¹ Adaor kami nang Biturus nang Yuhana amasi vervene nan a yaor, mafiristoci nang ku kaptin ku ikilisiya nang ayu yao an ruva nang yaon. ² Ayaor ami ama naze na suwu nan yaon awar ka Biturus nang Yuhana amah si mise ayaor ami nang kusi vervene avereh inung ukao ku Yesoh inung ana ya ama kizi. ³ Ayaor ami ama pusus yaon ariseh yaon inung ubursuna, amaka ruva rikata, awar kuwo marong mamah mah wana. ⁴ Ayaor nagbwing ami ama pokoro avereh ami ama rumeh; uvaru oyaor ami ama rume uma pirinuwohm maka rava a maduvu ishi. ⁵ Amah nan ruva ari manzu rikata na aya tiwomoh tiyaon, aya curvu, nang anyakarani amah konkuzuwo atek karao unRunshalima. ⁶ Ku firist ku gbwaki Anna, imah ri a tekkami, nang Kefas, nang Yuhana, nang Alekszanda, nang aya ami areeh richan ru firist kugbwaki. ⁷ Ayaor ami amah rene Biturus nang Yuhana an yezene ateti ka yaon, ayaor ami amah rivi yaon, "un ruke usuru vah a rizayi riwahn nah en riserh ankusu mu?" ⁸ Biturus piya ikori nahn mazir mavur, ivereh nan yaon, "A yini a rehveh nang aya tiwomoh-yaor, ⁹ Nna ukeru anka rivi majagha anjusu murif mumi na ariseh nan piyaor uru umi izaku warah, turiki urina na a warghane piiyaor uru nahm? ¹⁰ Ayini nasang enka yao na anang ara nang ayaor u Isara'ila; awo areh inung a rizayi rhi Yesoh Kristorh uh Nazarat, umi na inmah daonkaore yhi, umi na Kasirih kamah chone yhi nangh aya kiini-areh tukinin na piyaor uru umi iyeze ina izuwa uwar annyen mu yhin. ¹¹ Yesoh Kristoh ireh rigwang rimi na a yini asuwi inma vonini rihn, rihn rimah wana riti rhi lang. ¹² zah kuwaska inung u pirong, awar kuwo zah rirong rizayi ajaos kizo rimi na amah roh inung ana yaor rimi nah anka suska u zuwa uwaskahm. ¹³ Awar kuwo ama rehye unirghanu asuwu ka Biturus nang Yuhana, anreh anku yao'aoteke areh ayaor uzah ami a zayaon uyao, anreh anku riseh amina, ama gura dinne a gura yao'aoteke awo Biturus nang Yuhana amah rihm nan Yesoh. ¹⁴ Awar kuwo amah nyen a piyaor umi na a warghane yhi irhi nan yaon, anreh anku viza ikusu nan an rene. ¹⁵ Amanu cidda anagbweng nami inung a zohn kayaon anu tazzana inung uyaon. ¹⁶ Avereh, ini na ten rene na ayaor ara? Zah kasasa anang amina ama wana tu yaon. A yaor inung un Urshelima nasang ara yao, ti gura za yiri isuru uvonu iri awo muri ken. ¹⁷ Awar kuwo anang ara anka suka jari ni asi reksene inung ana yaor, sahni ti nyakana uyaon anka suka pi vereh nan pirong inugn arizayi rhi Yesoh." ¹⁸ Annu kande Biturus nang Yuhana amura yaon anka suka pivereh vah umisenu vah na tini inung a rizayi ri Yesoh. ¹⁹ Biturus nang Yuhana amah mane avereh yaon awo, "Vah mun kumah ripkwa annyen moh Sirih ti dorkoro ikusu nan envereh a pirka ki yhi? Temeneni. ²⁰ Tenka zaku suska uji avereh majagha ankusu na tima pokoro agura rehye." ²¹ Ama gura gbongoro uh Biturus nang Yuhana, anu viskine yaon, an jaor yaon. Awar kuwo ama rotoh zuwah arong kavaonk kuwo am gaosaoyaon mihm, awa kuwo ayaor nasang asi cangha a Sirih awar ku kusus kimi kima wana. ²² Piyaor umi imah zuwah uwarghanu umi piri a tiwa akiri-anas. ²³ Amah viskine yaon, Biturus nang Yuhana an ruva inung ana yaor a yaon anu rukse masara nasang mon kusu mumi na aya gbwakazi a mafiristoci nang aya curvu amah miya yaon. ²⁴ Ayaor ami ama pokoro ankusu mu nasang anu zaoppao rinyi nasang kuyaon makana nan Kasirih a vereh awo, "Zonzo, piyi pimah napsa izo nan kurikuya nang ku teku nang ankusu mumi murihm. ²⁵ piyi piya na tu rina uh mazir mavur teh naoh ka titah uwuri Dauda pirehreh upu, imah vereh, yemmi a rene aya ami areh Majir-Ma-Yahudawa ansi gaonguzuwo, ayaor an gura seri udinnenu ankusu mu wahm. ²⁶ Awomo urikuya ama mane ati a yaon, an zonki-zonk muyaon ama konkuzuwa awar ki kuwa nang Titugbwaki, nang Kristoh uyhi. ²⁷ Rvin rireh rivin, Hiridus nang Buntus Bilatus nang aya pana nang ayaor uh Isaraila, amah konkuzuwa urho ku awar kuwo an kukuzuwo nang pirehreh upu piya vur Yesoh. ²⁸ Amah konkuzuwa awar kuwo an riseh ankusu nang nachara nang udinnenu upu uman napsa awo monka wana. ²⁹ Neh kini, Titugbwaki, tirkiri ugbongzonu uyaon arho arehreh apu usuru u vervene a vur zah kasasa. ³⁰ Awar kuwo pi raska a chara kapu awar ku warghane, alamu nang al'ajibi mun wanza tu rina upi rereh upu piya vur Yesoh." ³¹ Amah ruru a riyaop, a tek na amah konkuzuwohm kama riruwo, ama koroh nang Mazir Mavur, avervene averen a vereh a Sirih zah kasasa. ³² Ugbwaku oh yaor ami amah rumeh nang rivin amah mane atii, zah pirong uyaon ima vere in kusus na iri awo kiyhi, awar tu ken an kusu mu yaon nasang mumah wana murao. ³³ Nang usuru unirgha nagbweng nami namah vervene avere majagha nang uchonu uh Yesoh Zonzo inung anaya kiini, mapes madung mamah rhi anatii a yaon. ³⁴ Zah pirong inung uyaon ima viza iramgwma, awar kuwo ayaor na kaf nang aya arara amah zizi a yendeze ikorgwo en kusu na amah zizize. ³⁵ Amah yendeze ikorgwo imi annyen mhu nagbweng. Amah wanza a yaor nasang ikorgwo imi avaonk kuzah kuyaon. ³⁶ Balawi Yusufu, piyaor umi irhi ijokjoro ki kuburus, piya na nagbweng namah rho yhi rizayi Barnabas (awo piya nirghara a suwu) ³⁷ imah rhi a kaf izizi a kaf kami a yende ikorwgwo imi nang nagbweng.