2
go buta tarã rekogi tarã wachupurã go achipura.
3
go bue rekollãgi gogi rekõma etakrã wachu pura rey purã gogi pepy pyre yma rãwa idja tey purũdji bue baku pyre dji y tykuma emi go ikema idja llãbu: go rekõgi etakra tey purã nonga.
5
Davidwebubu pradja bucha gobu inama Natanpe: Apawachu bykua pyrepe go bue bucha djapo wegi djaka pyru.
6
go pepy werã wachupurã tey djiwa chedypycha we djapo bucirẽ bue buchaitegi go chinga djekyllãbuarẽ.
cho memã djepe dje rekuatygi tapy, dje rekuatygi kudjawywy dje ipope, dje llabu emi Israel go Juda ekuãdygi ichakrã cho pepy rawe djepe taraicnewẽ.
10
buerã dje tapype wedjallã pe˜akua puku dje bylla buarẽ go eru buarẽ Urias Het irõndydji dje brekora dje breko kura.
12
dje djapogi wechallã kurã cho djapowera bue wywy Israel pua tygi ruwã go krey bype gatupe.
13
gobu David inama Natanpe: cho djapãma Apãwachu dji. Natan inama Davidpe: Apawachu kuwewerã djepe dje bye bucha djapowe djiwa dje mano beche werã.
15
go Natan oma idja tapype. go Apawachu achy echema modo go krumi Urias brekowegi wewe Davidpe go achy buchã roma o.
17
go duwe kreybu emi imagi tapy puãgi puãm,a oma edape puaawã idjape ywy puurẽ; idjaro pua djuellã go bakapyre udjuella edji.
18
go djypeta kreybu krumi manoma; David buety wywy kryballa djawawa idja: tey manobuarẽ kowe buma ury beche werã djawa tey pura manowedjiva
20
gobu David ywy puaie y djoma eche tywu gatu duwegi tyrũ pypyma emi idja omã pree edatype kuaaga tuwa begatu gobu oma tapype go pukama baku pyre uma
22
gobu David inama duwegipe: go krumi manollã buare; cho bue udjuella edãwe cho djawu reko chodji: Apawachu kuwẽ by rakõ go krumipe.
23
kowẽ idja manobu buerã cho icherã go nonga bue ulladype. cho kuwe beche rã idjape cho owerã emi gope go rõ ekõ becne werama cho edape.
25
go rãmã rã idjape Natan èdape buegatu kiuwã. Natan bykuama modo idjape jedidia cgoro ina byty Apãwachu djepe prãwo Apãwachu prawo go nonga.
27
gobu Joab kuiuma modo Davidpe: go inama: cho djere mondo go chupa Rabape: cho miba rawe dje ipope go chupa yy tarãdji.
28
noã gami chupa puaa wywy iwegi go edjo gami cho edape dje chidja wa go chupa kowegi neinawa dje bykuapyre go mieme cho pykua pyre.