¹ Adhaor kami nan Afolos imah rih nh Koranti. Bulus ima gisa ama yhinzi kunghu ama kana nh roh koyu Afisawa, a zuwa arong agwekseni ateghmi. ² Bulus i veneh nan yaon, "in ku ma sereh mazhir mavur ken nan in mah rumeh?" an kere yi awo. "Mu za ku riken, ti rotoh nanah a pokoro aritih ri mazhir mavur." ³ Bulus i vere awo in yen nan ama zuzzinim?" an wo, "ama zurah ma Yohanna." ⁴ Anre Bulu iku mane awoh Yohanna Imah zuzze ama zura mu jen yhunuwonu i mah miya a yaor awo an rume nan piya en ruva atini kayi, yih ire Yesoh." ⁵ Nan ku Pokor kini ayaor an rah zuzzana ari zayi ri yesoh. ⁶ Ken innan Bulus ewaveoh a Chara kayi nh yaon, mazhir mavur man ruva, nh yaon an ra vervene ati Yhi a sin vervene an kusu mu rangani. ⁷ Na sang kuyaon rikiri ana yaor avah. ⁸ Bulus imah jarayi nh raghaoh ku tutunu asin ka vervene ama ga onguzuwo in pii thar, a sin rise yaon nh dinna zanu nan ku rise yaon an yaogaohtakeh a gura rume nan kura ra kosirih. ⁹ Adhaor kami arong ayu Yahudawa an roghvo nasuwhu vonoh yaon uroh tichivu an semu ra nazeh urina u Yesoh an yheng moyaor ami awar ken Bulus I ko koneh ripum riyi nan ayu rumenu nan yi. Ara miseh yaon a majoborono ma Tiranus ana tuk atuk. ¹⁰ Ken nan imah ra jariyi aka jagha tiwa livah tuken ayaor nasang ami a zomi nh asia an pokorah makervene mapi karma, amaneh nan Ayahudawa nan ayu Heleneyawa. ¹¹ Kasinh kan seri anang agwakazi ana chara a Bulus, ¹² Tuken aya a zaku warsi an raka wargazana mazhir mayima man cizza atini ku sesem uma Fuh na mayafi awari ari pum ri Bulus. ¹³ Anre arong Ayahudawa Uesubu anni a jara tu petteh kumi. A zika ana tih ayaon an yelli utuna ari zayi ri Yesoh. awoh teh renini ikang innung ari zayi ri yesoh umi nan Bulus, isin wagha nh yi chinni. ¹⁴ Pireveneni oyu Yahudawa, umi nan rizayhi riyhi rireh sceva, nonoh nayi nonoh rivigha pezon na rise ke. ¹⁵ Mazhir mayiman man maneh yaon, "nh yaoh Yesoh, nan Bulus nh yaoh; nah a ymi a wani?" ¹⁶ Mazhir mayiman innung nh pi yaor umi man righi anayu matsubatan a Pirka u nirgamu u yaon a vapkwa yaon anre an ku chiru yah nh som nh kwat kurok an nan makaoh. ¹⁷ Arana an wana ki kusu ku yaoh ana yaor nasang na Ayahudawa nan ayu Helenawa ami azonzih nh Afisa an ka Pokoro ukan a gwakane, nan rizayi ripi Karma Yesoh rin ka wana udau kaka. ¹⁸ Nan ken, ayu rumenu a guwa kane a ruva ara jengyhuzuwoh nan ku miseh kon kusu nnu yimum muumi nan ama riseh. ¹⁹ Aya mayireh an yende avah ayan an poksoze an yheng mo yaor. Anre ku vazze ayaor ami an ami an rawa inagha akiji ishi azurfa. ²⁰ Anre mavervene ma pi karma mahu pandarurwo nh rina unirganu. ²¹ Kini atini ku ruru ku waghanu innunk nh Afisus, i nafsana amazhir i jar yih nh Makidoniya na achaia nh rina uyi uma kana nh Jarusalem; i woh, "atini kuri kunag ategmi, man guru naoghaop nh roma." ²² Bulus ituma ayu kana yi avah nh Makidoniya, Timothy nan Erastus, ami amah Kanayi. Are yi ari tih riyih irah zomi innung nh Asia awar ku Kodhaor na chini. ²³ Teh dhaor kami an zuwa u zah marantu innung nh Afisan aritih ru rinah umi. ²⁴ Pirong uyah Maseneh rizayi riyhi Damatryus umi e sene masene man yheng mu gunki ki Dayana ku azurfa, Umi ure anang urise ami aku yenji korgho agwakene. ²⁵ Anre iku manze nasang ayu tuna uma seneh awoh, "sirs, in yaoh awoh an zizirini mu te ku zuwa i korgho agwakone. ²⁶ Pe reghe a Pokoro kinih, azam nlnsu nh Afisa. Are nh Asia nasang, Bulus uru i chune u shakka a vandareh a yaor a gwakane nh rinah. I siln vervene awo zah Korong Kagiri nan an ka nafsa ana Chara. ²⁷ Azang uzzahlu onzizirini mu wuri murih nh hatsari, are amaneh nan kasirih Ai Dayana kimi kire kigwak ken wa na za u anfani kani nan Kurikiya ku seri ki usujada." ²⁸ Nan ku Pokoro kini, nasuwhu nayaon na wanta an rene majma a gwakane, awo piya gwaki ireh ki Diana keyu Afisawa." ²⁹ Kuroh kuni nasang ihu rude, ayaor an rene a raokaraoh a kana a tek Kana Kongkuzuwo mani. anan ka rava arami an ma mireh puru ijam ujamu u Bulus, Gayus na Aristarchus, umi piya e ruva awari nh Makidoniya. ³⁰ Bulus iroh usiruh i ninghe innung ama Kongsu suwo Mayhaor ami, anre a gevekeni ani an ku nu ku yi. ³¹ Nan ken, irong ijam i Bulus imi ene aya gwakazi nh pette ko yaor, uAsia an tuna yi nan avah nan katanzu ka nirgani a gwakane ikasu ninghe a jighi kam. ³² Arong ayaor anra chagha iramgwa, nan amazu kimazu, awar arong ama kongsuzuwoh mami a za ku rhotu yaoh aritih ri ma kongsuzuwoh mayhaon. ³³ Arong ama kongsuzuwo mami an miya iskandari, umi nan a Yahudawa asin nusaza yih nh zonoh, iskandari i zopkwo na Chara na yi izoh asa i vere nan ayaoarami. ³⁴ Anre an ku yao gaoteh awo ireh pi Yahudawa, an rene majinah nasang kuyaon aka jagha i korgi vah, piya gwaki ireh ki Dayana Keyu Afisa." ³⁵ Nan Pi Yhazi uroh Kunni e ruru puru aritih reh yaor ani anre iku wo a yin anmi ayu Afisa, piriku yaor izaku yaoh awoh ku Afisa kuroh kosirih Ki Diyana nan ku Londong kunni ko righi a wori izoh? ³⁶ Nh Yheng Kowoh annang arana azang ichotti muruwo in kizzini in kasu yelli irangwa araokaraoh. ³⁷ Awar in ma yende ayaor ara nh raghaoh kuma teh azang an ku reh atuwu nh raeghaoh ku tutunu va ayi vang nan Kasirih Kawuri. ³⁸ Awar ken innan Damatrayans nan Makeren ami ari nan yaon asin tuhumi yaon aritih ri ramghwa kuraoghaoh kuma teh ku wonti aya mateh an gura rim sani an jagha mateh matih ayaon. ³⁹ Un tami, in nang en ringhi irangmwa a maja'a a marong makusu, an ka nafsana kin a zon kami aku riseh a daor na sang. ⁴⁰ Awar ken ana nang ara tini innung a pijan nan u hargitsi uru ukeru za u dalili u riwozo ri awar ti zairi arong avereh aritih riyih." ⁴¹ Adhaor nan e vereh kini, achoneh yaon.