¹ Nangkatuk ku pentakos kaguru, an konkoroni nasang atek karaoh. ² nawau aworih izo riyowoh ne uvunuh usirih, ngirvuwoh urarah kumih nang azonzim namit. ³ Anreh arem ne urah na a wanza un waruwoh yoan, azonzonoh anatih ayaen. ⁴ An wanah nakwas nang mazir, asemurah verveneh atirong teverveneh, neken namazir masa yean uverveneh. ⁵ Arong aYahudawa ami ama zonzi nrushalima, ayuh kau osiri aworih mayenzi nasang unrikuyah. ⁶ nang aya pukoroh arigwaba dih, ayar nasng an konkuruwoah ajifiruwoh upokoroh yean ansi verveneh a tiverveneh tiyhean. ⁷ Angwattazanah asirambouzuwoh, ande kuwoh, kenn, ku zang ayallah aku virveneh tigalili? ⁸ yen na tepuk yean, amatekteyeaen an seri tiverveneh twori turewho? ⁹ Afisawa nang aMediyawa nang a elimawa nang ayami azonzin un mesapotamiya, un Yahudiya, nang aKafadokiya aya arih uFontous nang Asiya. ¹⁰ nang Firgia nang Bamfalia, nang Masar, nang anroroh muLibya inung nsur, nang ajhaon aworih ukom. ¹¹ aYahudawa nang aya nighe uthean, kiretawa nang alarabawa nakap, tipok yhean ansin verveneh anarem awuri a makana anangh agwakazih Asiri. ¹² Ayhean nasang an wan nabaout ajifuruwoh, awoh anatih ayean ”yenn ire matini mara?” ¹³ arong anrenehb pisawah awoh, “ankuseren rifinah diman mapass minabi” ¹⁴ Bitrus ieho nang ayar dikiri a-urah umi, a zakpkwho rigyi awo uyhaon, “AYahudawa nang azonzi Urushalima na mit, yaohoataonih arah a pokoroh avereneh nang, ¹⁵ awarr kayarrarah azang ankusi finanah ne ken nang inzikanih, arotureh kumakgpwei adhoar kapivigha peh tarr. ¹⁶ Arah areh ami na kutatun jowel evereh: ¹⁷ Kasir kawoh, ken nang monka wanah anatuk nawurih, manka wharahmazir manang anayhaor na sang. Avezenih nang anyayih muyin anka riseh maoyaozhaozeh, maozaorao mayin mann rgnezeh manangh, Areveh yinn an-motozonoh mamotozonoh. ¹⁸ Arereh nang arumih nang arereh ayanih, anatuk anih manka wharah maziriri manang anrahserih maoyheaezhaozeh. ¹⁹ Nriseh aritomah nabaout izoh Nang antambout ajahs urikuyha. Mannyho, urah nang uwuruh on joh ²⁰ An nyi mun kurvuwoh aguruh amarini upih nkurvuwoh amannyho amawanah atuk kakunih ka kasiri. ²¹ kunwanah piyah ekah kandeh arizayhi resiri nkakantanah. ²² inayuh isaraila pokorohni avererah, Yesoh unazarat, piyah nang kasiri kasa-hini yii awoh izavaranih ana nang akun, anang nabout nang nang antambout mumi na kasiri kariseh uyinn, ne kenn nang ayini nyhao ²³ pi yhaor ruruh kasir kama tarkarah ana chara amatazana nangkuh yaoh kukang, ayini, ntarkarah ana chara ayami a rok-atih awunah yii tuh ripsazayii ama amachicchirah adangkaraoh yii. ²⁴ Kasiri kan choneh yii, avirkaneh yii npevih ukhao, awarr kuzakurii uwoh kuni taptayii. ²⁵ Dauda ima vereh ‘ma-ku nyen Asiri tun yenn munang” Kari te chara kurahm kanang sa yekduwoh. ²⁶ Awar ken Katsuwoh kanang kan gharaohnagh, rirem din rereneh, Ripum rin zoni avikini. ²⁷ Pinkaza ku sakkwaneh uvoh kunang amatarranagh pinkaza ku sa piyah vurr evotsoroh. ²⁸ Pima warkam atirindinah turoh; Penrenem arighaoraoh tenyen mupuh. ²⁹ Ina koni arumi, manka vereh nang ayini ama jagha utitah Dauda nachat; yhi unayhi ima khao an kaveh yhi, kusek kughi kurih nang a wurih maja'ah ukeruh. ³⁰ Awarken, ima reh kutatun ayah woh Kasiri kama siri nang masiri uyhii, awoh kan tuwari pirong arirah kayi atiwomoh. ³¹ Yhi ireyhe aramerah averehni amagjagha nchonoh uKristi, ima rotoh nekuruwho amatarvanagh, ripum riyhii rin rotoh rehe uvosoronoh. ³² Yesoh ruh, Kasiri kan cheghe yhii izo, kumi tireh ayuh nerveh. ³³ Awarken nang acheghe yhii izo achara kuraom kosiri, Nang usennoh umarzirr nang putuh ken nang amatazzana, ima wharah arah nang, nyhaen a gura pok. ³⁴ Dauda yhii irotoh tuwah izo, ariken awoh; ''Kasiri kama vereh asiri kanang ''zomoh chara kuraom kanang, ³⁵ Nang reneh izingdih epuh matakarah manavin napuh. ³⁶ Awarken sa kurarah kisaraila rasung kun yhaohaoteh awoh Kasiri kama guddu yhii Kasiri nan Kristoh, Yesoh uruh umih nang nma dankkareh.'' ³⁷ Nang apukoroh rah, anka gwalluwoh anatsuwu, awoh uBirus nang kureze kunagbweng ''Ina koni a rumi, yenn naten reni?'' ³⁸ Ande Bitrus ivereh uyaon, ''kurvuruwoni an zuruni, ama randaoh mayhin, arizayhi ri Yesoh Kristoh awar ku guzuh ivang sa inserr iyin, naperuh kamazirr mavur. ³⁹ Awar matazzana mare mayhin nang ayah rangani yhaen, ugbvaku uyarr, ken nang pikarma Kasiri nan nonnayhin ka wuri kan kangh'a. ⁴⁰ Nang marong mavervene a gbwakani na emigha asisanenih, awoh, ''Whaskanih ateh yinn awori apizingdih Kusanahku. ⁴¹ Anreh an kurumeh nang vereh mih an zura yaon, an pir-uruwom atuk kami aravah mavoh enagha itarr. ⁴² An ra viri yaen nmisenuh unagbweng nang rigwaba, asi satarah amarinuruh nang a tanzu. ⁴³ Ukau ntoroh uyhaon nasang, amina adun nang antambant nang ama rene tu na nagbweng. ⁴⁴ Aya rumeh amarih nasang, an kusu mu yaon mu re mu yaon nasang. ⁴⁵ An zizi an kusu-kusu mu yaon na sang, awghanzanah anatih na sang, un vizasanu uyaon na sang a maoraondaoh. ⁴⁶ Ana tuk-tuk anra viriyhaen amatinih maraoh un haikali an satara a mafaowhari ana rarah, awghangzah marinuruh arigharaoh nang asuwoh vokh. ⁴⁷ Achagha siri azikunowoh na ayarr ana tuk-tuk pikarma pinsi piszeh yhaen ngbwaku, aya mawaskunuwoh.