¹ "Dahonan, Kerajaan Suru'ge bakal diumpamaan juan sepuloh dare an meumbai pelite-pelitenye wan beetulak engkai betomu pengantennye laki-laki. ² Lime di antare sidah adelah awak, wan an lime loyennye adelah bijak sane. ³ Ketike an awak onan meumbai pelite-pelitenye, sidak cade meumbai minyak besesamenye. ⁴ Amon, an bijaksane meumbai minyak dalam guci ronet besesame juan pelite-pelitenye. ⁵ Kaninam, ketike penganten lelaki-lelaki onan menude kejuhak'annye wan idok. ⁶ Namon, pade tongah malam ade ciak'an, 'Mempelai lelaki-lelaki menjuhak! Keluaram engkai menyambotnye!' ⁷ Dahonan, Semue dare onan bangon wan marapian pelite-pelite sidak. ⁸ Wan, an awak betutor ke an bijaksane, "Enji'ilah ke urang koai sediket minyakdi'i kerene pelite-pelite urang koai hamper padam.' ⁹ Kliagak, an bijaksane menyaout, 'Cade, cade bakal cukop engkai urang koai wan kolai. Lobeh boyek, betulaklah ke an menjual minyak wan bolilah engkai di'i surang.' ¹⁰ Sementare sidak betulak engkai memboli, penganten lelak-lelaki onan menjuhak, wan sidak an siap, tamak besesame-same juan nye'e ke perjamuan bepalet wan lawang ditukop. ¹¹ Selopas onan, menjuhak an loyennye wan betutor, 'Tuan, tuan! Bukeanlah kai urang koai.' ¹² Kliagak, nye'e menyaout, doan betutor kedi'i, doan cade mengonaldi'i ¹³ Oleh kerene onan, bejejage-jagelah kerene kolai cade tohu ari atau wayahnye." ¹⁴ Sobab, Kerajaan Suru'ge same macam seurang an bakal betulak ke luar negeri, an menalau hambe-hambenye wan menyerahan punyenye ke sidak. ¹⁵ Ke an seurang, nye'e meenji'i 5 talenta. ke an loyennye, 2 talenta, wan ke an loyennye 1 lagek 1 talenta. Maseng-maseng sesuai pehanggopnye. Dahonan, nye'e betulak. ¹⁶ Urang menerime 5 talenta onan langsong betulak, wan menjalanan talenta onan, wan nye'e menghasilan 5 talenta lagek. ¹⁷ Dahonan juge urang an menerime 2 talenta, nye'e mehasilan 2 talenta lagek. ¹⁸ Kliagak, urang an menerime 1 talenta ona betulak, menggali lubang di tanah, wan menapuk'an duet tuannye. ¹⁹ Lambat seudah onan, tuan tanggai hamba-hamba onan menjuhak wan mengadean peritungan juan sidak. ²⁰ Urang an tolah menerime 5 talenta onan mehadap wan meumbai 5 talenta lagek, tutornye, 'Tuan, engkau menyerahan 5 talenta kedan. Liatlah, doan tolah menghasilan 5 talenta lagek.' ²¹ Tuannye betutor kenye, 'Bagas sekali' hamba an boyek wan setie. Kolai setie juan hal-hal ronet, doan bakal mengangkat engkau atas banyak hal, tamaklah ke dalam sukecite tuandi'i.' ²² wan, urang an menerime 2 talenta juge menghadap wan betutor, 'Tuan, engkau menyerahan 2 talenta kedan. Liat, doan tolah menghasilan due talenta lagek.' ²³ Tuannye manyaout, Bagas sekali, hambe an boyek wan setie. Kolai setie juan hal-hal ronet, doan bakal mengangkat engkau atas banyak hal, tamaklah ke dalam sukecite tuandi'i.' ²⁴ Dahonan, urang an menerime 1 talenta juge menghadap wan betutor, 'Tuan, doan tohu engkau urang an kojam, menuai di tompat an engkau cade menabur, wan mengumpulan di tompat an engkau cade menyobaran boneh. ²⁵ Kerene onan, doan golak, wan betulak wan menapok'an talentakoam di dalam tanah. Liat, engkau mempunye'i ape an menjadi punyedi'i.' ²⁶ Amon, tuannye menyaout wan betutor kenye. 'Kolai hamba an johat wan pemalas! Kolai tohu bahwe doan menuai di tompat an doan cade menabur wan mengumpulan di tompat an doan cade menyobaran boneh. ²⁷ Kerene onan, seharosnye kolai menyimpan duetdan di bank wan ketike doan beulang, doan bakal menerime punyedan udi juan bungenye. ²⁸ Utek'am 1 talenta onan tanggai nye wan enji'i ke nye'e, an punye 10 talenta onan. ²⁹ Sobab, setiap urang an mempunyei bakal di onjok lagek, wan nye'e bakal bekelimpahan. Bakal tetapi, tanggai uurang an cade mempunyei, bahkan ape an nye'e punye bakal di utek. ³⁰ Tikomanlah hambe an cade begune onnan ke dalam kegolapan an paleng pekat. Di tompat onan bakal ade tangisan wan kertak gigi.''' ³¹ "ketike Anak Mendesie menjuhak dalam kemulian-Nye, wan padangan malaikat besesame-Nye, lopas Nye'e bakal dudok di takhta kemuliaan-Nye. ³² Semue bangse bakal dikumpulan di hedopan-Nye, wan Nye'e bakal memisahan sidak seikok tanggai an loyennye, macam gembale an memisahan dombai tanggai kambeng-kambeng. ³³ Wan, Nye'e bakal menompatan domba-domba di sebolah kanan-Nye, wan kambeng-kambeng di sebolah kibe. ³⁴ Dahonan Raje bakal betutor ke sidak an disebolah kanan-Nye, "Marilah, kolai an diberokati oleh Bapa-Ku, warisilah Kerajaan an disedian engkaidi'i tanggai pemulean dunie. ³⁵ Kerene ketike Doan lapar, Doan meenji'i Doan makan. Doan howos wan kolai meenji'i Doan minom. Doan urang aseng, wan kolai mengundang Doan tamak. ³⁶ Doan telanjang wan kolai memakaian Doan pekoyan. Doan saket wan kolai menjongok wan kolai menjuhak ke-Dan.' ³⁷ Lopas, urang-urang bonar onan bakal menyaout-nye, 'Tuan, bile urang koai meliat Engkau lapar wan meenji'i-Mu makan, atau howos wan menji'i-Mu minom? ³⁸ Bile urang koai meliat Engkau seurang aseng mengundang Engkau tamak, atau telanjang wan memakaian Engkau pekoyan? ³⁹ Bile urang koai meliat Engkau saket atau di penjare wan urang koai menjuhak ke-Mu?' ⁴⁰ Raje onan bakal menyaout, 'Doan menutoran an sebonarnye kedi'i melakuannye tehadap seikok tanggai dulor-dulor-dan an paleng ronet inen, kolai melakuannye engkai-Dan.' ⁴¹ Dahonan, Nye'e bakal betutor juge ke sidak an di sebolah kibe-nye,' Betulaklah tanggai hedopan-Dan, kolai an terkutuk, ke dalam api abadi an tolah disiapan engkai Iblis wan malaikat-malaikanye. ⁴² Sobab, Doan lapar wan kolai cade meenji'i-Dan makan. Doan howos wan kolai cade meenji'i-Dan minom. ⁴³ Doan urang aseng wan kolai cade mengundang-dan mansok; telanjang wan kolai cade memakaian Doan pekoyan; saket wan di penjare, wan kolai cade menjongok Doan.' ⁴⁴ Dahonan, sidak juge bakal menyaot, 'Duate, bile urang koai meliat Engkau lapar atau howos, atau seurang aseng, atau saket, atau telanjang, atau di penjare, wan cade melayani-Mu? ⁴⁵ Dahonan, Nye'e bakal menyaout sidak, "Doan mengatean an sebonarnye kedi'i semacammene kolai cade melakuan tehadap satu tanggai sidak an paleng kocet inen, kolai cade melakuannye ke-Dan ⁴⁶ Wan, sidak inen bakal betulak kedalam peukoman kokal, tetapi urang-urang bonar kedalam kehidupan kokal."