¹ Ketike Yesus turon tanggai buket onan, kerumonan urang rami memogi'i-Nye. ² Wan, liat, seurang an saket kusta menjuhak ke-Nye, wan sujod di hedopan-Nye, wan beromong, "Tuan, kalau Engkau bise menahirkanku." ³ Wan, Yesus menjulongan kukot-Nye serete menjamahnye, kate-Nye, "Doan hondak, tahirlah." saat onan juge, ditahirkanlah kusta urang onan. ⁴ Wan,Yesus beromong ke'nye, "peratianam, gowok kolai menceritean ape-ape ke seurang pon, tetapi pogi'am, peliatanam di'i ke domong, wan persembahkalah pesombahan an diperintahan Musa sebagai kesaksian engkai sidak. ⁵ Ketike Yesus mansok ke Kapernaum, seurang perwira menjuhak ke-Nye memuhon ke-Nye, ⁶ Wan bekate, "Tuan hambaku tongah melelangkai lumpoh di rumah, paleng menderite.'' ⁷ Wan, Yesus beromong ke'nye, "Doan bakal menjuhak wan menyombohan nye'e." ⁸ Kliagak, perwira onan menyaout wan betutor, "Tuan, doan cade layak engkai Engkau mansok ke babah atapdan, tetapi romonganam sepatah kate saje wan hambadan bakal disombohan. ⁹ Sobab, doan juge adelah urang an ade di babah kekuasaan, juan tentare-tentare di babahdan. Wan, doan beromong ke an sutek' 'Pogiam,' nye'e pon pogi, "Menjuhak'am' wan nye'e pon menjuhak, wan ke hambadan,' Lakuanam inen,' wan nye'e pon melakuannye." ¹⁰ Ketike Yesus mendongai hal inen, Nye'e kagum wan betutor ke urang-urang an memogi'i-Nye "Doan meromongan an sebonarnye kedi'i, Doan olom menemuan iman sebosar inen diantare urang Israel. ¹¹ Doan meromongan kedi'i bahwe rami an bakal menjuhak tanggai timur dan barat, wan dudok makan juan Abraham, Ishak, wan Yakub dalam Kerajaan Surga, ¹² tetapi biak-biak kerajan onan bakal dibuang ke dalam kegolapan an paleng golap. Di so'on bakal ade ratapan wan Kertak gigi." ¹³ Wan, Yesus betutor ke perwira onan, "pogiam, biaram tejadi kedi'i macam an kolai pecayai." Wan, pade saat onan juge, hambanye disombohan. ¹⁴ Ketike Yesus sampai rumah Petrus, Nye'e meliat indai mentuhe Petrus tongah melangkai wan mogar. ¹⁵ Lalu, indai onan wan mogarnye hilang. lopasnan, nye'e bangon wan melayani Yesus. ¹⁶ Ketike dah'nak malam, sidak meumbaik ke-Nye rami urang an kerasukan roh johat, wan Nye'e menguser roh-roh onan juan sebutek kate, wan menyobohan semue urang an boji, ¹⁷ supaye digonapi'am ape an ditutoran oleh Nabi Yesaya: "Nye'elah an meutek kelomahan-kelomahan kite wan menanggong penyaket-penyaket kite. Yesaya 53:4 ¹⁸ Kan'ninam, ketike Yesus di sekelileng-Nye, Nye'e meonjok perintah engkai betulak ke seborang. ¹⁹ Lopasnan, seurang ahli Taurat menjuhak wan beromong ke-Nye, "Guru, doan bakal memogi'i-Di'i ke mene seje Engkau betulak." ²⁰ Wan,Yesus betutor ke'nye, "padangan rubah mempunye'i liang wan burong-burong di langet punye sarang-sarang. Kliagak, biak mendesie cade punye tompat engkai melotak'an kepale-Nye." ²¹ Seikok tanggai padanggan mured beromong ke-nye, "Duate, izinan doan engkai telobeh lohok betulak wan menguboran ayahdan.' ²² Kliagak, Yesus betutor ke'nye, "Pogi'i Doan, wan biram urang mati menguboran urang mati sidak surang." ²³ Wan, ketike Yesus noyek ke perohu, mured-mured-Nye memogi'i Nye'e ²⁴ Wan, liatam, tejadi badai bosar di danau sehingge perohu onan tetutop umbak. Kliagak, Yesus idok. ²⁵ Wan, mured-mured mendatangi Yesus wan membangunan-Nye, tutornye, "Duate, selamatan urang koai! Kite tongah binase!" ²⁶ Wan, Nye'e betutor ke sidak, "Meape kolai golak, hai kolai an cade beriman?" Lopas, Nye'e bediri wan menghardik ribot serete danau onan, wan menjadi tonang bonar. ²⁷ Make , urang-urang onan teheran-heran wan beromong, " Urang macam apekah Nye'e inen, bahkan ribot wan danau pon menuroti-Nye'e ²⁸ Ketike Yesus tibe di seborang danau, di daerah urang Gadara, due urang an kerasukan roh johat menemui-Nye. Sidak keluar tanggai posaran juan sangat garang sehingge cade ade urang an bise melewati jalan onan. ²⁹ Wan, liatam, sidak menciak, katenye, "Ape urusan antare Engkau juan urang koai, hai Anak Allah? Apekah Engkau menjuhak engkai menyikse urang koai seolom wayahnye?" ³⁰ Wan, terede jowoh tanggai sidak ade sekawanan bosar babi an tongah meontot pemakan. ³¹ Sitan-sitan onan meminte ke-Nye wan betutor, "Jike Engkau hondak meuser urang koai, siyoham urang koai pindah ke dalam kawanan babi onan." ³² Wan, Yesus betutor ke sidak, "Pogilah!" Lopas, sidak keluar wan mensok ke dalam babi-babi onan. Lopasnan, padangan kawanan babi onan pon terojon tanggai kenambeng danau wan mati di dalam aek. ³³ Urang-urang an menggembalakan kawanan babi onan melarian di'i, wan tamak ke dalam kute, wan menceritean semuenye, temansok ape an tejadi juan urang-urang an dirasuk sitan onan. ³⁴ Wan, liatlah, seluroh kute keluar engkai betomo juan Yesus, Ketike meliat Yesus, sidak meminte-Nye engkai meninggolan wilayah sidak.