¹ Ado sikuk mensio namo iyo Ananias, dongan bini e Safira, nyual sebidang tanoh, doh yok duet rogo tanoh ² kodok e di tabok dok duo ( bini yo panai ) sisok duet rogo tanoh yang di tabok di baik di lotak korong kaki para rasul-rasul. ³ tapi petrus bejantuh ." Ananias ngapai jolu seado alam ati ikau,ikau sebebulok ke roh kudus ikau senabok duet rogo tanoh? ⁴ selagi iyo opan di jual, abon kah iyok tetap ompuk kau? tik udoh di jual abonkah iyok tetap alam kuaso ikau? kati alam ati ikau sepanai ado pike model yok? ikau bon sebebulok dongan kami mensio, tapi bebulok dongan Allah." ⁵ pas yok, langsong tengkaleng Ananias lansong mati, doh yok golak obeh am sidok yang ninggo e. ⁶ doh yok datang am kiyok uangk-uangk bujang maik iyo ke kiloh ngubo iyo. ⁷ kuang lobih tigo jam kedepan, bini e datang, abon panai ke apai yang doh tejadi. ⁸ petrus bejantuh ke iyo." podoh am ke aku kalau ikau nyual tanoh untok tuk," betinok yok modoh." aok untok iyok." ⁹ doh yok petrus bejantuh dongan iyo," ngapai iken duo sepakat nguji roh Tuhan? pantau am, kaki sidok yang udoh ngubo laki ikau doh ado di pintu, doh yok sidok onak ngerongong ikau ke kiloh." ¹⁰ betinok yok lansong tengkaleng, mutoos penyoo, sidok kan bujang tamoh, napat betinok iyok udoh mati; sidok maik betinok iyok ke kiloh doh nyok ngubo iyo di sepiak laki e. ¹¹ mako golak obeh am sidok yang ningo jantuh yok. ¹² banyak tano mujizat yang udoh di puloh sidok dongan jai para rasul. sidok semuo berobeh di serambi salomo. ¹³ tapi bonsik sikuk pai yang berani tamoh sidok," tapi sidok paleng di oomat uangk-uangk diok. ¹⁴ mako semaken banyak uangk kan tinok kan laki yang pecayok ke Tuhan, ¹⁵ bahkan sidok maik uangk-uangk podik ke jalan dan di goleng sidok dioong ketido serta dipan-dipan, sok pas petrus lalu, kemayang iyo sok ngonok sidok kodok e. ¹⁶ angkat ari yen datang banyak mensio dai kota-kota di sekita yerusalem, maik uangk podih dan yang di tomok roh-roh jahat sidok semuo yok. ¹⁷ tapi imam besar datang, dongan sidok yang namoh iyo ( sekte saduki ); ati sidok di ponuh ii ati ¹⁸ doh yok sidok nangkap para rasul, nopuk sidok ke alam penyao. ¹⁹ pas malam ai tibo-tibo malaikat Tuhan mukok pintu penyao maik sidok kekiloh, kata e." ²⁰ angkat am iken bedii di bait Allah podoh ke semuo uangk tentang firman hidop tuk." ²¹ pas sidok ningo yok, boobuk ai sidok ngaja di alam bait Allah. tapi imam besar datang, dongan jeahan e, nimpai anggota dewan aggama dongan semuo tua-tua israel, ngutoeh ke penyaro ngamik para rasul. ²² tapi petugaeh yang angkat mantau sidok kalam penyao, sehinggo sidok bebalek dan ngelapo kesidok, ²³ " kami mantau penyao yok gik di kunci dan kan pengawal yang nyago di pintu, tapi pas kami mukok pintu, kami bonsik mantau sikuk pai di alam penyao." ²⁴ saat kepala bait Allah dan iman-iman kepala ningo hal yok, sidok keridu dongan apai yang tejadi pada para rasul. ²⁵ doh yok uangk datang modoh kesidoh, " uangk yang kau penyao lagik bedii di bait Allah lagi ngaja uangk banyak." ²⁶ mako kepala bait Allah angkat dongan petugaeh-petugaeh maik para sarul pulang, tapi bon dongan cao yang koaeh keeno sidok golak uangk nuhok sidok kebatu. ²⁷ seudoh maik para rasul, para rasul yok di baik ke depan anggota dewan. imam besar betanyok ke para rasul, ²⁸ kata yo," kami ngidoh mat iken ngaja alam namo yok , tapi kau, udoh monuh yerusalem dongan pengajaran kau, dan ngelotak daroh uangk yok ke ataeh kami." ²⁹ tapi petrus dongan yohanes nyingol," kito aros lebih taat dongan Allah dari pado dongan mensio, ³⁰ Allah inik umuh kami udoh mangket yesus, yang udoh kami bunuh, kami ngantong di kayu salib. ³¹ Allah ninggik iyo di jari kanan e nyadi pemimpin ngan jadi juru selamat untok ke morik pertobatan ke israel, dongan pengampunan doso-doso. ³² kamilah saksi-saksi dai semuo tuk, biok gam roh kudus, yang udoh Allah onnyok ke uangk yang patuh ke iyo," ³³ ketiko sidok ninggo yok, ati sidok aso engkiyet, dan sidok bepike nak munuh para rasul yok. ³⁴ tapi uangk farisi yang namo e gamaliel, iyo guru taurat yang di oomat semuo uangk bedii didepan Sanhedrin nyuuh sok para rasul di baiik ke kiloh sekenyap. ³⁵ doh yok iyo bebantoh dongan sidok," uangk israel cinek dongan mat-amat apai yang nak kau puloh ke uangk tuk. ³⁶ keeno beepai waktu yang lolu, Teudas bangket angakuk deiik e uangk yang penteng, kuang lobih sidok ado ompat ratos uangk yang namoh dongan sidok, tapi, iyo di bunuh dan semuo uangk yang namoh iyo udoh bepisoh-pisoh sampai bonsik agik. ³⁷ seudoh Teudas, yudas dari galilea bangket, pado ai sensus, dan maik uangk banyak sok namoh iyo, iyo di bunuh gam dan semuo uangk yaang namoh iyo bepisoh-pisoh. ³⁸ keeno yok, alam kasos tuk, aku modoh kau " jouh am uangk tuk, aju am sidok. keeno, tik rencano dan pebuatan tuk beasal ai mensio, hal yok bon akan beasel. ³⁹ namun, tik rencano yok beasal dai Allah, kau bon akan mampu ngoonti e. bahkan, kau anga e akan keponai agik ngelawan Allah." ⁴⁰ sidok nunok podoh Gamaliel, doh yok, nimpai keduo rasul yok, sidok mangkong dok duo dan ngidoh para rasul bejantuh alam namo Yesus, doh yok dilopaeh dok duo yok. ⁴¹ keeno yok, rasul-rasul yok dai ai depan sanhedrin dongan bersukacito keeno di anggap pantaeh napat hinoan demi namo iyo. ⁴² dan setiap ai, di bait Allah dan ai langkau-kelangkau sidok najuh ngelanga dan memberitakan injil bahwa Yesus adolah Kristus.