¹ Pade wayah onan, mured-mured menjuhak ke Yesus wan betakon, Sape an tebosar dalam Kerajaan Suru'ge ?" ² Lalu, Yesus menelau seurang biak kocet ke-Nye wan menompattan biak kocet onan di tongah-tongah sidak, ³ wan betutor , "Doan menutoran an sebonarnye kedi'i, kecuali kolai bertobat wan menjadi macam biak-biak, kolai bakal mansok ke dalam Kerajaan Suru'ge. ⁴ Sape an merondahan di'inye macam biak inen adelah an tebosar dalam Kerajaan Suru'ge. ⁵ Wan, sape an menerime biak kocet macam an sutek inen dalam nama-Ku nye'e menerime Doan." ⁶ "Kliagak, sape an menyosatan salah sutek tanggai biak-biak kocet an pecaye ke-Ku inen, lobeh boyek baginye jike sebuah batu kilangan digantungan pade liheknye wan ditenggolaman ke lowot an paleng dalam. ⁷ Celakelah dunia kerene penyosat-penyosat an ade di dalamnye! Sobab, penyosatan memang harus tejadi, tetapi celakelah urang an mendatangkannye. ⁸ Jike kukot atau pehedi'i membuatdi'i beduse, potong wan buanglah onan. Lobeh boyek bagidi'i tamak ke dalam hidop juan kukot an buntong atau pincang tanggaipade mempunyei due kukot wan due pehe, tetapi dibuang kedalam api kokal. ⁹ Jike Matedi'i meulahdi'i berduse, cungkel wan buanglah onan. lobeh boyek kolai tamak kedalam hidop juan sutek mate, tanggaipade mempunyei due mate tetapi dubuang ke dalam nerake api.'' ¹⁰ "Perhatikanlah, gowok kolai meremehan sutek tanggai biak-biak kocet inen. Sobab, Doan mengatean kedi'i baahwe malaikat-malaikat sidak di suru'ge selarat memandang wajah Bapa-Ku an di suru'ge. ¹¹ [Sobab, Biak Mendesie tolah menjuhak engkai menyelamatan urang an hilang.] ¹² Macammene menurotdi'i? Jike sesurang mempunyei 100 ikok domba, tetapi sidak tesosat , cadelah urang onan meninggolan an 99 ikok di unong wan betulak meontot seikok an tesosat onan? ¹³ Wan , jike nye'e menemuannye, sesunggohnye Doan menutoran kedi'i,nye'e lobeh besukecite pucok sutek an tesosat onan tanggaipade 99 an cade tesosat. ¹⁴ Macamnonan juge, ukanlah pehondak Bapadi'i an di suru'ge jike seurang tanggai biak-biak kocet inen binase." ¹⁵ "Jike dulordi'i beduse, pogi wan tunjuk'an kesalahannye antare kolai wan nye'e surang saje. Jike nye'e mendongaiandi'i, kolai tolah mendapatan dulordi'i. ¹⁶ Kliagak, jike nye'e cade mendedongaiandi'i, umbailah seikok atau due urang lagek besesamedi'i supaye juan mulot tanggai due urang lagek besesamedi'i supaye juan mulot tanggai due atau tige urang saksi,setiap peromongan ditotapan. ¹⁷ Jike nye'e menulak engkai mendongaian sidak, tutoran hal onan ke jemaat. Wan, jike nye'e bahkan menulak engkai mendedongai jemaat, biarlah nye'e menjadi bangse-bangse loyen wan pengumpolan pajak. ¹⁸ Doan menutoran an sebonarnye kedi'i bahwe ape an kolai kobat di bumi bakal terikat di suru'ge. Wan, ape an kolai lopasan di bumi bakal telopas di suru'ge." ¹⁹ Sekali lagek, Doan mengatean kedi'i bahwe jike due urang diantaredi'i sepakat di bumi tontang sesuatu an sidak minte, hal onan bakal tejadi bagi sidak oleh Bapa-Ku an ade disuru'ge. ²⁰ Sobab, di tompat due atau tige urang bekumpol besesame dalam Name-Ku, Doan ade di tongah-tongah sidak. ²¹ Dahnonan, Petrus menjuhak ke Yesus wan betakon, "Duate, sebeyepe kale seharosnye doan mengampuni dulordan an beduse tehadapdan? Sampai 7 bakal? ²² Yesus betutor kenye, "Doan cade mengatean kedi'i sampai 7 bakal tetapi sampai 70 bakal 7 bakal. ²³ Kerene onanlah, Kerajaan Suru'ge diumpaan macam seurang raje an mengaadean pehitongan juan padangan hambenye. ²⁴ Ketike nye'e mengadean pehitungan, urang an beutang sebosar 10.000 talenta diumbai kenye. ²⁵ nye'e onan cade hanggop membayar, tuannye memerintahan supaye nye'e dijual, beserete bininye wan biak-biaknye, juge semue an nye'e punyei, wan juan onan pembayoran dilakuan. ²⁶ Make, hambe onan besyukor wan menyombah tuannye, katennye, 'Besabarlah kedan wan Doan bakal mebyoran semunye kedi'i.' ²⁷ Dahnonan, tuan tanggai hambe onan berbolas kaseh, wan membebosannye, wan meonjok ampunan atas utangnye onan. ²⁸ Kliagak, ketike hambe onan keluar wan betetomu juan hambe loyen an behutang 100 dinar kenye, nye'e menangkap serete mengocok hambe onan, wan betutor , Bayar ulang duet an kolai pinjam tanggaidan!' ²⁹ Make, hambe an berutang ona besujod wan memohon kenye, katenye, 'Besabarlah ke'dan wan doan bkal membayoran semuenye kedi'i.' ³⁰ Kliagak, nye'e menulak wan menjeblosan tambahnye onan ke penjare sampai nye'e onan bise melunasi semue hutangnye. ³¹ Ketike hambe-hambe an loyen meliat kejadian onan, sedik menjadi paleng sodeh lopas menjuhak wan melaporan ke tuannye tontang segegale sesuatu an tolah tejadi. ³² Dahnonan, tuannye menalau hambe an petame onan wan betutor ke'nye, 'Kolai hambe an johat. Doan mengampuni semue hutangdi'i kerene kolai memuhon kedan. ³³ Ukankah kolai seharosnye mempunyei bolas kaseh ke sesamedi'i hambe, macam doan juge tolah menunjuk'an kaseh kedi'i?' ³⁴ Wan, tuannye, juan ponoh kegodiaan, menyerahannye ke padangan penyikse sampai nye'e bise membayar ulang semue an dipinjamnye kenye. ³⁵ Bapa-Doan di suru'ge juge bakal melakuan hal an sam kedi'i, jike kolai cade mengampuni dulordi'i tanggai dalam hatidi'i.''