¹ Na kini,sa'ni tijighi a zohm kama vervene ma Kristoh anreh tiku jitteh amazongoni amakana ati chirvuh. Sa'ni tih kasu gura nome amasuwa mu tuba inung untuma u kha nang rivin inung o Siri. ² Boh mazuwa mu misenuh u baptisma, utarkaranu u chara, uchughunenu oya kini, nang mateh mu zah rarah. ³ Tenka riseh kini inang Kasiri ka jighirim. ⁴ Awarken monka zahku wanakuwoh ayami nang amama sa'yhaon, ami apokoro u baiwa izoh, ami ama wanzana Mazir marip, ⁵ nang ami ama pokoro ama vervene ma Siri marentu nang usiru urikuya kumi kon ruvah, ⁶ ama piya erighi ama raghani anka zahku yika u yende yhaon kuma, anrehanku tarayhi ungbaor. ⁷ Awarkuwo mayinzi mami ma soh inung un ruh maku sin rupsa unman, anreh mankusin reksene anatih nami na rih utuma amajaghari nang aya nama yinzi mami mamma tumzana areh areh mayinzi mami maku sere uzikinu nang Kasiri. ⁸ Ama innang ma reksene masap nang rivak, riyirin agura arah pati uwoh an rendin a naoh. Riwuri ririn riri inung unpoksonu. ⁹ Ama tima rume nang ankusu murip amaruvah nan ayhini, aya nang unsuni, ankusu mure mu waska, koh kenang tisin vervene kini. ¹⁰ Awarkuwo Kasiri kazakure piyi chutti kanka zahku wunnu utumu yhin nang usunu umi nang ima sa awar kari zai riyhi, awarkuwo imma bauta a rumeni agurasin bauta yhaon. ¹¹ Ti rusu uwoh ko piriku yhaor unyhin i sa imuzu anang ami amaka jahari ama rarah awarku sisa koh suwu. ¹² Mun kuri kini awarkuwo inkasu wana apai, ama agbekseni aya inung arivin nan u non ko sugwu ama mane kurikawali. ¹³ Awarken, adhaor na Kasiri kama rene arikawali nang Ibrahim,kama siri aritih rikan, awar nan kanka zahku siri nan pirong ipiri. ¹⁴ Ima vereh, "manka zikine vuh, kuma manka gwakane vu." ¹⁵ Inung unrina uruh Ibrahim ima sere ikusu nan ama rene yhi rikawali kenang ima suksa inung unhankuri. ¹⁶ Awarkuwo ayhaor aku Siri in ramwa ki piri yhaon. Ariwuri masiri mayhaon man wana ken. ¹⁷ Kadhaor kami na Kasiri ka woh kan sa mariva amajaghar iayu gado kuri kawali renang ayhi arip ami nang aku zahku saka, ekujighim nang ma Siri. ¹⁸ Iku riseh kini awarkuwo nang ankusu muvah mumi moh ku zahku saka-nang mumi nang Kasiri kanka zahku riseh i chitti-awuri, tima sumana aka zuwa ma vonsonoh, tenka rih usiru ugwaki tika yhaomtao usiru umi urih anyhen mu wuri. ¹⁹ Tiri usiru uruh kinne i amkwa imi nang ama gwasa ama vuh ma wuri, usiru umi okuh nighe inung ama labule. ²⁰ Yesoh ima nighe atek kami areh piya zohni uwuri, ama wana ku Firist ku gwaki ku raosi kwatanci u dibi'ar Malkisadik.