi wywy.