² Go Dawid inama: cho chinga djeky rekowerã Hanundji, go Nahas teype, idja ãpa rõ go nonga chodji djapoty, go Dawid buema dja buepytygi wywype okryra gatu mewã idjape dja apã mano buaredjiwa. Go wëmbu Dawid buepawegi Amón irondy ekuandype. ³ Gobu Amon pua ymachidja tey wywy inama go tapy tãra pua ymachidja wachu Hanunpe: David buewe ku dje apã manowedji chingawã emi okryra mewã djepe. Dawid bue mirõrã dja buepytygi wywype dje endape, wechãmbawãngi emi kuapawãngi idja bropa djuedjiwa kowe tapy tãrã puagi wywype. ⁵ duwegi kiuma Dawipe kowe nonga wëdjiwa,go opawegi dja chã teyche buare ẽkõ djuellã dja endape, gobu inama ymachidja wachu gogi wywype: ĩrë Jerikope dje buta wachu pewe, gobu pendje ẽkõwerã wyche cho endape. ⁷ Dawid wendubu go nonga, buema Joabpe go idja tõ allãngi krymba gatugi wywype. ⁸ Gobu Amob puagi wywy dja tõ mumbuwã wemba roma bu, puãmba go tapy ikëlluandy djãwe, gobu Siria irondydjiwa ekowegi soba puaregi, Rehob puaregi, go Is-Tob gobu Maaca puaregi, gogi wywype mimbama djõrãpe. ¹⁰ Go tõ mio wachu ollãwegi wywype mima dja pawe Abisai ipo wydji tõ mumbupawã Amo puagi wywype. ¹² pendje chidja ga mondo, emi krymba ga mondo prawo buare nandje ekuandype emi tapy tãrã Apã Wachu prawowegidji: Apã Wachu djapowerã gogi wywype idja djapo djuety nonga. ¹⁴ Gobu Amón puagi wywy wechãmbu go Siria irondydjiwa ekombawegi myromba roma ra, gogi wywy emi myromba roma ra Abisai ekombu, gobu ikẽmba roma djo tapy djawãpe. Gobu Joab wedjama Amón nuagi wywype ekõ roma bu go Jerusalempe. ¹⁸ duwegi Siriadjiwa myrõmba Israel chã ruwa, go Dawid emi idjadji opawegi djukama djono djypetã tapa tapa (700) tõ allã brewipurã wyra wata llabu watygi, gobu broma chengypychã tapa wachu (40,000) tõ allã abrewipurã djata llabu watygi; emi pychoma djono Sobacpe, go rõ tõ alla yma chidjagi gobu djukama idjape. ¹⁹ Gobu Siria irondydjiwa ymachidjagi wywy djepypawegi Hadad-ezerpe, kuabu bue wareba chidjallã chẽra Israel puagi wywydji, gobu djawuma ĩwa etakrã djawupe Israel puagidji, gogi wywy ẽkõma Israel buepytygirã. Gobuma Siria irondydjiwa krymballã roma ĩ djepywã Amón puagi wywype.