¹ Saul tapy djawẽwa emi David tapy pua wywy oma tõ mumbuwã tarã edji wywy. David gobu chidja buchã roma djo. Saul tapy pua emi chidjabeche roma djo. ² Kowebu David ray opoma Hebrompe go dorogi Amnom gogi Ahinoam memby, go kudjã rõ Jezreel puagi. ³ go mirõngi rõ Quileab gogi Abigail memby. Nabal go Karme pua imewe, Go brewipychã rõ Absalon Maaka memby. Maaka rõ Talmai tey kudjã. Talmai rõ Gesur pua ymachidja wachu. ⁴ go chengypychã rõ Adonias go hagit memby, ipo go Sefanias, gogi Abital memby. ⁵ Go wachãpa Itream, gogi egla memby. Egla rõ David brekowe. Kowegi wywy rõ David tey wywy opowe Hebrompe ⁷ Saaul rekowe etakrã kudjã duwetywa bykuapyre Rispa. Aja membywe. Go Isboset ina Abnerpe: buerã dje reko cho Apã brekowe? ⁹ Apã Wachu chope pachowerã, cho, Abner, kuwëllãmbu kowe kreybu Davidpe. Cho djapowerã Davidji bue wywy Apã Wachu inawe nonga: ¹⁰ cho matãwerã Saul irondy wywy ymachidja endawedji, kowebu cho miwerã Davipe Israel emi Juda chupa ymachidjagirã: idja chidjape endarã Dan puare Beerseba pewe. go Isboset rekollãma djawuwã Abnerdji, idjadji krymballãdjiwa. ¹² gobu Abner buema mondo djawu rapyre David endape, inawã idjape: Awa llapo rõ kowe chupa? go inawe emi idjape: ekõ chodji etakrã djawupe. go cho ipo ïwerã dje djãwe Israel ekuandy puagi wywy rõ cho miwerã dje ipo wydji. ¹³ Gobu David inama idjape kbegatu nadje ïwerã etakrã djawupe. etakrã bue cho puka djepe: Ekõeme erullãmbu dje rupi Mical: Saul radjy. ¹⁴ Kowe nongabu David buema mondo djawu parapyre Isboset go Saul ray endape go inawã idjape: memi cho breko Mikalpe cho udjawe idjadji etakrã tapa tapa fisteo pua tawapire mondopyredjiwa. ¹⁵ Gobu Isboset matãma Mikalpe idja imedjiware. ¹⁶ Gobu idja ime oma erupi chinga dja kuere rupi duwe chupa bykuapyre Baurimpewe, go Abner ina idjape: djewy kua! gobu idja djewyma bu. ¹⁷ go Abner djawuma reko Israel pua chuepurã wywydji. go ina: Tarãma rõ pendje pukaty Davidpe ymachidjawã. ¹⁸ kowebu djapo ga mondo Apã Wachu inawe nonga. Cho buetygi David rupi cho kuwẽwerã chupa Israelpe Filitea pua ipo wydji emi duwe idja byllãndygi wywydji. ¹⁹ Abner djawuma reko Benjami pua wywydji emi go rupiwe o roma Hebrompe kiuwã Davipe Israel go Benjami tapy pua wywy idja Davi djãwë. ²⁰ Abner ekoma Davi endape Hebrompe go kbe'e wywydji Davi djapoma bakupyre wachu Abnerdji ekõwegi puarã. ²² Gobu David buetygi wywy djewyma Joabdji tõ mumbu buare eruma duwe wywy tãrãma bue matãmbyre dje byllandygi ipo puare go Abner wedjama mondo Davipe go Hebrompe: buema mondo emi, go djãwã ury gatupema djo. ²³ gobu Joab ekõma emi dja djawëwaty tõallãngi wywydji; duwegi djowuma reko idjape: Abner tey kbe'e ekõma ymachidjagi endape, go emi buema mondo idjape, gobu okyra gatupema djo. ²⁴ Gobu Joab ekõma ymachidjagi endape djawuma edji: buerõ dje djapowe kowebu Abner ekoma dje endape, go buerõ dje wedjawe owã emi ²⁵ dje kua gatu Aner tey'ype: go ekõ djepe ka inãwã, go kua djuewe dje djapotygi ²⁶ gobu Joab oma emi David enda puere, buema mondo djawu ratygi kuere rupi, go eruma idjape Sira y upudjiwe, David rõ kuallã emi ²⁸ David kuabu inama: cho djapo buchãllã Apã Wachu chã ruwa, cho ekuandy emi, Abner Ner tey pirãwedji. ²⁹ Joab tõ'õdji gobu, emi dja tapy puagi wywy llawu kreybu wywy go Joab irondy bychepe ĩ ga mondo achygi wywy pirã pytallãngi, eche keitagi, eche chopagi, emi manogi wyra puku akuagipe, emi llellangi wywy. ³⁰ Joab emi abisai djukama abnerpe; go broware dja pawe asaelpe; go dja pawe tywypurã; gogi wywy tõ mumbu rekobu Gabaompe ³¹ Gobu David inama Joabpe emi edjãwe rekuatywa ekõmbapyregipe; doro mondo dje tyruwe. pypy modo tyru bragi uryllãwãdjiwa pypy modo Abner manoware ymachidja David oma Abner echewe wykowã. ³² Wykoma emi Abner hebrompe ymachidja chĩnga tarãma Abner wykopyre embedji chĩnga tãrã duwe chupa puagi emi ³³ Ymachidjagi djawuma o kryrallãpe Abnerdjiwa, djawuma: bueware Abner manowe, prãndjagi manowe nonga ³⁴ Dje ipo muchãllã emi dje pychã muchãllã chipo nongape, dje manowe go kbe'e pradjã duwe rekuatywa waty noga, go ekuandy puagi wywy chĩnga tarãma emi Abnerdji. ³⁵ Gobu dja chupa puagi David edape ekõma pukama bukapyre uwã go krey krãpĩ nondje . Gobu David djawu mema mondo duwegi wywype Apã Wachu pacho tãrãwẽrã chope cho ubu wikytã emi go duwe bue upyrã wywy go krey wa nodjemi. ³⁶ Gro chupa puagi wywy wendubu go ury gatu rõ ma ĩ go wywy; go ymachidjagi djapowe wywy kbegotu roma go ekuandy puawywype ³⁷ Go idja chupa puagi emi Israel kua gatuma go kreybu ymachidja djukallãwe Abner Ner teype. ³⁸ Go ymachidja inama dja buetygi wywype dje kuallã ku ymachidja wachu wapama o ko kreybu Israel ekuãdype. ³⁹ Cho praru kowe kreybu, chope prawopyrebu djepe ymachidjagirã, go kowe kbe'e wywy, go sarvia memby wywy, go rõ prandjã buchãngi cho chã ruwa emi Apã Wachu go pepywerã emi dja prandjãwedji.