¹ 1.ವಾಡು ತನ್ನ ಮಾಟಲ್ಲನ್ನಿ ಜನಲು ಇನಟ್ಲಾ ಸೊಪ್ಪಿ ಮುಗ್ಬಿಚ್ಚನ್ ಪೈನ ಕಪೆರ್ನೌಮಿಗಿ ವಚ್ನಾಡು. ^{2 3 4 5} 2.ಆನ ದಂಡ್ನಾ ಶತಾಧಿಪತಿಗಿ ಇಷ್ಟಮೈನಾ ಒಕ್ಕಆಳು ಕ್ಷೇಮಂಲೆಗುನ್ನ ಸಚ್ಚಟ್ಲ್ ಅಟ್ಟುoಟಾಡು. 3.ವಾಡು ಯೇಸುವಿನ ಸುದ್ದಿನ್ನಿ ಇನಿ ಆತುಡ ದೇಗ್ಗರ್ಗಿ-ನುವ್ವ ವಚ್ಚಿ ನಾ ಆಳ್ನಿ ಸ್ವಸ್ತಂ ಸೇಯ್ಯಲನಿ ಆತುಡ್ನಿ ಬೇಡ್ಗಂನ್ನಟ್ಲಾ ಯೆಹೊದ್ಯಲ ಹಿರಿಲ್ನಿ ಅಮ್ಪಿಚ್ನಾಡು. 4.ವಾಳು ಯೇಸುನ ದೇಗ್ಗರ್ಗಿ ವಚ್ಚಿ-ನಿನ್ನಿಂಕ ಇಟ್ಟ ಉಪಕಾರಂ ಹೊoದೆದಾನ್ಗಿ ವಾಡು ಯೋಗ್ಯಡು; 5.ವಾಡು ಮಾ ಜನಾಲ್ನಿ ಪ್ರೀತಿಚ್ಚವಾಡು ,ತಾನೇ ಮಾ ಸಭಾಮಂದಿರಾನ್ನಿ ಮಾಕೈ ಕಟ್ಟಿಚ್ಚ್ನಾಡು ಅನಿ ಆತುಡ್ನಿ ಬಹಳಂಗ ಬೇಡ್ಗನ್ನಾಲು ಯೇಸು ವಾಳ ಸಂಗಡ ಪೈಯ್ನಾಡು. ^{6 7 8} 6.ಆತುಡು ಇಂಕ ಇಂಟ್ಗಿ ಮುಟ್ಟದಾನ್ಗಿ ಕೊಂಚಂದೂರಂಉನ್ನಪ್ದೇ ಶತಾಧಿಪತಿಯು ಸ್ನೇಹಿತಲ್ನಿ ಆತುಡ ದೇಗ್ಗರ್ಗಿ ಅಮ್ಪಿಚ್ಚಿ -ಪ್ರಭುವೇ ,ತೊಂದ್ರ ತಿಸ್ಗಾವದ್ದು ;ನುವ್ವ ನಾ ಇಂಟ್ಗಿ ವಚ್ಚಾoತ ಯೋಗ್ಯತೆ ನಾಲಲೇದು. 7.ಈ ಕಾರಣಂನಿಂಕ ನೀನು ನನ್ನಿ ನೀ ದೇಗ್ಗರ್ಗಿ ವಚ್ಚದಾನ್ಗಿ ತಕ್ಕಮೋಡನಿ ಎನ್ಬಿಚ್ಚಲೇದು ಆಯ್ತೇ ನುವ್ವ ಒಕ್ಕಮಾಟ ಸೊಪ್ಪು ,ನಾ ಆಳ್ಗಿ ಗುಣಂಆತಾದಿ. 8.ನೀನು ಸಹ ಮತ್ತೋಕ್ಕಡ ಸೈಕಿಂದಉಂಡವಾಡು;ನಾ ಸೈಕಿಂದ ಸಿಪಾಯಿಲು ಉಂಡಾಳು;ನೀನು ವಾಳಾ ಒಕ್ಕಡಿಗಿ ಪೋ ಅನಿ ಸೋಪ್ತೆ ಪಾತಾಡು;ಮಲಿ ಒಕ್ಕಡ್ಗಿ ರಾ ಅನಿ ಸೋಪ್ತೆ ವಸ್ತಾಡು ;ನಾ ಆಳ್ಗಿ ಇಟ್ಟಿಟ್ಟದಾನ್ನಿ ಸೆಯ್ಯಿ ಅನಿ ಸೋಪ್ತೆ ಸೇಸ್ತಾಡು ಅನ್ನಿ ಸೊಪ್ಪಿಬಿಚ್ಚನ್ನಾಡು. ^{9 10} 9.ಯೇಸು ಈ ಮಾಟ್ನೀ ಇನಿ ವಾಡ ವಿಷಯಂಲ ಆಶ್ಚರ್ಯಂಪೊಡಿ ತನ್ನ ಎನ್ಕ ವಸ್ತಾವುನ್ನ ಗುಂಪ್ನಿ ಯನ್ಕಿತಿರ್ಗಿ ಸೂಸಿ -ನಾನು ಇಂತ ಪೆದ್ದ ನಂಬಿಕಾನ್ನಿ ಇಸ್ರಾಯೇಲ್ ಜನಲಾನು ಸೂಡ್ಲೆದನಿ ಮೀಕಿ ಸೋಪ್ತಾನು ಅನ್ನಾಡು. 10.ತರುವಾಯಂ ಆ ಶತಾಧಿಪತಿಯ ಕಡನಿಂಕ ವಚ್ಚಿನವಾಳು ತಿರ್ಗಿ ಇಂಟ್ಗಿ ಪಯ್ಯಿ ಆಳು ಆರೋಗ್ಯಂಗ್ಗಉಂಡಾದಾನ್ನಿ ಸೂಸ್ನಾರು. ^{11 12 13 14 15} 11.ಕೊಂಚಂಕಾಲಂ ಪೈನ ಆತುಡು ನಾಯಿಅನಾ ಊರ್ಗಿ ಪೈನಾಡು.ಆತುಡ ಜೊತ್ಲಾ ಆತುಡ `ಶಿಷ್ಯಾಲು ಇಂಕಾ ಅನೇಕ ಜನಾಲು ಪಾತಉಂಟಾರು. 12.ಆತುಡು ಊರವಾಕಲ್ ದೇಗ್ಗರ್ಗಿ ವಚ್ಚ್ನಾಪ್ದು ಸಚ್ಚಿಪಾಯ್ನಾ ಒಕ್ಕಡ್ನೀ ಇತರ್ಗಿ ತಿಸ್ಗವಾಸ್ತುoಟಾರು.ಊಡು ವಾಳ ತಲ್ಲಿಗಿ ಒಕ್ಕಡೆ ಕೊಡ್ಕು;ಆದಿ ಮೊಗಡು ಸಚ್ಚಿನಾದಿಆಯ್ನಾದಿ.ದಾನ್ ಜೊತ್ಲಾ ಗ್ರಾಮಸ್ಥಲು ಅನೇಕ್ಲುಉನ್ನಾರು. 13.ಸ್ವಾಮಿಯು ದಾನ್ನಿ ಸೂಸಿ ಕನಿಕರಿಚ್ಚಿ -ಎಡದ್ದು ಅನಿ ದಾನ್ಗಿ ಸೊಪ್ಪಿ ಚಟ್ಟo ದೇಗ್ಗರ್ಗಿ ಪಾಯಿ ದಾನ್ನಿ ಮುಟ್ಟಲು ಎತ್ಗಾನುಂಡಾವಾಳು ನಿಲ್ಚಾಳು. 14.ಅಪ್ಡು ಆತುಡು -ಯೌವ್ವನಸ್ಥಡೇ,ಲೆಯ್ಯಿ ಅನಿ ನೀಕಿ ಸಾಪ್ತಾನು ಅನ್ನಾಡು. 15.ಅಂಟವುನ್ನಟ್ಲೇ ಸಚ್ಚಿನವಾಡು ಲೇಸಿ ಕುಚ್ಚನ್ನಾಡು ಮಾಟಡದಾನ್ಗಿ ತೊಡ್ಗನ್ನಾಡು.ಯೇಸು ವಾಡ್ನಿ ವಾಡ ತಲ್ಲಿಗಿ ಇಚ್ಚಾಡು. ^{16 17} 16.ಅಂದ್ರೂ ಭಯo ಪೋಡ್ನವಾಲಾಯಿ -ಮಹಾಪ್ರವಾದಿಯು ಮಾಲ ಲೆಸ್ನಾಡು,ದೇವುಡು ತನ್ನ ಜನಾಲ್ಗಿ ದರ್ಶನಂನ್ನಿ ಅನುಗ್ರಹಿಚ್ನಾಡು ಅನಿ ದೇವುಡ್ನೀ ಕೊಂಡಾಡವಾಳಯಿರಿ. 17.ಈ ವಾರ್ತಾಮು ಯೂದಾಯಂಲಾನು ಸುತ್ತಮುoಡ ಅಂತ ಪ್ರಾಂತ್ಯಲಾನು ಹಬ್ಬಿಂದಿ. ^{18 19 20} 18.ಯೋಹಾನಡ ಶಿಷ್ಯಲು ನಡ್ಸ್ನಾ ಸಂಗತಿಲ್ನನ್ನಿ ವಾಡ್ಗಿ ತಿಲ್ಬಿಚ್ಚಾಲು ವಾಡು ತನ್ನ ಶಿಷ್ಯಲಾ ಇದ್ದರ್ನಿ ಪಿಲ್ಚಿ- 19.ರವ್ವಾಲಅನುನ್ನವಾಡು ನುವ್ವೋ, ಮಾಮು ಬೇರೊಕ್ಕಡ ದಾವ್ನಿ ಸೂಡಾಲ್ನೋ ಅನಿ ಸ್ವಾಮಿಗಿ ಸೊಪ್ಪಿಅಮ್ಪಿಚ್ನಾಡು. 20.ವಾಳು ವಾಡ ದೇಗ್ಗರ್ಗಿ ವಚ್ಚಿ-ವಚ್ಚಕಾಪಯ್ಯವಾಡು ನುವ್ವೋ,ನಾನು ಮಲಿ ಒಕ್ಕಡ ದಾವ್ನಿ ಸೂಡಾಲ್ನೋ ಅನಿ ಇನೆದಾನ್ಗಿ ಸ್ನಾನಿಕಡೈನ ಯೋಹಾನುಡು ಮಮ್ಮಲ್ನಿ ನೀ ದೇಗ್ಗರ್ಗಿ ಅoಪ್ಪಿಚ್ನಾಡು ಅನ್ನಾರು. ^{21 22 23} 21.ಅದೇ ಗಳಿಗೆಲಾ ಆತುಡು ಅನೇಕಾಲ್ನಿ ರೋಗಂ ಉಪದ್ರವಂ ದೈಮು ಇಟ್ಟವ್ಟನಿಂಕ ಉಡ್ಬಿಚ್ಚಿ ವಾಸಿ ಸೇಸ್ನಾಡು;ಮಲಿ ಅನೇಕ ಮಂದಿ ಗುಡ್ಡವಾಳ್ಗಿ ಕಂಡ್ಲನ್ನಿ ದಯಾಪಾಲಿಚ್ಚಾಡು. 22.ಇಟ್ಟುoಡಗ ಆತುಡು ವಾಳ್ಗಿ ಪ್ರತ್ಯುತ್ತರಂಗ -ಮೀಳು ಪಯ್ಯಿ ಸೂಸಿ ಇನ್ನಾವುಟ್ಲ್ನಿ ಯೋಹಾನುಡ್ಗಿ ತಿಲ್ಬಿಚ್ಚಂಡಿ;ಗುಡ್ದೋಳ್ಗಿ ಕಂಡ್ಲ್ ವಸ್ತಾವಿ,ಕುoಟೋಳ್ಗಿ ಕಾಳ್ಳು ವಸ್ತಾವಿ,ಕುಷ್ಟರೋಗಿಲು ಶುದ್ದಲು ಆಯ್ತಾರು,ಸೇವ್ವ್ತೋಳ್ಗಿ ಸೆವ್ವ್ಳುವಸ್ತಾವಿ,ಸಚ್ಚಿನವಾಳು ಜೀಂನ್ನಿ ಹೊದ್ತಾಳು,ಬಡವ್ಲಗಿ ಸುವಾರ್ತ ಸಾರಲ್ಪಡ್ತಾದಿ. 23.ನಾ ವಿಷಯಂಲಾ ಸಂಶಯಂಪೋಡ್ಗುನ್ನಾವಾಡು ಧನ್ಯಡು ಅನಿ ಸೋಪ್ನಾಡು. ^{24 25 26} 24.ಯೋಹಾನುಡ ದೂತುಲು ಯೆನ್ಕಿತಿರ್ಗಿ ಪೈಯ್ಯಲು ಆತುಡು ಯೋಹಾನುಡ ವಿಷ್ಯಂಗ ಆ ಜನಾಲಗುಂಪುಲ್ಗಿ ಸೋಪ್ಪಿಂದಿ ಎಮನ್oಟೆಏಮಿ ಸೂಡಾಲ ಅನಿ ಅಡವಿಗಿ ಪೈನಾರು ?ಗಾಲ್ನಿಂಕ ಅಲ್ಲಾಡ ದಂಟನ್ನಾ? 25.ಅಲ್ಲವಾದರೆ ಏಮಿ ಸೂಡಾಲನೀ ಪೈನ್ನಾರು?ನಯಮೈನ ಉಡುಪ್ನಾ ಎಸ್ಗಾನುಂಡ ಮನುಷ್ಯಡ್ನೋ?ಶೋಭಾಯಮಾನಂಆಯ್ನಾ ಉಡುಪ್ನಿ ಧರ್ಸಿ ಭೋಗಂಲಾ ಬಾಳವಾಳು ಅರಮನೆಲಾ ಉಂಟಾಳುಅಂತೆ. 26.ಅಟ್ಟೀತೆ ಏಮಿ ಸೇಯ್ಯಲಾನಿ ಪೈನ್ನಾಳು?ಪ್ರವಾದಿನಾ?ಹೌನು ,ಪ್ರವಾದಿಗಿಂತಾನು ಹೆಚ್ಚಿನವಾಡ್ನಿ ಸೂಸ್ನಾಳು ಅನಿ ಮೀಕಿ ಸೋಪ್ತಾನು. ^{27 28} 27.ಇನಾ,ನಾ ದೂತುಡ್ನೀ ನೀ ಮುಂದ್ರ ಅಮ್ಪಿಸ್ತಾನು.ನುವ್ವ ಪೈಯ್ಯ ದಾವ್ಲಾ ವಾಡು ನೀ ಮುಂದ್ರ ಸರಿಸೇಸ್ತಾಡು ಅನಿ ಯವ್ವಳ ವಿಷ್ಯಂಗ ರಾಸಿಂದೋ ಆ ಪುರುಷುಡು ಊಡೇ. 28.ಸ್ತ್ರೀಲಾ ಪುಟ್ಟಿನವಾಳ್ಲೋಗನಿಂಕ ಯೋಹಾನುಡ್ಗಿಂತ ಪದ್ದವಾಡು ಒಕ್ಕಡು ಲೇದು;ಅಯ್ನಾನು ದೇವುಡ ರಾಜ್ಯಮ್ಲಾ ಸಿನ್ನವಾಡು ವಾಡ್ಗಿoತಾನು ಪೆದ್ದವಾಡು ಅನಿ ಮೀಕಿ ಸೋಪ್ತಾನು. ^{29 30} 29.ಇದೇಕಾದನಿ ಜನಲಂದ್ರು ಸುಂಕಂವಾಳು ಯೋಹಾನುಡ ಉಪದೆಶಾಂನ್ನಿ ಇನ್ನಪ್ದು ವಾಡ್ನಿಂಕ ದೀಕ್ಷಾಸ್ನಾನಂ ಸೇಬಿಚ್ಚಗನ್ನವಾಳಾ ದೇವುಡು ನೀತಿವಂತಡನಿ ಒಪ್ಗನಾರು. 30.ಫರಿಸಾಯರ್ಲು ಧರ್ಮೋಪದೇಶಕ್ಲು ವಾಡ್ನಿಂಕ ದೀಕ್ಷಾಸ್ನಾನಂ ಸೇಬಿಚ್ಚ್ಕೋಕುನ್ನ ಪೈನಾವಾಳ ತಮ್ಮ ವಿಷ್ಯಂಗ ದೇವುಡ ಸಂಕಲ್ಪಾನ್ನಿ ನಿರಾಕರಿಚ್ಚಾರು. ^{31 32} 31.ಇಟ್ಳುoಡಾಗ ಈ ಕಾಲಂನ ಜನಾಲ್ನಿ ಯವ್ವಲ್ಗಿ ಹೊಲ್ಬಿಚ್ಚುದ್ನು?ವಾಳು ಯವ್ವಲ್ನಿ ಹೊಲ್ತಾಳು? 32.ಪೇಟೆಲಾ ಕುಚ್ಗಾನ್ನಿ -ಮಿಕೊಸ್ಕರಂ ಕೊಳಲುಊದ್ನಾಮು ,ಮೀಳು ಕುಣ್ಲೇದು ;ಗೋಳಾಡ್ನಾಮು,ಮೀಳು ಎಡ್ಲೇದು ಅನಿ ಒಕ್ಕಲೋಕ್ಕಳು ಕೂಸಿ ಸೋಪ್ಪಅಂತ ಹುಡುಗಾಲ್ನಿ ಹೊಲ್ತಾಳು. ^{33 34 35} 33.ಏಟ್ಟಸ್ನಾನಿಕುಡೈನ ಯೋಹಾನುಡು ವಚ್ಚಿನಾಡು;ವಾಡು ರೊಟ್ಟ ತಿನ್ಗುನ್ನವಾಡು ,ದ್ರಾಕ್ಷಾರಸಂ ತಾಗಿನಾವಾಡು ;ಮೀರು ವಾಡ್ಗಿ ದೈಮು ಪೊಟ್ಟಿoದ್ದಿ ಅಂಟಾರು. 34.ಮನುಷ್ಯಕುಮಾರುಡು ವಚ್ಚಿನಾಡು ,ವಾಡು ಅನ್ನಂಪಾನಾಲ್ನಿ ತಿಸ್ಗನವಾಡೈನಾಡು ;ಮೀರು-ಇನಾ,ಊಡು ಪೊಟ್ಟಬಾಕುಡು,ಕುಡುಕ್ದು,ಭ್ರಷ್ಟಲ ಮಲಿ ಪಾಪಿಷ್ಟಲ ಗೆಳೈಡು ಅಂಟಾರು. 35.ಆಯ್ತೆ ಜ್ಞಾನಂ ಸಕಲ ಜ್ಞಾನವಲಂಬಿಲ ಮೂಲಕಂ ಜ್ಞಾನಮೇ ಅನಿ ಗೊತ್ತೈತದಿ ಅನ್ನಾಡು. ^{36 37 38} 36.ಫರಿಸಾಯರ್ಲಾ ಒಕ್ಕಡು ಆತುಡ್ನಿ ತನ್ನ ಜೊತ್ಲಾ ಊಟಂಸೇಯ್ಯಲಅನಿ ಬೇಡ್ಗಂನ್ನಪ್ದು ಆತುಡು ಫರಿಸಾಯಡ ಇಂಟ್ಗಿ ಪಯ್ಯಿ ಊಟನ್ಗಿ ಒರಿಕ್ಕನ್ನಾಡು. 37.ಅಪ್ಡು ಆ ಊರ್ಲಾಉನ್ನ ದುರಾಚಾರಿಆಯ್ನಾ ಒಕ್ಕ ಆಡದಿ ಫರಿಸಾಯುಡ ಇಂಟ್ಲಾ ಆತುಡು ಊಟಾನ್ಗಿ ಒರ್ಗ್ನಾಡನೀ ಗೊತ್ತುಪೊಟ್ಗಾನಿ ಸುಗಂಧತೈಲಂನ ಭರಣಿನ್ನಿ ತಿಸ್ಗಾನಿ ವಚ್ಚಿ 38.ಎನ್ಕ ಆತುಡ ಪಾದಾಲ ಬಳಿಲಾ ನಿಲ್ಚ್ಗಾನಿ ಯೇಡ್ಸ್ತಾ ತನ್ನ ಕಣ್ಣಿಳ್ನಿಂಕ ಆತುಡ ಪಾದಲ್ನಿ ತ್ಯಾವಂಸೇಸಿ ತನ್ನ ತಲೇಯಂಟಗಲ್ನಿಂಕ ತೂಡ್ಸಿ ಅವುಟ್ಲ್ಗಿ ಮುತ್ತುಪೆಟ್ಟಿ ಆ ತೈಲಂನ್ನಿ ಹಚ್ಚಿಂದಿ. ^{39 40} 39.ಆಯ್ತೆ ಅತುಡ್ನಿ ಊಟನ್ಗಿ ಪಿಲ್ಚಿ ಫರಿಸಾಯಡು ದೀನ್ನಿ ಸೂಸಿ -ಇದಿ ದುರಾಚಾರಿ ;ಊಡು ಪ್ರವಾದಿಆಂಟೆ ತನ್ನಿ ಮುಟ್ಟಿನ ಈ ಆಡದಿ ಇಟ್ಟದನಿ ತಿಳ್ಚಗನ್ನು ಅನ್ಗಾನ್ನಾಡು. 40.ಅಂದ್ಗೆ ಯೇಸು -ಸೀಮೋನುಡೇ,ನಾನು ನೀಕಿ ಸೋಪ್ಪಲಾನಿ ಒಕ್ಕ ಮಾಟುoದ್ದಿ ಅನಪ್ದು ವಾಡು -ಭೋದಕುಡೇ, ಸೊಪ್ಪು ಅನ್ನಾಡು. ^{41 42 43} 41.ಅಪ್ಡು ಯೇಸು -ಒಕ್ಕ ಸಾಹುಕಾರಡ್ಗಿ ಇದ್ರೂ ಸಾಲ್ಗಾರ್ಲುಉನ್ನಾರು ;ಒಕ್ಕಡು ಐನೂರು ದುಡ್ಲು ಇಯ್ಯಲುoದಿ .ಮಲಿ ಒಕ್ಕಡು ಯಾಭಾಯಿ ದುಡ್ಲು ಇಯ್ಯಲುಂದಿ. 42.ತೀರ್ಪಾದಾನ್ಗೆ ವಾಳ್ಗಿ ಗತಿಲೆಗುನ್ನದಾನ್ಗು ಆ ಇದ್ರೂ ಅಪ್ನಿ ಉಡ್ಸಿಉಡ್ಸ್ನಾಡು.ಅಟ್ಟಐತೆ ವಾಳಾ ಯವ್ವಡು ಆ ಸಹುಕಾರಡ್ನಿ ಹೆಚ್ಚಂಗ ಪ್ರೀತಿಚ್ಚಾಡು ಅನಿ ಅಡ್ಗ್ದಾನ್ಗೂ 43.ಸೀಮೋನುಡು-ಯವ್ವಡ್ಗಿoತ ಹೆಚ್ಚಂಗ ಉಡ್ಸ್ನಾಡೂವಾಡೆ ಅನಿ ಭಾವಿಸ್ತಾನು ಅನ್ನಾಡು.ಯೇಸು ವಾಡ್ಗಿ -ನುವ್ವ ಸರಿಯಾಂಗ ತೀರ್ಪುಸೇಸ್ನಾವುಅನಿ ಸೊಪ್ಪಿ ಆ ಆಡದಾನ ಕಡ್ಗಿ ತಿರಿಕ್ಕಾನ್ನಿ ಸೀಮೋನುಡ್ಗಿ ಸೊಪ್ಪಿoದಿ ಎಮಂಟೆ - ^{44 45} 44.ಆ ಆಡದಾನ್ನಿ ಸೂಸ್ನಾವ ?ನಾನು ನೀ ಇಂಟ್ಗಿ ವಾಚ್ನಪ್ದು ನುವ್ವ ನಾ ಕಾಲ್ಗಿ ನುಳು ಇಲೇದು;ಇದಾದ್ರು ನಾ ಕಾಳನ್ನಿ ಕಣ್ಣಿಳ್ನಿಂಕ ತ್ಯಾವoಸೇಸಿ ತನ್ನ ತಲಾಯoಟಗಲ್ನಿಂಕ ತೂಡ್ಸಿಂದಿ. 45.ನುವ್ವ ನಾಕಿ ಮುದ್ದುಪೆಟ್ಟಲೇದು ;ಇದಿಆಯ್ನೋ ನಾನು ಲೋಗಕಿ ವಚ್ಚಿನಪ್ಪಡ್ನೀoಕ ನಾ ಕಾಳ್ಗಿ ಮುದ್ದುಪೆಟ್ಟದಾನ್ನಿ ಉಡಲೇದು. ^{46 47} 46.ನುವ್ವ ನನ್ನ ತಲ್ಗಿ ನೂನ ಏಯ್ಲೇದು ;ಇದೈನೋ ಸುಗಂಧತೈಲಂನಿ ಕಾಳ್ಗಿ ಹಚ್ಚಿಂದಿ. 47.ಇಟ್ಟುoಡಗ ನಾನು ಸೋಪ್ಪ ಮಾಟ್ಎಮಂಟೆ -ದೀನ್ ಪಾಪಲು ಬಹಳಂಗಉನ್ನದ್ಗು ಅವಿ ಕ್ಷಮಿಸಲ್ಪಡ್ನಾವಿ .ದೀನ್ಗೆ ಪ್ರಾಮಾಣಂಎಮoಟೆ ಇದಿ ಸೂಪಿಚ್ಚಿನ ಪ್ರೀತಿ ಬಹಳo .ಆಯ್ತೆ ಯಾವ್ವಡಿಗಿಂತ ಕೊಂಚಂಮಾತ್ರ ಕ್ಷಮಿಸಿಲ್ಪಟ್ನವೋ ವಾಡು ಸೂಪಿಚ್ಚಿನ ಪ್ರೀತಿಯು ಕೊಂಚಮೆ ಅನ್ನಾಡು. ^{48 49 50} 48.ಅಪೈನ ಆತುಡು ದಾನ್ಗಿ -ನೀ ಪಾಪಾಲು ಕ್ಷಮಿಸಲ್ಪಡ್ನಾವಿ ಅನಿ ಸೋಪ್ನಾಡು. 49.ಆತುಡ ಸಂಗಡಂ ಊಟನ್ಗಿ ಒರಿಕ್ಕನ್ನಾಳು-ಪಾಪಾಲ್ನಿ ಸಹ ಕ್ಷಸುಸ್ನಾಡು ಊಡುಯವ್ವಡೂ ಅನಿ ವಾಳ್ವಾಳೋಗಾನೆ ಅನ್ಗಾನ್ನಾರು. 50.ಆಯ್ತೆ ಆತುಡು ಆ ಅಡದಾನ್ಗಿ-ನೀ ನಂಬಿಕೆಯೇ ನಿನ್ನಿ ರಕ್ಷಿಚ್ಚಿಂದಿ;ಸಮಾಧಾನಂನಿಂಕ ಪೋ ಅನಿ ಸೋಪ್ನಾಡು.