¹ Ka neccani lakkidiu, kaafi shi ninya kalko ɗagham pedei ndi foccho shapi. Ndang yu paaro ti antummireuni. Maluun ando kamelfo anfuya, shi ɗiko yanchin. ² Birang akham we shikakko kwim shari kpaklo apu kwim,m akam we shi tukkani shari arwashikim. ³ Elengkwi moi a khamwe shimmara bani ka tuket shari kumani tuku piram. ⁴ An jeirenoi ma kuma, makar sho ninya shira btuku loshik kpa danim. ⁵ Kuma naƙamma ninya shimmara kuma shoi. Ma kuma sho ninya shira gbukhani ntedma ta wuji shari muranim. ⁶ Apiiji ka dio twat kobo peleuma? Kan kitchimoi shikhano Yamba ari shekhani ka dok ti shail ki hsum. ⁷ Shokkoima doi Yamba maruko. Ma kar kuma shom, ma koko ɗoi tali ti funno Yamba. ⁸ Nira kamma ma ninya shi kaƙƙo sha ne laauno Yamba ta do ninya ɓirang ta kumbidi ƙa shaƙƙa ta rom ampali maleko no Yamba. ⁹ Birang ninya shi kudke ta rom ninya ɗagham nema nira kud shakkai ta rommo malekano Yamba. ¹⁰ Ninya shi yiƙo paaro shiun daglani tuvwi laau ninya, Yamba ta ivu ileiko moɗɗan weni, peneng mamu shwaluƙo shirim shin ɓunɓun ar ivu kelk nim. ¹¹ Ma wanne man yarom ankuppini, kan an kon kan mungbuɗɗina, ma kar kuma sho we shimma ta kabanim. ¹² Kelengkwi shirim shim gbungbun ta cuppu ma ka we shima ta kafani. ¹³ Mudok ta shekki kalan ninyei cha, "An chuper, yu paaro ti mollo mu ɓwaro ya piinna ƙan ne. ¹⁴ "Yeesu sha ɓo, ɗimma shokeno non shanna diye an ƙon ma ƙan an rwa shekkimai?. ¹⁵ Birang sha, "Ma banoi ban, ma kar ɗiya an ɗalak we doin, kelangkwi a we shininya kan te shi koko dijiƙo shin kan we da kamm. ¹⁶ " Yeesu foɗɗon chindi sha, kuri mandi ninyei monko we ciina peɗei, ¹⁷ Yu yimo sha, "Aƙam bundu chin ra lun we ciinamo ta yeyim nira yuwani yake?. ¹⁸ Sha, ni penu ko we cinna ra ywani. Da ɓukkuro ɓundu shin shaɗɗina shimna ra lun we cinano kan piɗɗiwei. ¹⁹ Nin kapi ti kwino , na, "Ke kan weshinka liƙo keleng kwiƙo, necco shiƙƙo, cu, cho, yu sheran chik. ²⁰ Peneng Yamba kawon ti ninya moi sha, 'bo ya luun, ka ra murani ka yippa mo, kpadaƙo mota dina we nin?. ²¹ Ta diyeni kiccimmpo ka ninya anjicco shi kalƙo jicconi ti kwini. ²² Yeesu kabi ti antummireuni, sha, ma kar yu ÿimo tukwi we shimma ta shu wanim kan we shimma ta shobani ti shikma. ²³ Kelankwi ɗoƙoƙo ciina, loshik nkopo wu sholom. ²⁴ Ma ɓano nngyak ayi shi peshenm,ma kacchichi wem. Akam ɓundun kan mina fudu kal wem, Yamba ndi munun we ciinara cuani. Ma, ma koko dioti Yamba. ²⁵ An non ti sheƙƙi ma shire kpakio pishu ku kwi shonni tiku pepemmoi? ²⁶ Mama kpaklo wee chin lakkidiu shimma ta yuwa ti kwimam, penen kelan kwi ni chimna ta shuukhe shikma ka piɗɗi wei? ²⁷ Ma ɓano pilit - pilit ta shosho shigbudishin. A yi shi shuranum, a phak shi wem. Nira kamma, Sulemanu shi maima, a chucci we sholom shi koko shimna shu ka walam. ²⁸ In Yamba mari shupu we sholom shin wala ti shik shosho waani, ɓaashi kam, ɗoshi pattina ta wuji. Dima peneng yake shari yima shemem. Ma monan shunkullima lakkidiu. ²⁹ Mu shikma kar shukmen mahsa a ƙam we shima ra chanim kan we wi shoani, ɓirang mu shikma karu yu rekm. ³⁰ Elenkwi ninya kupirammo doi minishi wemmo doi,ɓirang tattama pennuƙo ma minishi wemmo ɗoi, ³¹ Ma kero fudi piɗɗishi ti ghak, piɗɗi wemmo doi ta nashi man kwi shemmai. ³² Shiɓɓạạno, ma ƙar yu shom, Tattano ta momma piɗɗdishi ti sheleni fok ta momma piddishi ti sheleni fok rocco ɗok. ³⁴ Ma pilu ka we shimma kan te man muni ti an kindi. Ma rimbusho luttu ma shari ɗakklanim. Ma luu kpaɗama ti ghak fudi dhi ar kpaɗɗanim, an jiri ar ɗaklanim. ³³ Elangkwi fudi shi kan kpaɗaƙo fok roccoƙo ti pischire. ³⁵ Ma pero jori shollomma, man kero ya konƙoma. Man indon aaran wuji ma kiccimmoi. ³⁶ Ma ɗiye kishi ninya shira shoro fok amminashu shi waro ya ɓiren wula, sha ma fona shinun abung fok ghaadei. ³⁷ Shik shobok mota sherani shi ma foona ti fudi ɗangni, kulli ni ra kamma ta kapani shammo ɗeshu ɗdishi munun we ciina ka shikni, ³⁸ Amminaju ma fonna ka yippa yin ɗang ka shekki yippo ta ti wani ti pidi ɗangni, ma an wa kokono Yamba. ³⁹ Ma peno mo, an mina mora penuƙo fori shi anjiri ta wattu minani, ta kumbudi shammo rini yamminani. ⁴⁰ Ma diye kan shokkan shik kelangkwi ma foori shi laan ninya ta mirunum . ⁴¹ "Bitrus sha, tatta, Ke foɗɗuƙo shindi mo ti minua yin tangti ninya doi? ⁴² "Tatta sha, ɗima mun gbude non shi yi shi shurani wala ɓirang an penan hi amminani ta munun shovok ni ta shirei, shammo ndi munun we ciina shu tuku shirem?. ⁴³ Shik shovok mo ta sherani shi amminani watu we diyu we shi kakko shammon yu andi yu. ⁴⁴ Kulli, nira kamma, ta munun ɓano kwi kpaɗani doi ti shovok mo. ⁴⁵ Peneng shouok mo ma yiko yimo ta ɓongni sha amminani akham ta miru shwatrum, ndang tuku piɗɗi an jere shuranni, kpattin kan shereb doi, abon cii shee nkemeni. ⁴⁶ Amminani ta pinƙur rutugu shira shi a yu yimo ta pinƙur rum, nyayu pi nin ammini wa kawi shele annoɗɗan. ⁴⁷ Shovok mo, penuƙo fok rocco amminani, ɓirang aiyu shuran shi ƙakko mu yum. Ta ɓirani pedwei. ⁴⁸ Ma ninya sha penon we ti kwim,l nyu we sha walam, ar gduani pede ka mir miron. Ninya shi monƙon we davam, ta meno we ɗaƙam ti fudni ɓirang. Ninya shi monkon we davam shammo gbitto, ta meno we shi ƙoƙƙo minshire ti fudi. ⁴⁹ Ni wanna ya lalo kwi pepemo, minini shi wuji ta ikko. ⁵⁰ Nikan batisma shira yi ke non ƙa rai, ta kpaɗɗu ko yu'a ni, nin ƙude non. ⁵¹ Ma ɓanu ko ni wanna ku pepemmo nammang yu ɗishi shi wala ɗe? Ni kakke ma a kishimom, ni wanna ka ɓuɓɓuro fok. ⁵² Illani ta sho she, ninya fwaat tam mina dok, ta ɓwanɗɗu ro ya shapi. Mun gbonon ta kudu mun peleuwim, peleuwi ɓirang te kudumun gbonon yim. ⁵³ Ta ɓuaro yeju, tatta ta kudu laauni, laau kuɗu laano laauo kuɗu anyaro, an gbalmi pamun ta kudu gbalmiro. Muni pan kisshimmo. An gbalmi pạạmun kan manna lauuro ar yu ɗishi walam. ⁵⁴ Yeesu ƙabunti an kalitau wi sha kan wan pilpil illina ti fukaya ma sha ta yu am, dang yun shunkuli. ⁵⁵ Fuyo ma illina ta raɗi, masha ta yu shuɓạ, dang yun kulli. ⁵⁶ Ma an yan shin, ma pennu ƙo kafu we shiri kuli kan ghak, peneng ma peno kabu we shiti fudi yuwani chochoshen mom?. ⁵⁷ Elangkwi shimma ar peeno we shira chau mem? ⁵⁸ Rimbo sheƙƙi ka ƙan an konko, kar kumbudim man waro shele ankonim. Kelangkwi mu kari liko tammina muɗum. ⁵⁹ Ni ƙaƙeƙo, kari fittum kema kpaɗɗu anko kurbe ya kwiko dwei?