¹ 1.ಆತುಡು ಒಕ್ಕಾನೋಕ್ಕಟಿ ಸ್ಥಳoಲ ಪ್ರಾರ್ಥಾನಂಸೇಸಿ ಮುಗ್ಬಿಚ್ನಪ್ದು ಆತುಡ ಶಿಷ್ಯಾರ್ಲಾ ಒಕ್ಕಡು ಆತುಡ್ಗಿ -ಸ್ವಾಮಿ,ಯೋಹಾನುಡು ತನ್ನ ಶಿಷ್ಯಲ್ಗಿ ನೆರ್ಪನಟ್ಲಾ ಮಾಕು ಪ್ರಾರ್ಥಾನಂ ಸೇಸೆದಾನ್ನಿ ನೇರ್ಪು ಅನಿ ಅಡ್ಗಾನಾಡು. ² 2.ದಾನ್ಗಿವಾಡು-ಮೀಳು ಪ್ರಾರ್ಥಿಚ್ಚೆನಪ್ಡು ತಂಡ್ರಿಯೇ,ನೀ ನಾಮಮು ಪರಿಶುದ್ದುಡನಿ ಎನ್ಬಿಚ್ಪಡ್ನಿ.ಮೀ ರಾಜ್ಯಮು ರಾನಿ. ^{3 4} 3.ಮಾ ಅನುದಿನಂನ ಆಹಾರಂನ್ನಿ ಪ್ರತಿದಿನಮು ದಯಪಾಲಿಚ್ಚು. 4.ಮಾಕಿ ತಪ್ಪುಸೇಸಿನ ಪ್ರತಿಒಕ್ಕಡ್ನು ಮಾಮು ಕ್ಷಮಿಚ್ಚದಾನಿಂಕ ಮಾ ಪಾಪಾಲ್ನಿ ಕ್ಷಮ್ಬಿಚ್ಚು.ಮಮ್ಮಲ್ನಿ ಶೋಧನೆಲೋಕಿ ಸೇರ್ಬಿಚ್ಗುoಡ ಅನಿ ಸೊಪ್ಪಂಡಿ ಅನ್ನಾಡು. ^{5 6 7 8} 5.ಮಲಿ ವಾಳ್ಗಿ ಸೋಪ್ಪಿಂದೆಮಂಟ್ಟೆ -ಮೀಲಾ ಒಕ್ಕಡ್ಗಿ ಸ್ನೇಹಿತುಡುಉಂಡಾಡು ಅನಿ ಸೋಪ್ದಾಮು.ವಾಡು ಸರುಪಾದ್ಲಾ ಆ ಸ್ನೇಹಿತುಡ ದೇಗ್ಗರ್ಗಿ ಪಾಯಿ ಸ್ನೇಹಿತುಡೆ ,ನಾಕಿ ಮೂಡು ರೊಟ್ಟಲ್ನಿ ಕಡಮಾಯಿ ಇಯ್ಯಿ. 6.ನಾ ಸ್ನೇಹಿತಲಾ ಒಕ್ಕಡು ಯಾನ್ಗೋ ಪ್ರಯಾಣoಗ್ಗ ನಾ ದೇಗ್ಗರ್ಗಿ ವಚ್ನಾಡು;ವಾಡ್ಗಿ ಊಟಂಸೇಬಿಚ್ಚದಾನ್ಗಿ ನಾಲಾ ಏಮಿ ಲೇದು ಅನಿ ಅಡ್ಗಲು ಆ ಸ್ನೇಹಿತುಡು- 7.ನಾಕಿ ತೊಂದ್ರಇಯ್ಯಾದು;ಇಪ್ದು ವಾಕಲಿಎಸಿಂದಿ;ನಾ ಸಿನ್ನಬಿಡ್ದ ನಾ ಜೊತ್ಲಾ ಪೋನ್ಗನ್ನಾಳು;ನೀನು ಲೇಸಿ ನೀಕಿ ಇಚ್ಛೆದಾನ್ಗಿಅಯ್ಯೇಲೆದು ಅನಿ ಲೋಗನಿಂಕ ಉತ್ತರಂಇಚ್ಚಿನಾನು ಇಯ್ಯೆಚ್ಚು. 8.ಆಯ್ತೆ ಸ್ನೇಹoನ ನಿಮಿತ್ತಮೈ ಲೇಸಿಇಗುಂಡ ಉನ್ನಾನು ವಾಡ ಕಾಟಂನ ದೆಸೆನಿಂಕ ಲೇಸಿವಚ್ಚಿ ಅಡ್ಗಿನಂತ ವಾಡ್ಗಿ ಇಸ್ತಾನನಿ ಮೀಕಿ ಸೋಪ್ತಾನು. ^{9 10} 9.ಅಟ್ಟೆ ನಾನು ನೀಕಿ ಸೋಪ್ಪೆದೆಮoಟ್ಟೆ -ಬೇಡ್ಗಂಡ್ಡಿ,ಮೀಕಿ ದೊರ್ತಾದಿ; 10.ಹುಡ್ಕಂಡ್ಡಿ,ಮೀಕಿ ಸಿಕ್ತಾದಿ;ತಟ್ಟoಡ್ಡಿ,ಮೀಕಿ ತೆರಸ್ತಾದಿ.ಯಂದ್ಗoಟ್ಟೆ ಬೇಡ್ಗನ್ನ ಪ್ರತಿಯೋಕ್ಕಡುಹೊದ್ತಾಡು,ಹುಡ್ಕವಾಡ್ಗಿ ಸಿಕ್ಕಿಂದಿ,ತಟ್ಟವಾಡ್ಗಿ ತೆರ್ಸ್ತಾದಿ. ^{11 12 13} 11.ಮೀಲಾ ತಂಡ್ರಿಯಾನಾವಾಡು ಸ್ಯಪನ್ನಿ ಅಡ್ಗ ಕೊಡ್ಕಿ ಸ್ಯಾಪ ಇಗುಂಡ ಪಾಮ್ನಿ ಇಸ್ತಾಡ? 12.ಅಥ್ವ ತತ್ತಿನ್ನಿ ಅಡ್ಗೆತೆ ಚೆಳ್ನೀ ಇಸ್ತಾಡೆ? 13.ಅಟ್ಟತೆ ಸೇಡ್ಡೂಲೈನ ಮೀಳು ಮೀ ಬಿಡ್ದಲ್ಗಿ ಮಂಚ್ಚಿ ಪದಾರ್ಥಲ್ನಿ ಇಚ್ಚವಾಲೈತೆ ಪರಲೋಕಾoಲಾಉಂಡ್ನ ಮೀ ತಂಡ್ರಿಯು ತನ್ನನ್ನಿ ಬೇಡ್ಗನ್ನವಾಳ್ಗಿ ಎಂತೋ ಹೆಚ್ಚಂಗ ಪವಿತ್ರಾತ್ಮವರಂನ್ನಿ ಇಸ್ತಾಡುಕದ ಅನ್ನಾಡು. ^{14 15} 14.ಒಕ್ಕನೋಕ್ಕಟ್ಟಿ ಸಮಯಂಲಾ ಆತುಡು ಮೂಗ ದೈಮ್ನಿ ಉಡ್ಬಿಸ್ತಾಉಂಟಾಡು.ಆ ದೈಮು ಉಡ್ಸಿಪೈನಾ ಮಾತಾಡ್ನಡು;ದಾನ್ಗಿ ಜನಲು ಆಶ್ಚರ್ಯಂಪಡ್ನಾರು. 15.ಆಯ್ತೆ ವಾಳಾ ಕೆಲವ್ಳು ಊಡು ದೈಯ್ಯಲ ಒಡಯಡೈನ ಬೆಲ್ಜೆಬೂಲಡ ಸಹಾಯಂನಿಂಕ ದೈಯ್ಯಲ್ನಿ ಉದ್ಬಿಸ್ತಾಡು ಅನ್ನಾಳು. ^{16 17} 16.ಬೇರೆ ಕೆಲವ್ಳು ಆತುಡ್ನಿ ಪರೀಕ್ಷಿಚ್ಚಿದಾನ್ಗಿ-ನುವ್ವ ಆಕಾಶಂಲಾ ಒಕ್ಕ ಸೂಚಕಕಾರ್ಯಮ್ನಿ ಸೂಪಿಚ್ಚಾಲನಿ ಅನಿ ಅಡ್ಗನ್ನಾಳು. 17.ಆತುಡು ವಾಳ ಆಲೋಚನೆಲ್ನಿ ತಿಳಸ್ಗಾನಿ ವಾಳ್ಗಿ ಸೋಪ್ಪಿಂದೆಮಂಟೆ -ತನ್ಲಾ ಭೇದಪುಟ್ಟಿನ ರಾಜ್ಯಮು ಪಾಡಪಾತಾದಿ;ಮಲಿ ತನ್ಲಾ ಭೇದ ಪುಟ್ಟಿನ ಇಲ್ಲೂ ಪೋಡ್ತಾದಿ. ^{18 19 20} 18.ದಾನಟ್ಟೆ ಸೈತಾನುಡು ತನ್ಲಾ ಭೆದಂಪುಟ್ಟಿಚ್ಗoಟ್ಟೆ ವಾಡ ರಾಜ್ಯಮು ಎಟ್ಟ ಉಳ್ಸತ್ತಾದಿ?ಬೆಲ್ಜಬೂಲಡ ಬಲಂನಿಂಕ ದೈಯ್ಯಲ್ನಿ ಉದ್ಬಿಸ್ತಾವು ಅನಿ ನಾಕಿ ಸೋಪ್ತಾರುಕದ. 19.ನೀನು ಬೆಲ್ಜೆಬೂಲುಡ ಬಲಂನಿಂಕ ಉಡ್ಬಿಚ್ಚೆದೈತೆ ಮೀವಾಳು ಯಾವ್ಲ ಬಲಂನಿಂಕ ಉಡ್ಬಿಸ್ತಾರು ? ದಾನ್ನಿಂಕ ವಾಳೆ ಮೀಕಿ ನ್ಯಾಯಂತೀರ್ಪೇವಾಲೈತಾಳು. 20.ನೀನು ದೇವುಡ ಬಲಮ್ನಿಂಕಾನೆ ದೈಯ್ಯಲ್ನಿ ಉಡ್ಬಿಚ್ಚೆದೈತೆ ದೇವುಡ ರಾಜ್ಯಮು ಮೀ ದೇಗ್ಗರ್ಗಿ ವಚ್ಚಿಂದಿಕದ. ^{21 22 23} 21.ಒಕ್ಕ ಬಲಿಸ್ಟುಡು ಸರ್ವಾಯುದಲ್ನಿ ಧರಿಚ್ಗಾನಿ ತನ್ನ ಇಂಟ್ಲಾ ಕಾಪಾಡ್ಗನುನ್ನಪ್ದು ವಾಡ ವಸ್ತುಲು ಭದ್ರoಗಾನೆ ಉಂಟಾವಿ; 22.ಆಯ್ತೆ ವಾಡ್ಗಿಂತ ಬಲಿಸ್ಟುಡು ವಚ್ಚಿ ವಾಡ್ನಿ ಸೋಲ್ಬಿಚ್ಚಿನ ಪೈನ ಆ ಮೊದ್ಲೇವಾಡು ನೆಚ್ಚಿಗನುಂಡ ಆಯುಧಲ್ನoತ ತಿಸ್ಗಾನಿ ತಾನು ಸುಲಿಗೆಸೇಸಿನ್ದಾನ್ನಿ ಪಂಚ್ಚಿಇಸ್ತಾಡು. 23. ನಾ ಪಕ್ಷ ಪೊಟ್ಗುಡವಾಡು ನಾಕಿ ವಿರೋಧಿ;ನಾ ಜೊತ್ಲಾ ಒಟ್ಟುಗೂಡಿಚ್ಚಿನಾವಾಡು ಚದರಿಚ್ಚವಾಡೈತಾಡು. ^{24 25 26} 24.ದೈಯ್ಯಮು ಮನುಷ್ಯಡ್ನಿಉಡ್ಸಿಪೈನಂಕ ವಿಶ್ರಾಂತಿನಿ ಸಿಕ್ನಾ ಕಾರಣಂ ಆದಿ-ನೀನು ಉಡ್ಸಿವಾಚ್ನ ನಾ ಇಂಟ್ಗಿ ಯನ್ಕಿತಿರ್ಗಿ ಪಾತಾನು ಅನ್ಗನಿ 25.ವಚ್ಚಿ ಆ ಇಂಟಗುಡ್ಸಿ ಅಲಂಕರಿಚ್ಚಿನದಾನ್ನಿ 26.ಸೂಸಿ ಎಲ್ಲಿಪಾಯಿ ತನ್ಗಿಂತ ಸೇದ್ದೇದೈನ ಬೇರೆ ಯೋಡು ದೈಯ್ಯಲ್ನಿ ಪಿಲಚ್ಗಾನಿ ವಚ್ನಾವಿ;ಅವಿ ಲೊಗನುಗ್ಗಿ ಆನ ವಾಸಂಸೇಸ್ತಾವಿ;ಅಪ್ಡು ಆ ಮನುಷ್ಯಡ ಅಂತ್ಯಸ್ಥಿತಿಯು ಮೊದ್ಲಿಗಿಂತ ಸೆದ್ದದೈತಾದಿ ಅನ್ನಾಡು. ^{27 28} 27.ಆತುಡು ಈ ಮಾಟಲ್ನಿ ಸೋಪ್ತುನ್ನಪ್ದು ಜನಲ್ಲ ಒಕ್ಕ ಸ್ತ್ರಿಯು -ನಿನ್ನಿ ಮೊಸಿನ ಗರ್ಭಮು 28.ನುವ್ವ ತಾಗಿನ ಮೊಲಾಲು ಧನ್ಯoಆಯ್ನಾವಿ ಅನಿ ಕೂಸಿಂದಿ.ಆತುಡು -ಅಟ್ಟನ್ನಾದು, ದೇವುಡ ವಾಕ್ಯಮ್ನಿ ಇನಿ ದಾನ್ಗಿ ಸರಿಯಂಗ ನಡ್ಸಗನ್ನವಾಳೆ ಧನ್ಯಲು ಅನ್ನಾಡು. ^{29 30} 29.ಜನಾಲು ಗುಂಪುಗುಂಪ್ಗನ್ನ ಕೂಡಿವಸ್ತುoಡ್ಡಿಗ ಆತುಡು ಸೋಪ್ಪೆದಾಂನ್ಗಿ ತೊಡ್ಗಿಂದಿಯೆಮಂಟ್ಟೆ -ಈ ಸಂತತಿ ಸೇಡ್ಡ ಸಂತತಿಯೇ;ಇದಿ ಸೂಚಕಕಾರ್ಯಮ್ನಿ ಸೂಡಲನಿ ಅಪೇಕ್ಷಿಸ್ತಾದಿ.ಆಯ್ತೆ ಯೋನಡ್ಲಾ ಆಯ್ನಾ ಸೂಚಕಕಾರ್ಯಮೆಹೊರ್ತು ಬೇರೆ ಯಾವ್ದು ದೀನ್ಗಿ ಸಿಕ್ಕೆಲೇದು. 30.ಯಟ್ಟoಟ್ಟೆ ಯೋನಾಡು ನಿನವೇ ಪಟ್ಟಣಂಮೊಲ್ಗಿ ಗುರುತೈನ ಅಟ್ಟೆ ಮನುಷ್ಯಕುಮಾರುಡು ಈ ಸಂಗತಿಗಿ ಗುರುತೈನಾಡು. ³¹ 31.ದಕ್ಷಿಣದೇಶoಲಾ ರಾಣಿಯು ನ್ಯಾಯವಿಚಾರಣೆಲಾ ಈ ಸಂತತಿಲಜೊತ್ಲಾ ಲೇಸಿನಿಲ್ಚಿ ಊಳ್ನಿ ಅಪರಾಧಿಲನಿ ಸೋಪ್ತಾದಿ;ಅದಿಯು ಸೋಲೋಮೊನುಡ ಜ್ಞಾನಂನ್ನಿ ತಿಳ್ಚ್ಗನ್ನದಾನ್ನಿ ಭೂಮಿಯ ಕಟ್ಟಕಡನಿಂಕ ವಚ್ಚಿಂದಿ;ಆಯ್ತೆ ಿನ ಸೋಲೋಮೊನಡ್ಗಿoತಾನು ಹೆಚ್ಚಿನವಾಡೈನಾಡು. ³² 32.ನ್ಯಾಯವಿಚಾರಣಂಲ ನಿನವೆ ಪಟ್ಟಣಂಮೋಳು ಈ ಸಂತತಿಯೋಟ್ಲಾ ನಿಲ್ಚಿ ಊಳ್ನಿ ಅಪರಾಧಿಲನಿ ಸೋಪ್ಪಾರು.ವಾಳು ಯೋನಾಡು ಸಾರಿನವಾಕ್ಯಮ್ನಿ ಇನಿ ದೇವುಡ ಕಡ್ಗಿ ತಿರಿಕ್ಕನಾರು;ಆಯ್ತೆ ಯೋನಡ್ಗಿತಾನು ಹೆಚ್ಚಿನವಾಡೈನಾಡು. ^{33 34 35 36} 33.ಯವ್ಳು ದೀಪಂನಿ ಆಂಟಿಚ್ಚಿ ಮರೇಲಕಾನಿ ಕೊಳಗಲಕಾನಿ ಪೆಟ್ಟೆಲೇದು.ಇಂಟ್ಲೋಕಿ ವಚ್ಚವಾಳ್ಗಿ ಎಲ್ಗು ಕನ್ಬಿಚ್ಚಟ್ಲ ಆ ದೀಪಂನಿ ದೀಪಂಸ್ತಂಭಂ ಪೈನ ಪೆಡ್ತಾಳoತೆ. 34.ನೀ ಕಂಡ್ಲು ದೇಹಾಂಗಿ ದೀಪಮೈoದ್ದಿ ;ನೀ ಕಂಡ್ಲು ನೆಟ್ಟಗುನ್ನಪ್ದು ದಾನಂತೆ ನೀ ದೇಹಾಂಮಂತ ಎಲ್ಗುಆಯ್ಟಾದಿ;ಆದಿ ಸೆಡ್ಡದೈಡಾಗ ದಾನಂತೆ ನೀ ದೇಹಾಂಮು ಸೀಗ್ಟಿಆಯ್ಟಾದಿ.ದಾನಿಂಕ ನಿಲೋಗಉಂಡ ಎಲ್ಗೆ ಸೀಗ್ಟಿಅಯ್ದೋ ಎಮೋ ಸೂಡಿ. 35.ನೀ ದೇಹಾಂಮಂತ ಎಲ್ಗೈoಡಿ 36.ಒಕ್ಕ ಭಾಗಂಲಾ ಸೀಗ್ಟಿಲೇಗುಂಡದೈತೆ ದೀಪಮು ಹೊಳ್ಸಿ ನೀಕಿ ಎಲ್ಗು ಇಚ್ಚೆಕಾಲಂಲಾ ಎಟ್ಟೋ ಅಟ್ಟೆ ಆದಿ ಪೂರ್ಣಂಗಎಲ್ಗೈಟಾದಿ ಅನ್ನಾಡು. ^{37 38} 37.ಆತುಡು ಮಾಟಡ್ತಉನ್ನಪ್ದು ಒಕ್ಕ ಫರಿಸಾಯಡು ಆತುಡ್ನಿ ಊಟನ್ಗಿ ರವ್ವಲಾನಿ ಅಡಿಕ್ಕನ್ನಾಲು ಆತುಡು ಲೋಕಿಪಯ್ಯಿ ಕುಚ್ಗನ್ನಾಡು. 38.ಆತುಡು ಕಡಿಕ್ಕಗುಂಡ ಊಟನ್ಗಿ ಕುಚ್ಗನ್ನದಾನ್ನಿ ಆ ಫರಿಸಾಯುಡು ಸೂಸಿ ಆಶ್ಚರ್ಯoಪೋದ್ನಾಡು. ^{39 40 41} 39.ಸ್ವಾಮಿಯು ವಾಡ್ಗಿ -ಫರಿಸಾಯಲೈನ ಮೀಳು ಪಂಚಪಾತ್ರಬಟ್ಲು ಇವ್ಟ ಇತರ್ಭಾಗಂನ್ನಿ ಶುಚಿಸೇಸ್ತಾರುಸರಿ ;ಆಯ್ತೆ ಮೀ ಲೊಗಭಾಗಂನ್ನಿ ಸುಲಿಗೆನಿಂಕಾನು ಸೆಡ್ಡದಾನ್ನಿಕಾನು ನಿಂಡುoಟ್ಟದಿ. 40.ಬುದ್ದಿಲೆಗುನ್ನವಾಳೆ,ಇತ್ಲಭಾಗಂನಿ ಸೇಸಿನವಾಡು ಲೊಗಭಾಗಂನಿ ಸೇಸ್ನಾಡುಕದ. 41.ಏಟ್ಟೋ ಲೊಗಉಂಡಟ್ಟದಾನ್ನಿ ದಾನಂಇಯ್ಯಂಡಿ;ಅಪ್ಡು ಸಕಲಮು ಮೀಕಿ ಶುದ್ದಂಗಉಂಟಾದಿ. ⁴² 42.ಅಯ್ಯೋ ಫರಿಸಾಯಲೇ,ಮೀಳು ಮರುಗಸದಾಪು ಮುಂತೈನ ಸಕಲ ಪಲ್ಯಲ ಪದಿಟ್ಲಾಒಕ್ಕ ಪಾಲು ಇಸ್ತಾರು ಸರಿ;ಆಯ್ತೆ ನ್ಯಾಯಮ್ನಿ ದೇವುಡ ಪ್ರೀತಿನ್ನಿ ಒತ್ತಟ್ಗಿ ಉಡ್ಸ್ನಾರು;ಇವ್ಟನ್ನಿ ಸೇಯ್ಯಿಬೇಕೈoಡೆ, ಅವುಟಲ್ನಿ ಉಡಗುಡ್ದು. ^{43 44} 43.ಅಯ್ಯೋ ಫರಿಸಾಯಲೇ,ಸಭಾಮಂದಿರ್ಲಾ ಮುಖ್ಯಪೀಠಲು ಅಂಗಡಿ ಈದುಲ್ಲ ನಮಸ್ಕಾರಲು ಮೀಕಿ ಇಷ್ಟಮು. 44.ಮೀ ಗತಿನ್ನಿ ಏಮಿ ಸೋಪ್ಪುದ್ನು;ನ್ಯಾಲಸಮಮೈನ ಸಮಾಧಿಲ ಅಟ್ಟುoಡಾರು;ಅವುಟ್ಲ ಪೈನ ತಿರುದಾಡ್ನ ಜನಲ್ಗಿ ಇವಿ ಸಮಾಧಿಲನಿ ತಿಳ್ಸೆಲೇದು ಅನಿ ಸೋಪ್ನಾಡು. ^{45 46} 45.ದೀನ್ನಿ ಇನಿ ಒಕ್ಕ ದರ್ಮೋಪದೇಶಕುಡು ಆತುಡ್ಗಿ-ಬೋಧಕುಡೆ,ಈ ಮಾಟಲ್ನಿ ಸೋಪ್ಪೆದಾನಿಂಕ ಮಮ್ಮಲ್ನಿ ನಿಂದಿಚ್ಚಿನಟ್ಟಯ ಅನಿ ಸೋಪ್ಪಾಲು. 46.ಆತುಡು-ಧರ್ಮೋಪದೇಶಕುಲೇ,ಮೀ ಗತಿನಿ ಏಮಿ ಸೋಪ್ಪುದ್ನು?ಮೀಳು ಜನಲ ಪೈನ ಮೊಸ್ಕನಕ್ಕಿಕಾಗುಂಡ ಮೊಪಲ್ನಿ ಮೊಬಿಸ್ತಾರು;ಮೀಲೈನೋ ಆ ಮೊಪಲ್ನಿ ಒಕ್ಕ ಬೆರಳ್ನಿoಕಾನು ಮುಟ್ಟೆಲೇದು. ^{47 48} 47.ಮೀ ಗತಿನಿ ಏಮಿ ಸೋಪ್ಪುದ್ನು ?ಮೀಳು ಪ್ರವಾದಿಲ ಗೊರಿಲ್ನಿ ಕಟ್ತಾರು; ವಾಲ್ನಿ ಸoಪ್ಪಿನವಾಳು ಮಾ ಪಿತೃಲೇ. 48.ಇಟ್ಟುoಡದನಿಂಕ ಮೀ ಪಿತೃಲು ಸೇಸಿಂದಾನ್ಗಿ ಮೀಳೇ ಸಾಕ್ಷಿಲೈಂಡದಿಕಾಗ್ನೆ ವಾಳ ಕೃತ್ಯಲ್ನಿ ಒಪ್ಗನ್ನಟ್ಟಯ.ಎಟ್oಟ್ಟೆ ವಾಳು ಪ್ರವಾದಿಲ್ನಿ ಸಂಪ್ನಾರು,ಮೀಳು ಗೋರಿಲ್ನೆ ಕಟ್ತಾರು. ^{49 50 51} 49.ದಾನ್ನಿಂಚಿ ದೇವುಡ ಜ್ಞಾನಮು ಸೋಪ್ಪಿಂದೆಮoಟ್ಟೆ -ನೀನು ವಾಳ ದೇಗ್ಗರ್ಗಿ ಪ್ರವಾದಿಲ್ನಿ ಅಪೋಸ್ತಲರ್ಲ್ನಿ ಅಮ್ಪಿಸ್ತಾನು;ವಾಳಾ ಕೆಲವಾಲ್ನಿ ಸಂಪ್ತಾಳು;ಕೆಲವಾಲ್ನಿ ಹಿಂಸೆಪಡ್ಬಿಸ್ತಾರು. 50-51.ಇಟ್ಟೆ ಲೋಕಾದಿನಿಂಕ ಹೆಬೇಲುಡ ರಕ್ತು ಮೊದ್ಲಗೊಂಡು ಯಜ್ಞವೇದಿಗು ದೇವಾಲಯಂಗು ನಡ್ವೆ ಹತಮೈನ ಜಕರೀಯಡ ರಕ್ತಂವರ್ಗು ಸುರ್ಬಿಚ್ಚಿಪಾಟ್ನಾ ಅಂತಾ ಪ್ರವಾದಿಲ ರಕ್ತಂಗು ಈ ಸಂತತಿವಾಳು ಉತ್ತರಂಇಯ್ಯಾಲ ಅನ್ನದೇ;ಹೌನು,ಈ ಸಂತತಿವಾಳೆ ಉತ್ತರಂ ಇಯ್ಯಲನಿ ಮೀಕಿ ಸೋಪ್ತಾನು. ⁵² 52.ಅಯ್ಯೋ ಧರ್ಮೋಪದೇಶಕುಲೇ,ಜ್ನಾನಾಂನ್ಗಿ ಸಾಧನಮೈನ ಬೀಗಂ ಸೈಯ್ನಿ ತಿಸೆಸ್ನರು.ಮೀಳು ಲೋಕಿಪೋಲೆದು;ಪಾತಾವುoಡಪ್ಪುದ್ಗು ಅಡ್ಡಿಸೇಸ್ನಾರು ಅನ್ನಾಡು. ^{53 54} 53.ಬಳಿಕ ಆತುಡು ಆನ್ನಿಂಕ ಆತರ್ಗಿ ವಾಚ್ನಪ್ದು ಶಾಸ್ತ್ರಿಲು ಫರಿಸಾಯಲು ಅತುಡ್ನಿ ಕಠಿಣoಗ್ಗ ವಿರೋಧಿಚ್ಚಿ ಆನೇಕ ವಿಶ್ಯಲಾ ಕುರ್ಚಿ ಆತುಡ್ನಿ ಅಡ್ಡಾದಿಡ್ಡಿಪ್ರಶ್ನೆಸೇಸ್ತಾ ಆತುಡ ನೋಟಮಾಟ್ನಲಾ ಯೆಮೈನ ಪೊಟ್ತಾಲನಿ ಆತುಡ್ನಿ ಹೊಂಚ್ಚಿ ಸೂಸ್ತಾವುoಟಾರು.