¹ Nakini kikusu na awuri teku vere kire:Tirih u Firist kugbwaki kumi ku zomi achara ku raohm ko tek kazom ka pikarma izoh a Siri. ² Ireh piyu tuma atek kamavur, un haikali ku rivin na Kasiri ka napsa an zan piyhaor. ³ Ko kuriku Firistku gbwaki ku teske ikuh roh ankusu na aku rukse nang u hadaya. Kuri uwoh, an zuk ankusu mu hadaya. ⁴ Anne Kristoh kuri urikuya nekinne,enka zahku wana ku Firist, ari aya aku roh ankusuna aku rukse kenna mateh ma vere. ⁵ A seri utuma un haikali kumi kusughi agura re kutongrongkon kon kusu mi zoh Siri. Muri kenna Kasiri kama korene Musa utoh kadaor na ima sugha uhaikali:Kasiri kan woh, "kannyen awoh pe yelli koyen unsaru mi na ama miseh vuh izoh upana." ⁶ Nakini,utuma umi na Kristoh eh sere upiri urami nagbwing. muri kenna i gura re piyaozi otetih utikakam, umi usin zuksana a tikakum timi ti piri. ⁷ Na tikakum tizoni ti vur, an na ma roto yende tikakum teh vak. ⁸ Na Kasiri kamazuwa ivang nang ayhaor,kan woh, "Reghe, atuk an ruva-pikarma eh vere-kadhaor na manaka rene tikakum tipass nang ku rarah ku Isra'ila nang kuraraku Yahuda. ⁹ Manka zaku wana ne tikakum timi na aputeh yaohn ana chara kupsa yoehn macira a mayizi mu mazar.Ama roto ma jara a tikakum timi na man rene,mininjoeh yhaonmim-pikarma eh vere. ¹⁰ Kini na tikakum timi na man rene nang kurarah ku Isra'ila na atuk ami a voeroeh-pikarma eh vereh. Man rene agura nyakara mateh manang ana sugwu na yhaon. Man wana Kasiri kayhaon, Yhaon an wana ayaor anang. ¹¹ Anka zaku miseh ijam eh zontoko boko akommini, Nasang anka yeghetemawori apiya chini maka rava piya gwaku yhaon. ¹² Manka pokororillilipovo te nang ayhaon a zahku vuro, azaku gura yende ivang imi na ama rise ari rinang na mit." ¹³ Ku vere kuwoh "tipass," ima rene tikakum ti zoni tima wuska, kikusu kira pitu siwa.