¹ Hai kandih, urang-urang Galatia yang buduh! siapak yang udah mamasona kamu? Bukankah di dapan matak kandih Yesus Kristus ditampai disalibkan di dapan umum? ² Sutik al yang andak akuk tanyakan kapadak kandih, ngapakkah kamu manarimak Ruh Karnak manuruti Ukum Taurat, puangpun karanak mandangar dangan kepercayakan? ³ Bagitu buduhnyakah kandih? Kandih Udah mamulai dangan Ruh, ngapakkah kandih nganih nih andak mangakhirinyak dangan daging? ⁴ Siak-siakkah kamu manderitak panderitakan yang bagituk banyak nganah -- Jikak mimang nganah kesiak-siakan? ⁵ Jadik, ngapaklah Nyiak mangaruniakkan Ruh ke kandih man mangarajakan mukjizat di antarak kandih karnak kandih manjalankan Ukum Taurat, puangbai karnak kandih mandangai dangan kepercayakan? ⁶ Samak macam Abraham yang pecayak mah ke Allah sahinggak al nganuh dipeitungkan ke nyiak sabagai kabanaran. ⁷ Karnak nganah, ketaukilah bahwa urang-urang yang beimanlah yang disabut anak-anak Abraham. ⁸ Kitab Suci, yang udah mengetauik sabalumnyak bahwa Allah akan membanarkan urang-urang puang Yahudi karnak kepercayakan, udah labih duluk memberitakkan Injil ke Abraham dangan bekatak, "Samuak bangsa akan malaluik kandih." ⁹ Jadik, sadih yang percayak akan diberakati besamak-samak Abraham, urang yang pecayak nganah. ¹⁰ Samuak urang yang begantung padak pekarajaan Ukum Taurat beradak di bawah kutuk, sabab bisik tetulis: "Tekutuklah satiap urang yang puang tunduk padak sagalak sasuatuk yang tetulis dalam kitab Ukum Taurat man malakukannyak." ¹¹ Jadik, jalaslah nganih nih bahwa puang bisik seurang pun yang dibanarkan di hadapan Allah ulih Ukum Taurat, sabab "Urang banar akan idup ulih iman". ¹² Akan tatapik, Hukum Taurat puang didasarkan padak kepercayakan. Sabaliknya, "urang yang malakukkan Ukum Taurat akan idup karanaknyak". ¹³ Kristus manabus kitak darik kutuk Ukum Taurat dangan manjadik kutuk bagik kitak, sabab bisik tetulis, "Tekutuklah urang yang digantungkan padak kayu salib!" ¹⁴ Dangan bisik dalam Yesus Kristus, barkat Abraham dapat nyampai ke urang-urang bukan Yahudi sahingga dangan kepercayakan kitak dapat manarimak Ruh yang udah dijanjikkan nganah. Janji Allah man Ukum Taurat ¹⁵ Dulur kaban, akuk akan mambarik cuntuh darik keidupan saarik-arik: kalau pejanjian talah disahkan, walaupun hanyak kuntrak antarmensiak, puang bisik urang yang andak mambatalkan puangbai manambahkan ngapak pun dalam pejanjian nganah. ¹⁶ Nganih ni, tantang pejanjian yang disampaikan Allah ke Abraham man ke katurunannyak. Allah puang bekatak,"...ke katurunan-katurunannyak," yang manunjuk ke banyak katurunan. "... man kepadak katurunan kandih," beartik manunjukan ke satuk urang, yaitu Kristus. ¹⁷ Maksudkuk, Hukum Taurat yang muncul 430 taun sasudahnyak puang dapat mambatalkan pejanjian yang talah disahkan uleh allah. jadik, pejanjian nganah puang bisik ditiadakkan. ¹⁸ Ngapak bilak warisan didasarkan dengan Hukum Taurat, makak warisan nganah puang agik didasarkan padak pejanjian. Akan tatapik, Allah manganugerahkannyak kapadak Abraham malaluik sabuah pejanjian. ¹⁹ jadik, mengapak bisik Hukum Taurat? Hukum Taurat dibarikkan karanak palanggaran-palanggaran, nyampai katurunan nganah datang sebagaimana maksud pejanjian nganah dipulah. Hukum Taurat dibelakukan malaluik para malaikat dangan perantara. ²⁰ Namun, perantara puang untuk mawakili sutik urang, padahal Allah adalah sutik. Tujuan Hukum Taurat. ²¹ kalau damikian, ngapakkah Hukum Taurat belawanan dangan pejanjian Allah? Tentu saja puang! sabab, jikak Hikim Taurat dibarikkan untuk dapat mambarikkan idup, kabanaran pastik beasal dari Hukum Taurat. ²² Akan tatapik, Kitab Suci talah memenjarakan sagala sasuatuk man samuak urang di bawah dusa supayak pejanjian uleh iman dalam Kristus Yesus buleh dibarikkan kapadak kandih yang pecayak. ²³ sabalum iman datang, kitak ditawan di bawah Hukum Taurat, ditahan sabagai tawanan nyampai iman yang akan datang dinyatakkan. ²⁴ Dangan damikian, Hukum Taurat adalah pangawas bagik kitak nyampai Kristus datang supayak kitak uleh iman. ²⁵ sakarang, iman nganah udah datang. kitak puang agik mambutuhkan Hukum Taurat sabagai pangawas kitak. ²⁶ Dalam Yesus Kristus, kandih samuak adalah biak-biak Allah malaluik iman. ²⁷ kandih samuak yang talah dibaptiskan dalam Kristus talah manganakkan Kristus. ²⁸ puang bisik agik urang Yahudi puangpun urang Yunani, budak puangpun urang mardika, lelakik puangbai betinak karanak kandih semuak satuk dalam Yesus Kristus. ²⁹ Jika kandih adalah milik Kristus , kandih adalah keturunan -keturunan Abraham man ahli - ahli waris pas dangan pajanjian.