¹ Ketike meliat urang rami onan, Yesus noyek ke pucok buket. Wan, selopas Nye'e dudok, mured-mured-Nye menjuhak ke-Nye. ² Wan Nye'e membuke mulot-Nye wan memadahi sidak, kate-Nye, ³ ''Diberokatilah urang an misken dalam roh sobab sidak an mempunyei kerajean surege. ⁴ Diberokatilah sidak an besukecite sobab sidak bakal dihibor. ⁵ Diberokatilah urang an lombot hatinye sobab sidak bakal mewarisi bumi. ⁶ Diberokatilah sidak an lapar wan howos bakal kebonaran sobab sidak bakal dikenyangan. ⁷ Diberokatilah sidak an berbelas kasihan sobab sidak bakal mempeoleh belas kasihan. ⁸ Diberokatilah sidak an beroseh di dalam hati sobab sidak bakal meliat Allah. ⁹ Diberokatilah sidak an meumbai damai sobab sidak bakal disobot anak-anak Allah. ¹⁰ Diberokatilah sidak an disikse demi keboyek'an sobab sidak an mempunyei Kerajean Surege. ¹¹ Diberokatilah koali apebile urang menceledi'i wan menyiksedi'i, wan mengatean segegele macam peromongan johat tehadapdi'i juan fitnah kerene Doan. ¹² Bersukecite wan besesonangam kerene bosar upah di'i di surege kerene demikianamsidak menyikse padangan nabi seolom di'i. ¹³ Di'i adelah garam dunia, tetpai jike garam dunia onan menjadi tabai, juan ape nye'e bakal diasinan? Nye'e cade begune same sekali sekoyen engkai dibuang wan ditetinjak-tinjak oleh mendesie.'' ¹⁴ ''Di'i adelah torang dunia. Kute an telotak di puncak buket cade bise ditapuk'an. ¹⁵ Urang-urang juge cade mehidopan pelite wan meabahannye di babah gantang, meloyenan di pucok pehe pelite, wan nye'e menorangi semue an ade di lam rumah. ¹⁶ Biaram torangdi'i juge becahaye juan care am sane supaye sudak bise meliat kelakuan kelakuandi'i an boyek wan memuliaan Bapadi'i an di surege.'' ¹⁷ Gowok bepiker bahwe Doan menjuhak engkai memulanan Hukum Taurat atau kitab padangan nabi. Doan menjuhak ukan engkai memulanannye meloyenan engkai menggonapinye. ¹⁸ Doan mengatean an sebonarnye kedi'i, sampai langet wan bumi belalu, cade ade sutek noda atau sutek coretan pon an bakal hilang tanggai Hukom Taurat sampai semuenye digonapi. ¹⁹ Kerene onan, sape an mehilangan salah sutek tanggai perintah-perintah terkocet inen wan meajar urang loyen engkai melakuan hal an same, nye'e bakal disobot an terkocet dalam Kerajaan Surga. Namon, sape an melakuan perintah-perintah onan wan mengajarkannye bakal disobot bosar dalam Kerajaan Surga. ²⁰ Sobab, dosn mengatean kedi'i bahwe jike kebonarandi'i cade lobeh boyek tanggai pade kebonaran ahli-ahli Taurat wan urang-urang Farisi, kayen same sekali cade bakal mansok ke dalam Kerajaan Surga. ²¹ kayen tolah mendongai an katean ke ninek moyang kie, 'Gowok membunoh,' wan' sape an membunoh. ²² kliagak, Doan mengatean ke kayen bahwe sape pon an godi kepedulorannye pantas berade dalam hukuman, wan sape pon an betutor kepedulornye, 'kayen awak,' pantas berade di hedopan Mahkamah Agame, wan sape pon an betutor,' kayen awak,' pantas dalam nerakebapi. ²³ Kerene onan, jike kayen mempersembahan persembahan kayen di pucok altar, wan di so'on kayen teingat bahwe sepeduloran kayen mempunyei sesustu tehadap kayen, ²⁴ tinggolanam persembahan kayen onan dihedopan altar wan berangkatam engkai lobeh lohok didamaikan juan sepeduloran kayen, setolah onan beulangam wan persembahan kayen. ²⁵ Seocak mungken, bedamaiam juan orang an menudoh kayen selagek kayen dalam pejolonan besensamenye'e supaye gowok penuduhan kayen onan menyorehan kayen ke hakem, wan hakem onan menyerahankayen ke pegawainye'e, ke dalam penjare. ²⁶ Doan mengatean an sebonarnye ke kayen, kayen cade bakal kale keluar tanggai so'on sampai kayen udah membayar se an terakher. ²⁷ "Kayen udah mendongai bahwe dikatean, 'Gowok berzinzh.' ²⁸ Akan tetapi, Doan mengatean ke kayen bahwe setiap urang an mendongai seurang betine wan mekehondak'inye'e, nye'e udah berzinah juan betine onan di dalam hatinye. ²⁹ Kalau mate kanan kayen meulah kayen beduse, cungkillah mate kayen onan wan buangam. Sobab boyek kayen kehilangan salah sutek anggota bukang kayen tanggaipade seluroh bukang kayen dibuang ke dalam nereke. ³⁰ Wan, jike kukot kanan kayen meulah kayen beduse, tungkong wan buangam kukot kayen onan kerene lobeh boyek kayen kehilangan salah sutek anggota bukang kayen tanggaipade seluroh bukang kayen dibuang ke dalam neraka. ³¹ Udah dikatean: Sape an mencoraian bininye haros meonjok surat corai ke bininye onan. ³² Doan mengatean kekayen bahwe sape an mencoraian bininye, kecuali kerene zina, nye'e meulah bininye berzina. Wan, sape an menikah juan betine an tolah dicoraian onan, nye'e juge berzina. ³³ Sekali lagek, kayen tolah mendongai an dikatean ke ninek muyang kite, 'Gowok besumpah palsu, tetapi penuhiam sumpah kayen onan di hedopan Duate. ' ³⁴ Namon, Doan betutor kekayen: gowok sesekali kayen besumpah, boyek demi surge kerene surge adelah takhta Allah, ³⁵ ataupon demi bumi kerene bumi adelah tumpuan kaki-Nye, ataupon demi Yerusalem kerene onan adelah kota Sang Raje Bosar. ³⁶ Gowok juge kayen besumpah domi kepalamu kerene kayen cade bise meulah seholai rambot pon, puteh atau hitam. ³⁷ Namon, hondaklah perkataandi'i, ya jike ya, cade jike cade, kerene an selobehnye'e tanggai onan berasal tangga si johat. ³⁸ Kolai tolah mendongai an tolah dikatean, 'Mate di gantian mate wan gigi di gantian gigi.' ³⁹ Namon, doan mengatean kebkayen gowok melawan an johat, meloyenan an menampardi'i pade pipi kanan, surongan kenye'e pipidi'i an loyen juge. ⁴⁰ Wan, jike seurang hondak menuntotdi'i wan meutek bajudi'i, inji'i juge jubahdi'i, kenye. ⁴¹ Wan siape an memaksedi'i bejalan 1 mil. bejalanlah besesame sejowoh 2 mil. ⁴² Enji'ilah ke urang an meminte kedi'i wan gowok menulak urang an hondak meminjam tanggai'di'i ⁴³ Kolai tolah mendongai an difirmanan, 'Kasehilah sesame di'i,' wan 'Boncek'ilah munsohdi'i.' ⁴⁴ Namon, Doan betutor kedi'i, kasehilah musoh-musohdi'i wan bedu'elah bai urang-urang an menganiaya kolai, ⁴⁵ juan domikian kolai bise menjadi anak-anak Apangdi'i an di suru'ge kerene Nye'e menerbitkan matahari-nye bagi an johat wan an boyek, wan menuruna ujan bagi an bonar wan an cade bonar ⁴⁶ Sobab, kalau kolai hanye mengasehi urang-urang an mengasihidi'i upah ape an kolai dapatan? Ukankah pengumpol pajak juge melakuan hal an same? ⁴⁷ Wan, jike kolai menenji'i salam hanye ke dulor-dulordi'i, ape lobehnye kelakuandi'i? Ukankah urang-urang cade mengonal Allah juge bebuat macam onan? ⁴⁸ Kerene onan, kolai haros menjadi sempurne, macaam Apangdi'i an di suru'ge, macam Bapamdi'i an di suruge'e adelah sempurna."