¹ Sekarang, mengonai karunie-karunie rohani, Pededuloran, doan cade hondak kayen cade tohu. ² Kayen tohu bahwe ketike kayen gek mejadi urang an olom mengonal Allah, kayen disesotab ke berhale bisuacam kayen dipimpen. ³ Kerne, doan memberek tohuan ke kayen sutek pon mulan an beromong uleh Roh Allah, an beromong, "Yesus tekutok," wan cade ade sutek pon an dapat beromong, "Yesus adelah Duate," selaen uleh Roh Kudos. ⁴ Ade macam karunie rohani, keliagak Rohnye same. ⁵ Wan, ade bebeyepe peleyonan, keliagak Duatenye same. ⁶ Ade bemacam pekerjean, keliagak Allah an same an mengerejean segale sesuatunye dalam semue di urang. ⁷ Ke setiap urang di karuniean penyatan Roh kai keboyekan besame. ⁸ Ke an sutek dionjok kate hikmat melalui Roh wan ke an laen kate pengetahohuan uleh Roh an same. ⁹ Ke an laen dionjokan iman ueh Roh an same, ke an laen karunie penyembuhan uleh Roh an sutek. Ke an laen dionjok ¹⁰ pekerjean mukjizat ke an laen nubuat an. Ke an laen dionjok kemapuan kai membidean roh ke anlaen bemacam bahase lidah,an laen meherotian bahase lidah nontaiam. ¹¹ Semunye dikerejean uleh Roh an sutek wan an dah, an membagi ke maseng-maseng urang macam an Nye'e hendakan. ¹² Same macam bukang sutek, keliagak ad banyak anggute wan semue anggute bukang, walaupon banyak sutek bukang, macam nonam Kristus. ¹³ Sobab, uleh sutek Roh kite semue dah dibaptis ke dalam sutek bukang, boyek urang Yahudi, urang Yunani, boyek budak wan urang sidak, kite semue dionjok minom nggai sutek Roh. ¹⁴ Kerene bukang cade tediri nggau sutek anggute, keliagak banyak anggute. ¹⁵ Jike pehe beromong Kerene doan ukan kukot, jadi doan ukan bukang, cade bearti nye'e ukan bagian bukang. ¹⁶ Wan jike kelindang beromong Kerene doan ukan mate, doan ukan angute bukang, ukan bagian bukang. ¹⁷ Jike semuenye bukang di meneam pendengoyan? Jike semuenye kelindang, dimeneam penciuman? ¹⁸ Namon, sekarang Allah dah menetopan anggute nontai, kai urang nggai sidak, di dalam bukang, macam an Ia kehondakan. ¹⁹ Jike semunye sutek anggute, dimeneam bukang? ²⁰ Jadi, seje ade banyak angute keliagak kah sutek bukang. ²¹ Mate cade dapat beromong ke kukot, Doan peloru wan kayen! Kepale ke pehe, Doan peloru wan kayen! ²² Sebaleknye, anggute bukang an lomah sebonarnye an seje dipeloruan. ²³ Anggute bukang an kite piker kurang tehormat, justru onjokam penghormatan lobeh. Anggute bukang an kite anggap kurang layak, haros diulah kai seje layak, ²⁴ kerene bagian an dah layak cade peloruan nye. Namon, Allah dah meator bukang meonjok pehormatan lobeh bosar ke anggute an kurang, ²⁵ kai cade ade pepecahan dalam bukang, melainan kai angute dapat memperhatian sutek juan an laen. ²⁶ Jike sutek anggute semue angite menderite besamenye. Jike sutek anggute dimuliean semue anggote besukecite besamenye. ²⁷ Gek kayen bukang Kristus wan layen maseng anggutenye. ²⁸ Allah dah menetopan dalam jemaat, pertame pedangan rasul, kedue adelah pedangan nabi, ketige adelah pedangan guru, lopas onan mukjizat-mukjizat, karunie-karunie penyembuhan, penulungan, kepemimpenan, bebagai-bagai bahase. ²⁹ Apebah semunye rasul? Apebah semunye nabi? Apebah semunye guru? Apebah semue peulah mukjizat? ³⁰ Apekah semuenye ade karunie penyembuhan?Apebah semunye beromong juan bahase? Apebah semunye meartian? ³¹ Namon, hondakam seje sunggoh-sunggoh karunie an paleng bosar. Wan, doan bakal menunjukan ke kayen jalan an jowoh lobeh boyek.