¹ David idja ekuandypua parama Ãpã wachu prandjama mondo Israel puagi wywydji; David ka chidja buã idja dja'ãpe.Go buare Ãpã wachu djonoma mondo David tõ'õdji idja parawa mawenonga tõ allãngi Israelpe go buare David djawuma mondo Joabpe: o ga mondo parawa Israel wywype emi Judapuagi wywype. ² Ymachidja David djawuma Joabpe, emi idja tõ allãngi wywype, ĩgi idja djawẽ: oga mondo Israelpe, emi Beerseba pewe, emi parawa mawe nonga ĩ'ĩ. ³ Joab djawuma mondo ymachidjagi wywype: Ãpã wachu, dje ãpã, tãrã mewera pendjepe: etakrã tapa tapa pewe. Dje tapy tarã puagi, emi dje apã emi cho tapy tarã puagi, emi dje Ãpã emi cho tapy tarã mewera pendjepe: etakrã tapa tapa pewe. Dje tapy tarã puagi, emi dje Apã emi cho tapy tarã puagi ymachidjagi chingadjeky werã wechambu Ãpã wachu bue mewongi. Buera cho Ãpã emi cho tapy ymachidjagi wywy para djue nandje tapy tarã puagi wywype?. ⁴ Go ymachdija wachu djawu chidjama Joabpe gobu Joab oma ymachidja tõ allangidji djapowa David djapodjuegi. Gobu parama mawenanga'i Israel puagiwyywy. ⁵ Go wachabu Jordanpe wapyma mondo Aroerpe, go djõ ĩgi Gadpe, go Gad emi Jazer rekuaty. ⁶ Gobu emi oma Galaadpe, go Hodsi ywy chepe gatupe; emi go puare Danjaan emi Sidon rekuaaty. ⁷ Gobu oma Tirope, go tapy tarãpe, oma emi hev puagipe, emi Canaan tapy tarã puagipe, gogi wywy wembama mondo Beerseba, wywype Negev puagipe, ĩgi Juda ekuandype. ⁸ Wata pabu go Jerusalen rupi wachama, 9 djachy manombu emi 20 krey'y ikẽmbu ⁹ Gobu Joab djawuma mondo Davipe dju endawe Israel bychepe 800.000 kbe'e chidjagi kbywa kuagi pẽ akuãpe, emi go Juda puagi bychepe 500.000 kbe'e. ¹¹ Go kreywembu David puama, Apã wachu djawu ekõma go Profete Gadpe go rõ Apã Wachu djawu meandygi, gobu djawumaidjape: ¹² O ga mondo djawuwã Davidpe: kowe nonga djawu Apã wachu: Brewipychã bue'e cho djapowerã dje wechawã prawogamodo go bychepe etakrã cho djapowã. ¹³ Gobu Gad ekõ David endape, kiuwã Apã wachu djawu, gobu ina: dje prawo ko dje ekaandype djypetã (7) llellã ruy'y ekowã?.Dje prawoko kandjawã dje byllandygidji brewipychã djachy?. Dje prawoko achy buchã dje ekoandy puagi bychape?. Djawu gami dje djawãpe bue rõ dje prawowerã. Gobu cho kiuwera chope buewegipe. ¹⁴ Gobu David djawuma mondo Gadpe: ore chinga djekywerama.Wedjapa ga mondo Apã wachu ipodji ndje ĩwã, idja chinga djeky nainawe. Go nangallãwã nandje wa'a nandje byllãndy ipodji. ¹⁵ Gobu Apã Wachu buema mondo achy buchã chupa Israel puagi wywype. Go krey'y brewipychã Apã Wachu inawe nonga. Gobu idja ekuandygi wywy tarã manoma. Dan puare Beerseba pewe: 70.000 kbe'e manoma. ¹⁶ Go Apã wachu bu'etygi mimbu idja ipo Jerusalen llabu djapo buchawã Apã Wachu chinga djeky go idja djapo buchapawegi. Bue buchãtarãma, kowebu kawã dje ipo. Go Apã wachu buetygi ĩwe go Arauna, Jebus puagi, idja ywy bue ã'ã pechepyregi. ¹⁸ Gobu Gad ekoma David endape go kreybu, gobu djawuma idjape: djopi jo o djapowã we keĨ llambaty Apã Wachupe puarã, Arauna ywytyrõpe. Arauna rõ Jebus puagi. ¹⁹ Gobu David djopima, Gad djawuwe nonga idjape, go Apã Wachu prawoty nonga. ²⁰ Go Arauna wechabu idja endape ekõma ymachidja wachugi idja tõ allangidji, wẽma tokape kmarawã. Go ymachidjagi chã ruwa. Go idja chã budjama ywydji. ²¹ Gobu Arauna inama: bu'e buare cho rekãatygi emi cho ymachidja wachugi ekõ kowe buetygi endape. Gobu David djawuma idjape: cho butadji kawawerã dje ywy bue ã'ã pechepa pyregi, gope cho miwã we keĩ llambaty Apã Wachupe puarã. Go nonga krampiwerã mano tapy tãrã puagi bychepe. ²² Gobu Arauna djawuma Davidpe: kawã gomi dje we keĩ llambatype, cho rekuatygi go cho ymachidja wachugi dje prawononga. Kawã gami emi achĩpurã chue wywy keimbyrã, wyra bue pecheatygi kawã gami we kai llambatype mandywã. ²³ Gobu Arauna membama kowe bue'e wywy ymachidjagipe. GObu Arauna djawuma ymachidjape: Go Apã Wachu, dje rekoatygi, o kryra jatuwa djedji. ²⁴ Go ymachidja wachugi djawuma Araunape: go nongallã, biribuchãpe cho kawãwerã dje llapo; cho mellãwera keĩmbyre Apã Wachupe cho buta mellãmbu. Gobu David kawãma bue ã'ã pechepyregi go achĩpurã 558 gramo butadji (ita idju biribuchãngidji). ²⁵ Gobu David mema go we keimbyre llambatype Apã Wachupe puarã. We keĩ llambatype buegatumema Apã Wachupe, gobu Apã Wachu wendu David o achype pukabu. Gobu achy buchã krampĩma Israel puagi wywyaji.