^{1 2} 1.ಆತುಡು ಪನ್ನೆಂಡು ಮಂದಿ ಶಿಷ್ಯಾಲ್ನಿ ಒಟ್ಗಪಿಲ್ಚಿ ವಾಳ್ಗಿ ಅಂತಾ ದೈಯ್ಯಾಲ್ನಿ ಉಡ್ಬಿಚ್ಚ ಮಲಿ ರೋಗಾಲ್ನಿ ವಾಸಿಸೆಸ ಶಕ್ತಿ ಅಧಿಕಾರಲ್ನಿ ಇಚ್ಚಿ 2.ದೇವುಡ ರಾಜ್ಯಮ್ನ ವಿಶ್ಯoಮ್ನಿ ಸಾರದಾನ್ಗು ಅಸ್ವಸ್ಥಲೈನವಾಳ್ನೀ ಸ್ವಸ್ಥಂಸೇಸೆದಾನ್ಗಿ ವಾಳ್ನೀ ಅಂಪಿಚ್ಚಾಡು. ^{3 4} 3.ಅಂಪಿಚ್ಚೆಪ್ದು ವಾಳ್ಗಿ ಸೊಪ್ಪಿoದೇಮಂಟೆ -ದಾವ್ಗಿ ಏಮು ತಿಸ್ಗಾನ್ನಿ ಪೋವ್ವದಂಡಿ,ಕಟ್ಟಾ ಹಸ್ಬಿ ಬುತ್ತಿ ದುಡ್ಲು ವದ್ದು;ರೊಂಡಗ್ಗಿಲುoಡಗೂಡ್ಗು. 4.ಇದಿಕಾಗುಂಡ ಮೀಳು ಯಾವ ಇಟ್ಲಾ ದಿಗ್ಗನ್ನೂ ಅನೇ ಉಂಡoಡಿ,ಆನ್ನಿಂಕನೇ ಎಲ್ಲಂಡಿ. ^{5 6} 5.ಮಲಿ ಯಾವ ಊರೋಲೈನು ಮಿಮ್ಮಲ್ನಿ ಸೇರ್ಬಿಚ್ಚ್ಕೊಕುಂಡ ಪಾತೆ ಆ ಊರ್ನಿ ಮೀಳು ಉಡ್ಸಿಪಾಯಪ್ಡು ಮೀ ಕಾಳ್ಗಿ ಅಂಟ್ನ ಧೂಳ್ನಿ ಝಾಡ್ಸಿಉಡoಡಿ;ಆದಿ ವಾಳ್ಗಿ ವಿರೋಧಂಗ ಸಾಕ್ಷಿಗಉಂಡ್ನಿ ಅನ್ನಾಡು. 6.ಅಪ್ಡು ವಾಳು ಎಲ್ಲಿ ಪಾಯಿ ಯಾನ್ಯಾನು ಸುವಾರ್ತಾನ್ನಿ ಸಾರ್ತಾ ರೋಗಿಲ್ಗಿ ವಾಸಿಸೇಸ್ತಾ ಗ್ರಾಮಲಂತ ಸಂಚರಿಚ್ಚಾಡು. ^{7 8 9} 7.ಇಟ್ಟುoಡಗ ಉಪರಾಜುಡೈನ ಹೇರೋದುಡು ನಡ್ಸ್ನಾ ಸಂಗತಿಲ್ನoತ ಇನಿ ಬಹಳಂಗ ಕಳವಳಪಡವಾಡೈನಾಡು.ಯದ್ಗoಟ್ಟೆ ಸಚ್ಚುಂಡ ಯೋಹಾನುಡು ತಿರ್ಗಿ ಬದ್ಕುoಟಾಡನೀ ಕೆಲ್ವಲು, 8.ಎಲೀಡು ಕಂಬಿಚ್ಗಾನಡನೀ ಕೆಲವ್ಳು ಪೂರ್ವಂನ ಪ್ರವಾದಿಲ್ಲ ಯವ್ವಡೂ ಒಕ್ಕಡು ಲೇಸ್ನಾಡನಿ ಕೆಲವ್ಳು ಸೋಪ್ಗಟಾಉಂಟಾರು. 9.ಆಯ್ತೇ ಹೇರೋದುಡು ಯೋಹಾನಡ್ನಿ ನೀನೇ ಪೋಸ್ನಾನಂತೆ.ಊಡುಯವ್ವಡು?ಊಡ ವಿಷ್ಯಮಾಯಿ ಆಶ್ಚರ್ಯಕರಮೈನ ಸಂಗತಿಲ್ನಿ ಇoಟಾಡಕದ ಅನಿ ಸೊಪ್ಪಿ ವಾಡ್ನಿ ಸೋಡಾಲನಿ ಪ್ರಯತ್ನಿಚ್ಚಾಡು. ^{10 11} 10.ಇಟ್ಲಾಗ ಅಪೋಸ್ತಾಲು ಯನ್ಕಿತಿರ್ಗಿ ವಚ್ಚಿ ತಾವು ಸೇಸಿದಂತ ಯೇಸುಗಿ ವಿವರಂಗ ಸೋಪ್ಪಾಲು ಆತುಡು ವಾಳ್ನೀ ಬೇತ್ಸಾಯಿದoಅನ ಊರ್ಗಿ ವಿಂಗಡoಗ ಪಿಲ್ಚ್ಗಾನ್ನಿ ಪೈನ್ನಾಡು. 11.ಆಯ್ತೆ ಜನಲಗುಂಪು ದೀನ್ನಿ ತಿಳ್ಚಿ ಆತುಡ ಏನ್ಕ ಪೈಯ್ಯಲು ಆತುಡು ವಾಳ್ನೀ ಪ್ರೀತಿನಿಂಕ ಸ್ವೀಕರಿಚ್ಚಿ ದೇವುಡ ರಾಜ್ಯಮ್ನ ವಿಷ್ಯಂಗ ವಾಳ ಸಂಗಡ ಮಾಟಾಡಿ ಕ್ಷೆಮಂಕಾವ್ವಲನವಾಳ್ಗಿ ವಾಸಿ ಸೇಸ್ನಾಡು. ^{12 13 14} 12.ಪದ್ದು ದಿಗ್ತಾ ಊಟಾನ್ಗಿ ಬೇಕೈನ ಪದಾರ್ಥಲ್ನಿ ದೊರ್ಕಿಚ್ಗಾನ್ನಿ;ಮಾಮು ಇನ ಅಡವಿಯ ಸ್ಥಳಮ್ಲಾ ಉಂಡಾಂಕದ ಅನಿ ಅತುಡ್ಗಿ ಸೋಪ್ಪಾಲಾಯಿ ಆತುಡು ಮೀಳೇ ವಾಳ್ಗಿ ಊಟನ್ಗಿ ಇಯ್ಯಂಡಿ ಅನ್ನಾಡು. 13.ಅಂದ್ಗುವಾಳು -ಮಾಲಾ ಐದುರೊಟ್ಳು ರೊಂಡು ಸ್ಯಾಪ್ಲು ಹೊರ್ತು ಹೆಚ್ಚೇಮಿ ಲೇದು;ಮಾಮು ಪಾಯಿ ಈ ಜನಲ್ಗಂತ ಆಹಾರಮ್ನಿ ಕೊಂಡ್ಗವಾಲ್ನಾ?ಅನ್ನಾಳು. 14.ಮೊಗವಾಳೆ ಹೆಚ್ಚು ಕಡ್ಮೆಐದುಸಾವಿರ ಮಂದಿಉನ್ನಾರು.ಅಪ್ಡು ಆತುಡು ತನ್ನ ಶಿಷ್ಯಲ್ಗಿ -ಊಳ್ನೀ ಒಕ್ಕೊಕ್ಕ ಪಂಕ್ತಿಗಿ ಹೆಚ್ಚುಕಡ್ಮೆ ಯಾಭಾಯಿಯಾಭಾಯಟ್ಲ ಕುಚ್ಪಟ್ಟoಡಿ ಅನಿ ^{15 16 17} 15.ಸೋಪ್ಪಾಲು ವಾಳು ಅಟ್ಟೆಯೇ ಅಂದ್ರೂನ್ನೂ ಕುಚ್ಪೆಟ್ಟರು. 16.ಆ ಪೈನ ಆತುಡು ಆ ಐದು ರೊಟ್ಳು ರೊಂಡು ಸ್ಯಾಪ್ಲನಿ ತಿಸ್ಗಾನ್ನಿ ಆಕಾಶಂ ಕಡ್ಗಿಸೂಸಿ ಅವುಟ್ಲ್ನಿ ಆಶಿರ್ವಾದ್ದಿಚ್ಚಿ ಇರ್ಸಿ ಶಿಷ್ಯಾಲ ಸೈಗಿ ಇಚ್ಚಿ-ಈ ಜನಲ ಗುಂಪ್ಗಿ ಪಂಚ್ಚಂಡಿ ಅನ್ನಾಡು. 17.ವಾಳoದ್ರು ಊಟಂಸೇಸಿ ತೃಪ್ತಲೈರ್ರೀ;ಉಳ್ಸ್ನಾ ತುಂಡ್ಲಿನ್ನಿ ಕೂಡಿಚ್ಚಲಾಗ ಅವಿ ಪನ್ನೇoಡು ಪುಟ್ಟಿ ಆಯ್ನಾವಿ. ^{18 19} 18.ಒಂದಾನೊಂದ್ದು ದಿವಸಂ ಆತುಡು ಎಕಾಂತ್ತoಗ ಪ್ರಾರ್ಥನಂಸೇಸ್ತಾವುನ್ನಪ್ದು ಆತಡ ಶಿಷ್ಯಾಲು ಆತುಡ ಸಂಗಡಂ ಉನ್ನಾರು.ಆತುಡು -ನನ್ನಿ ಸಾಮಾನ್ಯ ಜನಾಲು ಯವ್ಳು ಅಂಟಾಳು ಅನಿ ವಾಳ್ನಿ ಅಡ್ಗಿನ್ದಾನ್ಗು ವಾಳು- 19.ನಿನ್ನಿ ಸ್ನಾನಿಕುಡೈನ ಯೋಹಾನುಡು ಅಂಟಾರು; ಕೆಲವ್ಳು ಎಲೀಯಡು ಅಂಟಾರು; ಇಂಕ ಕೆಲವ್ಲು ಎಲೀಯಡು ಅಂಟಾರು;ಇಂಕ ಕೆಲವ್ಳು ಪೂರ್ವoನ ಪ್ರವಾದಿಲ್ಲ ಯಾವ್ವುಡೋ ಒಕ್ಕಡು ಲೆಸ್ನಾಡು ಅಂಟಾರು ಅನಿ ಸೋಪ್ನಾಡು. ^{20 21 22} 20.ಆತುಡು ವಾಳ್ನೀ -ಆಯ್ತೆ ಮೀಳು ನನ್ನಿ ಯವ್ವಳು ಅಂಟಾರು ಅನಿ ಅಡ್ಗಲಾಗ ಪೇತ್ರುಡು -ನುವ್ವ ದೆವುಡ್ನಿoಕ ವಚ್ಚಕಾಪೈನಾ ಕ್ರಿಸ್ತುಡು ಅನಿ ಉತ್ತರಂಇಚ್ಚಾಡು. 21.ಅಪ್ಡು ಆತುಡು ದೀನ್ನಿ ಯವ್ವಳ್ಗು ಸೋಪ್ಪದಂಡಿ ಅನಿ ಬಹು ಖಂಡಿತoಗ ವಾಳ್ಗಿ ಅಪ್ಪಣಂಇಚ್ಚಿ- 22.ಮನುಷ್ಯ ಕುಮಾರುಡು ಬಹು ಕಷ್ಟಲ್ನನುಬ್ಬವಿಚ್ಚಿ ಹಿರಿಲ್ನಿಂಕಾನು ಮಹಾಯಾಜಕಲ್ನಿಕಾನು ಶಾಸ್ತ್ರಿಲ್ನಿಂಕಾನೂ ನಿರಾಕೃತಡೈ ಸಂಪ್ಪೆಸದಾನ್ಗಿ ಮೂಡ್ನೆದಿನಂಲಾ ಜೀವಿತುಡೈ ಲೆಪಿಚ್ಚಪಡದೈನದ್ದಿ ಅನಿ ಸೋಪ್ನಾಡು. ^{23 24 25} 23.ಇಂತೆಕಾದನಿ ಆತುಡು ಅಂದ್ರೂಗ್ಗು ಸೊಪ್ಪಿoದೇಮoಟೆ -ಯವ್ವಡಿಗೈನ ನಾ ಯನ್ಕ್ ವಚ್ಚೆದಾನ್ಗಿ ಮನ್ಸುoಟ್ಟೆ ವಾಡು ತನ್ನಿ ನಿರಾಕರಿಚ್ಚಿ ತನ್ನ ಶಿಲುಬೇನ್ನಿ ದಿನಾಲೂ ಮೋಸಿಗನ್ನಿ ನಾ ಯನ್ಕ ರಾನಿ. 24.ತನ್ನ ಪ್ರಾಣoನ್ನಿ ಉಲ್ಪಿಚ್ಕೊವಾಲನ್ನವಾಡು ದಾನ್ನಿ ಕಳ್ಸಗಂಟಾಡು;ಆಯ್ತೆ ನಾ ನಿಮಿತ್ತಂಗ ತನ್ನ ಪ್ರಾಣಂನ್ನಿ ಕಳ್ಸಗನ್ನವಾಡು ದಾನ್ನಿ ಉಳ್ಬಿಚ್ಚಗನ್ನ್ಟಾಡು. 25.ಒಕ್ಕ ಮನುಷ್ಯಡು ಲೋಕಂಅಂತಾ ಸಂಪಾದಿಚ್ಗನ್ನಾನು ತನ್ನೆ ಸೇದ್ಪ್ ಗಂಟೆ ಅಥ್ವ ನಷ್ಟoಪದ್ಬಿಚ್ಚಗಂಟೆ ವಾಡ್ಗಿ ಪ್ರಯೋಜನಂ ಏಮಿ? ^{26 27} 26.ಯವ್ವಡು ನಾಕು ನಾ ಮಾಟಲ್ಗು ನಾಚ್ಗoಟಾಡೋ ವಾಡ್ಗಿ ಮನುಷ್ಯಕುಮಾರುಡು ತನ್ಗೂ ತನ್ನ ತಂಡ್ರಿಗೂ ಪರಿಶುದ್ದಾoದೂತುಲ್ಗು ಉಂಡ ಪ್ರಭಾವoಜೊತ್ಲಾ ನಾಚ್ಗoಟಾಡು. 27.ಮೀಕಿ ಸತ್ಯoಗ ಸೋಪ್ತಾನು,ಇನಾ ನಿಲ್ಚುoಡವಾಳೋಗ ಕೆಲವ್ಳು ದೇವುಡರಾಜ್ಮಮ್ನಿ ಸೂಸ ತನ್ಕ ಮರಣಂ ಹೊಂದೇಲೇದನಿ ಅನ್ನಾಡು. ^{28 29} 28.ಯೇಸು ಇ ಮಾಟಲ್ನಿ ಸೊಪ್ಪಿ ಸುಮಾರು ಎನಂದ್ದಿ ದಿವಸಲೈನಂಕ ಪೇತ್ರ ಯೋಹಾನ ಯಾಕೊಬಲ್ನಿ ಪಿಲ್ಚ್ಗಾನ್ನಿ ಪ್ರಾರ್ಥಾನಂಸೇಸೆದಾನ್ಗಿ ಕೊಂಡನ್ನಿ ಎಕ್ನಾಡು. 29.ಆತುಡು ಪ್ರಾರ್ಥನoಸೇಸ್ತುoಡಗ ಆತುಡ ಮುಖಂಭವಂ ಬೇರೆಆಯಾ. ^{30 31} 30.ಆತುಡ ಉಪ್ದು ತೆಲ್ಲಗೈ ಮಿಂಚ್ತವಚ್ಚೆ.ಇಂತೆಕಾದನೀ ಇದ್ರೂ ಮೊಗವಾಳು ಆತುಡ ಸಂಗಡ ಮಾಟಾಡ್ತಾಉಂಡ್ರಿ.ಊಳು ಯವ್ವಳoಟೆ ಮೋಶೆಯು ಎಲೀಯಡೂ. 31.ಊಳು ವೈಭವಂನಿಂಕ ಕಂನ್ಬಿಚ್ಗಾನಿ ಯೆರುಸಲೇoಲಾ ಆತುಡು ನೆರವೇರಿಚ್ಚಲುಂಡ ಮರಣಂನ ವಿಷ್ಯಂಗ ಮಾಟಾಡ್ತಾಉಂಡ್ರಿ. ^{32 33} 32.ಇಂತಿಟ್ಲಾನೆ ಪೇತ್ರುಡಗು ವಾಡ ಸಂಗಡo ಉನ್ನವಾಲ್ಗಿ ನಿದ್ರಾನಿಂಕ ಪೈಭಾರಂಆಯ್ನದ್ದಿ.ಆಯ್ತೆ ಎಚ್ಚರಮೈನಾ ಪೈನಾ ವಾಳು ಆತುಡ ಮಹಿಮೆನ್ನಿ ಆತುಡ ಸಂಗಡ ನಿಲ್ಚ್ಚುನ್ನ ಆ ಇದ್ರೂ ಪುರುಷಲ್ನಿ ಸೂಸ್ರಿ. 33.ಊಳು ಆತುಡ್ನಿ ಉಡ್ಸಿ ಪಯ್ಯೇನಪ್ಡು ಪೇತ್ರುಡು ಯೇಸುಗಿ -ಗುರುವೇ ಮಾಮು ಇನೇ ಉಂಡೆದಿ ಮಂಚ್ಚಿದಿ,ಮೂಡು ಪರ್ಣಶಾಲಾಲ್ನಿ ಕಟ್ತಾಮು;ನಿಕೊಕ್ಕಟ್ಟಿ ಮೋಶೆಗೊಕ್ಕಟ್ಟಿ ಎಲೀಯಡ್ಗಿಒಕ್ಕಟ್ಟಿ ಅನಿ ಸೋಪ್ನಾಡು.ವಾದನ್ನಿoದ್ದಿ ತನಗೆ ಗೋತ್ಕಾಲೇದು. ^{34 35 36} 34.ವಾಡು ದೀನ್ನಿ ಸೋಪ್ತುoಡಗ ಮೋಡoವಚ್ಚಿ ವಾಳಪೈನ ಕವ್ಸಿoದ್ದಿ .ವಾಳು ಮೋಡಂಲೊಗ ಸೆರ್ನಪ್ದು ದಡ್ಸ್ನಾಳು. 35.ಅಪ್ಡು ಆ ಮೋಡಂಲೊಗನಿಂಕ -ಈತುಡು ನಾ ಕೊಡ್ಕು.ನೀನು ಆರ್ಬಿಚ್ಗನ್ನವಾಡು ;ಈತುಡ ಮಾಟ್ನೀ ಇನಂಡಿ ಅನಿ ಆಕಾಶವಾಣಿಆಯಾ. 36.ಆ ವಾಣಿ ಅನಪೈನಾ ಯೇಸುನ್ನಿ ಮಾತ್ರಂ ಸೂಸ್ನಾರು.ತಾವು ಸೂಸ್ನಾ ಈ ಸಂಗತಿಲೊಗ ಒಕ್ಕಟ್ಟನ್ನಿಆಯ್ನಾ ಆ ದಿವಸಂಲಾ ಯವ್ಳುಗು ತಿಲ್ಬಿಚ್ಚ್ಗುoಡ ಊರ್ಕಉಂಡ್ರಿ. ^{37 38 39 40} 37.ಮರುದಿನಂ ವಾಳು ಕೊಂಡನಿಂಕ ದಿಗಿ ವಚ್ನಪ್ದು ಜನಾಲ ಪೆದ್ದಗುಂಪು ಆತುಡೆದ್ರoಗ ವಚ್ಚ. 38.ಅಪ್ಡು ಆ ಗುoಪ್ಲಾ ಒಕ್ಕಡು -ಬೋಧಕುಡೆ,ನಾ ಕೊಡ್ಕಪೈನಾ ದೃಷ್ಟಿಪೆಟ್ಟಾಲಾ ಅನಿ ನಿನ್ನಿ ಬೇಡ್ಗಂಟಾನು.ನಾಕಿ ಊಡುಒಕ್ಕಡೆ ಕೊಡ್ಕು.ಊಡ್ನೀ ದೈಮುಪೊಟ್ತಾವಿ ,ಪೊಟ್ನಟ್ಲೇ ಕೂಸ್ಗoಟಾಡು. 39.ನೋಟ್ಲಾ ನೋರವಚ್ಚಂತ ವಾಡ್ನಿ ಒದ್ದಾಡ್ಬಿಸ್ತಾವಿ;ಮಲಿ ಬಹುಕಷ್ಟಂಇಚ್ಚಿ ಜಜ್ಜಿನ ಹೊರ್ತು ಉಡ್ಸೆಲೇದು. 40.ದಾನ್ನಿ ಉದ್ಬಿಚ್ಚಾಲನಿ ನೀ ಶಿಷ್ಯಾಲ್ನಿ ಬೇಡ್ಗಾನ್ನಾನು.ಆಯ್ತೆ ವಾಳ್ನಿಂಕ ಕಾನೆಲೇದು ಅನಿ ಕೂಸಿ ಸೋಪ್ನಾಡು. ^{41 42} 41.ಅಂದ್ಗೆ ಯೇಸು -ಎಲಾ,ನಂಬಿಕೆಲೆಕುನ್ನ ಮೂರ್ಖಸಂತಾನ್ಮೆ,ನೀನು ಇಂಕ್ಕೆಂತ ದಿನಂ ಮೀ ಸoಗಡಂ ಉಂಡಿ ಮಿಮ್ಮಲ್ನಿ ಸಹಿಸ್ಗದ್ನು?ನೀ ಕೊಡ್ಕನಿ ಈನ್ಗಿ ಪಿಲ್ಚಗ್ಗನಿ ರಾ ಅನ್ನಾಡು. 42.ಆ ಪಿಲ್ಗಾಡು ಇoಕಾ ವಸ್ತುoಡಾಗ ಆ ದೈಮು ವಾಡ್ನಿ ನ್ಯಾಲ್ಗಿಅಪ್ಲಿಚ್ಚಿ ಬಹಳಂಗ ಒದ್ದಾಡ್ಬಿಚ್ಚಿಂದಿ. ಆಯ್ತೆ ಯೇಸು ಆ ದೈಮ್ನಿ ಗದರಿಚ್ಚಿ ಆ ಪಿಲ್ಗಡ್ಗಿ ವಾಸಿಸೇಸಿ ವಾಡ ತಂಡ್ರಿಯ ಸೇತ್ಗಿ ಇಚ್ಚಾಡು. ^{43 44 45} 43.ದಾನ್ನಿ ಸೂಸಿ ಅಂದ್ರೂ ದೇವುಡ ಮಹತ್ವನ್ಗಿ ಬೇರ್ಗೈರಿ. 44.ಯೇಸು ಸೇಸಿನಾ ಅಂತಾ ಕಾರ್ಯಾಲ್ಗಿ ಅಂದ್ರೂ ಆಶ್ಚರ್ಯಂಪೋಡ್ತುoಡಗ ಆತುಡು ತನ್ನ ಶಿಷ್ಯಲ್ಗಿ ಮೀಲಂತೂ ಈ ಮಾಟಲ್ನಿ ಮೀ ಮಂಸ್ಲಾ ಪೆಟ್ಗoಡ್ಡಿ;ಯಂದ್ಗoಟೆ ಮನುಷ್ಯಕುಮಾರುಡು ಮನುಷ್ಯಡ ಸೈಗಿ ಒಪ್ಪಿಚ್ಚಲ್ಪಡ್ನಾಡು ಅನಿ ಸೋಪ್ನಾಡು. 45.ವಾಳು ಈ ಮಾಟಲ್ನಿ ಗ್ರಹಿಚ್ಚಲೇದು;ಅದಿ ವಾಳ್ಗಿ ಮರೆಆಯ್ನದ್ಗು ದಾನ್ನ ಅರ್ಥಂನ್ನಿ ವಾಳು ತಿಳ್ಗುಂಡ ಪೈನಾರು.ಆ ಮಾಟ್ನ ವಿಷ್ಯಂಲ ವಾಳು ಆತುಡ್ನಿ ಇನೆದಾನ್ಗಿ ಅಂಜ್ನಾಳು. ^{46 47 48} 46.ತರುವಾಯಂ ಶಿಷ್ಯಲೋಗ-ವಾಳಾಯವ್ವಡು ಹೆಚ್ಚಿನವಾಡೈತಡೋ ಅನಾ ವಿಚಾರಂಪುಟ್ಟಿoದ್ದಿ. 47.ಯೇಸು ವಾಳ ವಿಚಾರಂನ್ನಿ ತಿಳ್ಸಿ ಒಕ್ಕಸಿನ್ನ ಮಗುನ್ನಿ ಪೊಟ್ಗಾನ್ನಿ ತನ್ನ ಬಳಿಲಾ ನಿಲ್ಪಿ 48.ವಾಳ್ಗಿ-ಯವ್ವಡೈನ ನಾ ಪೆರ್ಲಾ ಈ ಸಿನ್ನ ಪಾಪ್ನಿ ಸೇರ್ಪಿಚ್ಗoಟ್ಟೆ ನನ್ನಿ ಸೇರ್ಪಿಚ್ಗನ್ನಟಾಯ ; ಮಲಿ ಯವ್ವಡೈನ ನನ್ನಿ ಸೇರ್ಪಿಚ್ಗoಟ್ಟೆ ನನ್ನಿ ಅಂಪಿಚ್ಚಿನವಾಡ್ನೆಸೇರ್ಪಿಚ್ಗನ್ನಟಾಯ ;ಯಂದ್ಗoಟ್ಟೆ ಮೀಅಂದ್ರದಾoಟ್ಲಾನು ಯವ್ವಡು ಸಿನ್ನೋಡೋ ವಾಡೆ ಪೆದ್ದವಾಡು ಅನಿ ಸೋಪ್ನಾಡು. ^{49 50} 49.ಅಂದ್ಗೆ ಯೋಹಾನುಡು -ಗುರುವೇ,ಯವ್ವಡೋ ಒಕ್ಕಡು ನೀ ಪೇರ್ ಸೊಪ್ಪಿ ದೈಮುಉದ್ಬಿಚ್ಚದಾನ್ನಿ ಮಾಮು ಸೂಸಿ ವಾಡು ಮಾಕಿ ಸೇರ್ನವಾಡುಕಾಕುಂಡ್ನದಾನ್ಗು ವಾಡ್ಗಿ ಅಡ್ಡಿ 50.ಸೇಸ್ತಮೀ ಅನ್ನಲು ಯೇಸು ವಾಡ್ಗಿ-ಅಡ್ಡಿಸೇಯ್ಯದಂಡಿ;ಮಿಮ್ಮಲ್ನು ದಡ್ಬಿಚ್ಚಿನಾವಾಡು ಮೀ ಪಕ್ಷಮೋಡೆ ಅನಿ ಸೋಪ್ನಾಡು. ^{51 52 53} 51.ಯೇಸು ತಾನು ಪರಲೋಕಂನ್ನಿಎರ್ನಾ ದಿವಸಾಲು ನಿಂಡ್ತಾ ವಚ್ಚಪ್ದು ಯೆರುಸಲೆಮ್ಗಿ ಪಯ್ಯೇದಾನ್ಗಿ ಮನಸ್ನಿ ದ್ರುಡo ಸೇಸ್ಗಾನಿ ತನ್ನ ಮುಂದ್ರಂಗ ದೂತಲ್ನಿ ಅಮ್ಪಿಚ್ಚಾಡು. 52.ಊಳು ಎಲ್ಲಿ ಆತುಡ್ಗಿ ಕಾಪಯ್ಯೇದಾನ್ನಿ ಸಿದ್ದಂಸೇಸೆದಾನ್ಗಿ ಸಮಾರ್ಯಂಮೊಳ ಒಕ್ಕಹಳ್ಳಿಗಿ ವಚ್ನಾರು. 53.ಆಯ್ತೆ ಆತುಡು ಯೇರುಸಲೆಮ್ಗಿ ಪಯ್ಯವಾಡೈನಂದ್ಗು ಆ ಸಮಾರ್ಯಂಮೊಳ ಆತುಡ್ನಿ ಸೇರ್ಬಿಚ್ಗಲೇದು. ^{54 55 56} 54.ಆತುಡ ಶಿಷ್ಯಲೈನ ಯಾಕೊಬ ಯೋಹಾನಲು ದೀನ್ನಿ ಸೂಸಿ -ಸ್ವಾಮಿ ,ಆಕಾಶಂನಿಂಕ ಅಗ್ಗಿಪೊಡಿ ಊಳ್ನಿ ನಾಶನಂ ಅನಿ ಮಾಮು ಸೊಪ್ಪಿನ್ದಾನ್ಗು 55.ನೀಕಿ ಮಂಸುoದ್ಯಾ ಅನಿ ಅಡ್ಗಾಲು ಆತುಡು ತಿರಿಕ್ಕಾನ್ನಿ ವಾಳ್ನಿ ಗದ್ರಿಚ್ಚಾಡು. 56.ಅಪ್ಡು ವಾಳoದ್ರೂ ಬೇರೆ ಹಳ್ಳಿಗಿ ಪೈನ್ನಾರು. ^{57 58} 57.ವಾಳು ದಾವ್ಲಾ ಪಾತುಂಡ್ನಪ್ದು ಯವ್ವಡೋ ಒಕ್ಕಡು ಯೇಸುಗಿ -ನುವ್ವ ಯಾನ್ಗಿಪೈನ್ನಾನು ನಾನು ನೀ ಯನ್ಕ್ ವಸ್ತಾನು ಅನಿ ಸೋಪ್ಪಾಲು ಆತುಡು 58.ವಾಡ್ಗಿ-ನಕ್ಕಲ್ಗಿ ಗುದ್ದುಲುoಡಾವಿ ,ಆಕಾಶಂಲಾ ಹಾರಾಡ ಹಕ್ಕಿಲ್ಗಿ ಗೂಡ್ಲುoಡಾವಿ ;ಆಯ್ತೇ ಮನುಷ್ಯಕುಮಾರುಡ್ಗಿ ತಲಪೆಟ್ಟಾoತ್ತ ಸ್ಥಳಮು ಲೇದು ಅನಿ ಸೋಪ್ನಾಡು. ^{59 60} 59.ಆತುಡು ಮತ್ತೋಕ್ಕಡ್ಗಿ -ನನ್ನಿ ಹಿಂಬಾಲಿಚ್ಚು ಅನಿ ಸೋಪ್ಪಲು ವಾಡು -ಸ್ವಾಮಿ,ನಾನು ಮೊದ್ಲು ಪಾಯಿ ನಾ ತಂಡ್ರಿಯ ಉತ್ತರಕ್ರಿಯೇಲ್ನಿ ಸೇಸಿ ವಚ್ಚಟ್ಲಾ ನಾಕಿ ಅಪ್ಪಣಂಕಾವಾಲ ಅನ್ನಾಡು. 60.ಆಯ್ತೆ ಆತುಡು ವಾಡ್ಗಿ-ಸಚ್ಚಿನವಾಳೆ ತಮ್ಮವಾಳಾ ಸಚ್ಚಿಪಾಯ್ನಾವಾಳ ಉತ್ತರಕ್ರಿಯೇಲ್ನಿ ಸೇಯ್ನಿ,ನುವ್ವoತೂ ಪಾಯಿ ದೇವುಡ ರಾಜ್ಯಮ್ನಿ ಪ್ರಸಿದ್ದಿಪದ್ಬಿಚ್ಚು ಅನಿ ಸೋಪ್ನಾಡು. ^{61 62} 61ಊಡೋಕ್ಕಡು ಸಹ ಸ್ವಾಮೀ,ನಿನ್ನಿ ಹಿಂಬಾಲಿಸ್ತಾನು;ಆಯ್ತೆ ಮೊದ್ಲು ನಾ ಇಂಟ್ವಾಲ್ಗಿ ಸೊಪ್ಪಿ ವಚ್ಚೆದಾನ್ಗಿ ನಾಕಿ ಅಪ್ಪಣಂಕಾವಾಲ ಅನ್ನಾಡು. 62.ಯೇಸು ವಾಡ್ಗಿ -ಯವ್ವಡೈನ ನೆಗಿಲ್ನಾ ಪೈನ ತನ್ನ ಸೈಯ್ನಿ ಎಸಿ ಯನ್ಕಿ ಸೂಸ್ತೆ ವಾಡು ದೇವುಡ ರಾಜ್ಯನ್ಗಿ ತಕ್ಕವಾಡ್ ಕಾದನಿ ಸೋಪ್ನಾಡು.