23

1 2 Iluluŋ nohosie odioto ahide. Ette ŋeyiani Yesu do Pilato. Etiara isieja hisisieha inyeja. Hijo, “Eirumu iyohoi tihoni ille etihara haŋ nohoi, ebo hisio musuru do Kesari, ojo ara inyie tokwan Kristo Habu.“

3 Efi Pilato inyieja hijo, hira iye Habu le Israile Ette Yesu hitiraŋ inyeja, ojo hijo iye ane.” 4 Ojo Pilato do Leitok lo Fadirihien ho iluluŋ, “Abe naŋ larrumu nobo hipali do tihoni ille.” 5 Hati arrasa isieja, ojo “Etihara inyeja huwo , etiyana do missihi daŋ inno Judeya, etiara da Galileya many da mai inna."

6 Hati ifa aŋaitiru Pilato huna, efia inyeja hijo tihoni le lo Galilea. 7 Ifa leyien inyeja hijo ara inyeja la lowon do hi lohitok na Erode, ifahak inyeja Yesu do Erode, lafa lowon do Yerusalem do holoŋi nuhe.

8 Ifa lewolo Erode Yesu, omuno ifa inyeja bi no, tenyie lawak inyie wolo inyeja da halu noholoŋ inne loluŋa. Etiri inyie te inyeja. 9 Efi Erode Yesu to hirorita inne loluŋa, hati ette Yesu hitiraŋ inyeja. 10 Odioto eitok lo Fadirihien ho hetiyanak ette arrosok inyeja hirro inno lorru.

11 Erode ho loseŋer illohonyie omor inyeja ette himwuok inyeja, ette ŋaciofok do honyie boŋojin inne lelaman ette efahak inyeja hinyiak do Pilato. 12 Erode ho Pilato ara amoterak da far nyie (Beren ara ifa isie amiorok).

13 Elilloŋ Pilato eitaha illo Fadirihien ojo leitaha ho iluluŋ no huwo. 14 Ojo do hosie, iyani itai de naŋ tihoni ile iya lobo ile ledihita huwo ano loru, “Towolo eifi naŋ inyeja do hosiere hatai, arruma naŋ obe nobo hipali do tihoni ille ta hirro inno lorosohini do honyie.

15 Obe lara hihuhumi ne Erode efahak inyeja enyie hinyiak dohoi, obe lobolo, nyo loremik ho ye le ehum inyie. 16 Esio iso naŋ do honyie nobo ŋoto, ajo naŋ ebusak inyeja. 17 Hati awak Pilato ŋalahu lobo do huwo ile Judei da far no hiyom.

18 Hati ŋaiwiwoŋita isieja bi daŋ hijo, ade ho tihoni le, hati telahu do hoi Barabas! 19 Ara Barabas tihoni lafa lehum hinnak irutti towan ojo hidofe ara ahatohoni.

20 Enyiak Pilato hirro do hosie etim hijo ahek Yesu. 21 Hati aŋawowoŋo isieja hijo isihok inyeja”. 22 Ojo inyeja do hosie hinyiahi hitahunihi, “Howon jai, ha nyo ne lorru lehum tiŋoni ileŋ Abe naŋ arumu nabo hipali ne oremik hisio inyeja hotoyio hati da halu ne ho ŋotto hanaŋ do ho nyie ebusak iso naŋ inyieja."

23 Arrasa isieja hiyorro no, awak isieja anayar le sihonini. Ette huworo no hosie hisio Pilato. 24 Eruhu ette Pilato hisio do hosie wahan nohosie. 25 Ahek inyeja lie lefia lawak isieja lefa lehumahini do hifitta te hihuhuma rutta do tokwan ojo hido otohoi. Hati esio Yesu do hosie.

26 Ifa laŋayari inyeja alet, adumu Simone lo Sairene, lotu tahaŋ nabo, ette isieja ahafak kuruce do honyie hatahafitai, ejufari Yesu.

27 Iluluŋ no lobolo na huwo, ho ŋoruo huna loyo do honyie, ejufari inyeja. 28 Hati ofielita do hosie, ojo Yesu”. Ŋainiok inno Yeruselem, idek heyio da hanaŋ hati itiye kwaite inno hatai ojo durre ile hatai.

29 Itiwolo eŋafanu holoŋi iso inno lojio isieja, hotowuana jaha de iholofi ojo hosehen nana inno lobe esiu ojo hi inno lobe 30 etidasa. Ette iso isieja hijita to doŋiok tobuluŋak dohoi, ojo do doŋiok moru tomuk iyohoi. 31 Lehuja isieja saŋ inne ojo yani arrasa hiŋara hoidoŋ iso nyo lootaiŋ

32 Orihori ifa isieja illak hoholak arik anyar esihohini ho inyeja hotoyo ho inyeja.

33 34 Ifa le ŋafanu isieja amai nalara Sukul, da ŋaisihok inyeja ho rutojiok, lobo de ihorroŋ ojo lobo de inyiet. Ojo Yesu, “Baba, idek isieja, obe isieja loyien hehuma isieja nyo”. Ojo isieja ette hibiro mwaŋa ehihor boŋojin innohonyie.

35 Owieta huwo riŋa ojo leitaha ellohitari inyeja, huwo, “Oluahita inyia luha hilak, isiara hido hotolwak wan nohonyie lara inyie Kristo lo Hollum lia Lenyimoti.”

36 Ette hido oseŋer elohitari inyeja, ojo ehutok do honyie, ette ŋetimhatik inyeja balu. 37 Ojo, “Lera iye Habu lo Judeya olwak wan nohoi. 38 Owon ifa hido ihierit do hide no Kuruce. “ARA IlLEŊ HABU LO JUDEI.”

39 Lobo la haruok lfa lesihohini, omor inyeja, ojo, “Ibe iye era Kristo ‘Tolwak kwan nohoi ho iyohoi.” 40 Hati etiraŋ ifa lobo ette hiriŋ inyeja hijo, “Obe iye libaŋ Hollum, ena ewon iye do ŋoto nia daŋ. 41 Ewon iyohoi inni dede ano lobis efwotu iyohoi hara nyo ehum iyohoi, hati obe tihoni ille ehum hinak hirro inno lorru.“

42 Einyak inyeja ŋafonik, Yesu, togilu naŋ lijo iye liba do lobie nohoi. 43 Ojo Yesu do honyie, “Dede ajo naŋ de hoi. Eina iwon iso iye ho naŋ de paradisio.

44 Era ifa holoŋ ile ette fau daŋ rioho many ara holoŋ hotoŋwan. 45 Ifa lenyie holoŋ olowan. Ette boŋo himuhi ne Haji Imojit bwanya tohiji.

46 Oyo binno ahide, ojo Yesu, Baba de has innohoi esio naŋ Loyiri hanaŋ. Ojo inyeja ette yei. 47 Ifa lowolo leittok hehum iso nyo etahwo inyie Hollum, hijo dede ara tihoni illeŋ haliboni.

48 Ifa lowolo huwo huna loluŋa hulefa lefanu wolo hiram nia, owolo saŋ daŋ innafa leihum, ette isieja olumuta suhena. 49 Hati huwo illo loyen inyeja ho ŋorwo innafa leijufuta inyeja to Galile owoita de illoma riŋa saŋ nuhe.

50 Awoita do lobo lara fure yosefo,ara inyieja le itubit,anyalam ojo hido tohoni le leliba 51 (Obe inyieja leruhu hihumi nie) hosie lo Aramatia, bore na gala no Judeya, lefaleitila hijo awolo lobie no Hollum.

52 Angaino tihoni ileng do pilato,efi inyieja to kwan no yesu. 53 Odumo inyie afau, ette bubun to bongo ne ellaman, ette ngaitiferik de iwure nafa leihumui tomorwo, no lobe lobo lonuhahini de.

54 Ara ifa far ne hitihuma ojo far ne 55 Sabato Noŋorwo inafa lefanu ho inyieja te Galileya ejufuta, hijo eiwolo iwure hijo honuha inyieja 56 jei. Acahari isieja, ofwo hihuhum ria ho hiyali hati te far ne Sabato eiyom iya lojo hifahita.