¹ Ktib silsilah Yesus Kristus, anak Daud, anak Abraham. ² Abraham adelah apang Ishak, Isahak adelah apang Yakub, Yakub adelah apang Yehuda wan pedulor-pedulorannye, ³ Yehuda adelah apang Peres wan Zerah, indai sidak adelah Tamar. Peres adelah apang Hezron. Hezron adelah apang Ram. ⁴ Ram adelah apang Aminadab. Aminadab adelah apang Nahason. Nahason adelah apang Salmon. ⁵ Salmon adelah apang Boas, indainye adelah Rahab. Boas adelah apang Obed ⁶ Isai adelah apang tanggai Raje Daud. Daud adelah apang Salomo, indainye adelah bokas bini Uria. ⁷ Salomo adelah apang Rehabeam. Rehabeam adelah apang Abia. Abia adelah apang Asa. ⁸ adelah apang Yosafat. Yosafat adeleh apang Yoram. Yoram adelah apang Uzia. ⁹ Uzia adelah apang Yotam. Yotam adelah apang Ahas. Ahas adelah apang Hizkia. ¹⁰ Hizkia adelah apang Manesye. Manesye adelah apang Amon. Amon adelah apang Yosia. ¹¹ adelah apang Yekhonya wan pedulor-pedulorannye, ketike pembuangan ke Babel. ¹² Slopas pembuangan ke Babel, Yekhonya adelah apang Sealtiel. Sealteil adelah apang Zerubabel. ¹³ Zerubabel adelah apang Abihud. Abihut adelah apang Azor. ¹⁴ Azor adelah apang Zadok. Zadelah adelah apang Akhim. Akhim adelah apang Eliud. ¹⁵ Eliud adelah apang Eleazar. Eleazar adelah apang Matan. Matan adelah apang Yakub. ¹⁶ Yakub adelah apang Yusuf, laki Mari. Tanggai Maria dilahiran Yesus, an disobot Kristus. ¹⁷ Jadi, semue keturonan tanggai Abraham sampai Daud ade ompat bolas keturonan, wan tanggai Daud sampai pembuangan ke Babel ade ompat bolas keturonan, wan tanggai pembuangan ke Babel sampai Kristus ade ompat bolas keturonan. ¹⁸ Dah inen, kelahiran Kristus Yesus adelah macam berikut. ketike Maria, indai-Nye dah betunangan juan Yusuf, seolom sidak hidop sesame, nye'e tenyate buntigan tanggai Roh Kudus, ¹⁹ Namun kerene Yusuf, lakinye adelah urang an bonar wan cade hondak mempemaluan Maria di hedopan umom, Yusuf bemaksod engkai membebosan Maria secare diam-diam. ²⁰ Kliagak, ketike Yusuf tongah mempetimbangan hal oyen, liatam, malaikat Tuhan muncol ke nye'e dalam mimpi wan bekate, "Yusuf, anak Daud, gowok golak engkai meutek Maria sebagai binidi'i kerene Anak an diporotnye adelah tanggai Roh Kudus. ²¹ Nye'e bakal melahiran seurang Anak lelaki wan di'i bakal menyobot name-Nye Yesus kerene Nye'e bakal menyelomatan umat-Nye tanggai duse-duse sidak. ²² Semue hal inen tejadi eangkai menggonapi an difirmanan uleh Duate melalui nabi-Nye, ²³ Liat am, seurang perawan bakal buntingan wan bakal melahiran seurang bebiak lelaki. Sidak bakal menyobot name-Nye Imanuel," an diterjomahan artinye: "Allah beserete kite". ²⁴ Ketike Yusuf bangon tanggai idoknye, nye'e melakuan mirep an malaikat Duate perintahan kenye'e, wan nye'e meutek bininye, Maria, ²⁵ kliagak besetuboh juan Maria sampai nye'e melahiran Bebiak lelakinye. Wan Yusuf menyobot name-Nye,Yesus.