¹ Mu manankoti iyei kodi yomu deino hawonni na yabtinniko, mu anandi sali ki gema ndeyi. Bano sosalik saliksarakngobu, ban ndeyi a janna. ² A tong rota woi mu ngurgur mu ndalako na a hamuki suɓanmu yo janna. ³ Mu roshammu aka namu zohankobu, kada lomtu muni zugomu sarei. ⁴ Domu tong yota, mu yanko ngungur, aka zamutik nɗaɗo. Mu ndalanko yaklu suturabu. Mu ndalanko mu de yiki sutra. Zugomu, 'ya yo zina a hatik iyayo disa. ⁵ Iyayo zamuni aka bille woi sine Ndeyi, sine omu kelui bu'uno bo erta eni iyayo isno. ⁶ Tomiyake ɗeyaki yeɗok tili. Namu montiti namu tong zugamu woiye'e, mu tikeno ki bomu abano. ⁷ Mu deinok ona jire, bayaso moinok idobu. ⁸ Mu anandi geɗok tili geɗatkomu tikek zugomu mu ɗeyi ki bomu Abano. ⁹ Iyeimu zohanko ban tilimu, komu anan zau komu matammuko mu sunteni tilini. ¹⁰ Aka chapmu mu ɗeya dom njakɗak sharyaki Kiisti. Loke biska kalkal 'yei si rutanta. Yo zina kiyo disa. ¹¹ Kibo mu nzubaki bomu abane, mu azeshe hankalki biya. Iyayo mu hawonnime ndeyi moishe sarai. Ne tamanta koke ko manoti. ¹² Mu zugonto sauwa nzena bankalkobu aka ka'a mu onshenku billa nako 'ye yanka ki muni, bo ka'a ngu gitik mata eni ki ana ina boh aka sutra warl tili. ¹³ Na ngu tong hankalmubu kibo ndeyi ,name mu tong hankalmu kibo nguni. ¹⁴ Kibo ndaltu Kiristine a zopshe muni, kibomu hoɗankok tantama ka woiye'e. Ngo moɗi matko bo chapki biya, mato dey ito sosu. ¹⁵ Kiristi matko bo loke aka kada biya a hente ina iyei bo tilinsu sai dei a iye ɗeino shida yo ngoyo matko a haptesi bo nzuni. ¹⁶ Aka ka'a kika kauso mu ɗaha bo tilimu, mu ini namyak disa mu bat sharya ka ngobu, kityomu iyankok Kiristi. Kauso mu sauwidi ina shida woi ki lokebu. ¹⁷ Bo ka'a loke na ɗeyini yo kiristi, manni hoyok ngo. Iyei onzi gyeɗanniko, moji mansu hoyo. ¹⁸ Chapki iyai maye'e ki gem Ndeyi. Sosanta muni ki si kilehe Kiristi ke omutik ina ruta so santu. ¹⁹ Aka ka'a ki lehe Kiristi, Ndeyi a sosanta dunya ki si, a ngabshe leihisubu, de'imutik zohu yo sosantu. ²⁰ Aka ka'a boiɗamu ana ina ruta boyo Kiristi , kityo Ndeyi a nzeshe hankal biya ki lehemu mu ɗonsha nguni a tong barkak Kiristi. Sosanta dalatku ki Ndeyi!" ²¹ Zobko Kiristi ɗeyi 'yak sadka bo zuunuhummu. Siyo kokamoɗi iko zuhumbu. Iko ka'a bonamu ɗeyi jire yo Ndeyi ki leheni.