¹ Ɗaŋngǝnin mǝn wopm, karan mi Cogn mǝn tu vik Daadǝn tǝ tu luughǝnii kyaaɗ ɗaŋ gyo ɗaŋ kǝ yir. ² Karan Cogn mǝ nywaalii a taas kǝ mǝn kuskǝ raa nǝ durghǝ yo tu nǝ ko nuu ghǝn citǝ caaghǝn raa hŋ. ³ Beɗ tǝ gii Daadǝn nǝ zaar ghǝ zaari gyo ɗaŋ yaan ngǝn wo dluur ki ndǝǝr yaal ɗaaki a Shetan. ⁴ Mi tǝ raa feɗi gha Daadǝn nǝ dulgama waan, tu beɗ waan ka fi ka ndǝr kǝ ci ken tǝ fighǝni ngǝrshi gyagi ɗaŋ mǝ fuu ki aa fi. ⁵ Daadǝn tǝ rii tǝ raa waan, tǝ suughǝn Cogn tǝ dumngǝn vwaa ghǝ kaɓkǝ kǝ Ɓorghǝnii. ⁶ Ɗaŋngǝnin mya fuu ki mǝn wopm, a giɓkǝ sǝm ngǝ Daadǝn wopm Yesu Ɓorghǝni kǝ Coghǝi tu aa kiir ŋaa ghǝ naa gyo ɗaŋ cigha tsǝtnngǝni ɓenndǝmi, kyaa rii gha tǝpm yo ɗaŋ maa ta giɗki ghai hŋ. ⁷ Kyaani tǝ gamawaan kaa yisǝŋǝi tu a ndara aa kuuɓ ngǝtn won ɓasmi. Maa tsǝtn ɓaski ɗaŋ mǝn yo ɗaŋ ci toɗag hŋ. ⁸ Maa ci ngetn ngǝ cighǝn gon naa ɓenndǝmi hŋ. Nǝghǝ gii, myaa fi laa dzaŋ tǝ kaviɗ a giɓ buŋngǝni tu mǝ laaɓ gon gyaŋ hŋ. Mǝǝ fi gin tu miini tǝ vartǝ fighǝni hŋ. ⁹ A bamvi gii mǝ fini tu gya gon tǝ yeli tǝ kuuɓ ngǝtn yo ɗaŋ mya myaa fi. ¹⁰ Ɗaŋ mǝ ta yi cimki mǝ ta wul ki tu, "Ǝŋ yaan gon waan ca suu tǝ fi laa hŋ, tǝ ci ngǝtn hŋ. ¹¹ "Myaa wum tu gya gon waan caa nyaŋngas fighǝn laa. Caa nyaŋngas fighǝn laa bamvi gii she lǝǝghǝn lǝɓ. ¹² Ɗaŋngǝnin gyagin mya fuuki mǝ ndǝr mǝ caa ki ghai a giɓkǝ sǝm Daadǝn Yesu Ɓorghǝn kǝ Cogn tǝ fi laa tǝ mbolghǝn hŋ, bamvii gii, tǝ polghǝn ngǝn tǝ ci ngǝtn ngǝ cighǝn lǝɓ vaaghǝn waasǝŋ. ¹⁶ Gaan Daadǝn kǝ raa ghǝ wusni tǝ gamashi tǝ taa ki raa ghǝ wusni ko a kili gyo. Cogn tǝ yaal ɗa nǝ kyaani ɓuruk. ¹⁷ Gin nǝ wurughǝnetn, Bulus, tǝ taasatn gyo ɗaŋ a zhiɗ tu nǝ caaghen taas a ɓuruk a dlyaaɗkǝn. Tǝs ngǝn mǝ dlyaaɗ. ¹⁸ Cogn tǝ caa gyaal ghǝ Daadǝn wopm Yesu tǝ naa ɓaski ɓuruk.