¹ Bulus, majiri Kiristi Yeso a tong ndaltu Ndeyi, ki Timoti yaganamu, Biya Ndeyi ma korint , chafki ana jire ma lardik Achaia. ² Ndeyi iku bana ki ɗeinok lahiya ki gem ndeyi Bomu Abano Yeso masihu. ³ Ndeyi Boti Bomu abano Yeso masihu a ɗeyi yak kunani. Sine Boti a kola jigyayi ki Ndeyi k samɗante tili. ⁴ Ndeyi samɗantamu tilimu aka damtommu sosi yake, aka munike namu samɗante tili ma' ato kalkal kityo Ndeyi samɗante mudi yomu. ⁵ Kityo bonek yeso iko tim bo nguni, ka'a ke kola zeiku ki gem masihu . ⁶ Me namu sanko yam aka nangu kol zei ki wangu . Meke namu kolanko zei nguni ke ka,a kolazeiku a marshe ki habrik sena bonemmu. ⁷ Erta enimu ki nguni an tamtamabu. mu manankoti kit yo ngu seshe bone, kala zeike ka'a. ⁸ Mu ndalanko ngu ɗeyi yagyena ana yaklu mantibu, aka rikci so halak muni a Asiya. 'yamu shana yam kit mu gita erno bontobu. ⁹ Harmu hoɗankok tili, ɓata mutik sharyak mato. Aka kada mu on jire ki kammubu sei ki Ndeyi bok hapta gubu ¹⁰ Hoɗimu kibo yamso mato jo a sauwidi hoɗamuni. Mu zohankok tilimu gemani aka a sauwidi hoɗamuni . ¹¹ Si ina ka'a na ngu eranko kammu ki ɗonshu. Algi ina kunani a bo muni aka onom Ndalti ki bille ɗonshu algi. ¹² Mu yanka ki woyye'e. Saida somu onshe jire ke bu;uno ndino ki gem Ndeyi kemu ɗapshe a dunya. Mu 'yanko woi chapki nguni a tong manta kaɗi so dunyabu. ¹³ An 'yayo mu tureku yo ngu gita karanta ko ngu mante hawonnibu. Mu zohanko tili ngu namti katku shafni. ¹⁴ Kit yo ngu namanko shim a kauso. A hoti Bomu abano Yeso, mu ɗeya 'yak yankatku kit yo ngu ɗeya yomu. ¹⁵ Aka ne an tamtamaka woi bu, ne ndalo ne ndutu gemanku tono bona nguwe sauwi ka bolo. ¹⁶ Ne an niyaki rice ki gemanku nan gonno masedoniya. Ke ne nda ɗaptu gemanku nane isno ki masedoniya, bona ngu zene'e aka billeno yo judiya. ¹⁷ Ɗone zuk dibna wonse'e, ne tantamado? Dibnanno shida so ngo ɗo? ¹⁸ Kit yo ndeyi jire, subamu anita ka'a ki ka'abu a bozehebu. ¹⁹ Aka lah ndeyi Yeso masihu, yo silvanus, Timoti ki ne'e yomu 'yanku enini a hototku si bok anshe ka'a, jo ta ka'abu. A Tomiyake si ka'a ' "ka'a." ²⁰ Aka shafki erta eni ki Ndeyi a gemani "ka'a." keki billeni mu lapshe ta "A ɗeika'a". bo nama ka Ndeyi. ²¹ A kauso Ndeyi ne tubko muni ki ngmi a tong Kiristi, ke zohimu tong rutani. ²² Zemutik labu zogomu ki kelui bu'uno a tong tilimu nami mante ei yo gonni onshemuk naso. ²³ Kika ka'a, ne wunda Ndeyi deyi sheidanno ne ndino Korintiya bui kika ne sikteku dadok gilla katku. ²⁴ Woi a tamshe ta mu ndalangkom deyi manakshingku ka ona jiretku bu. Kaba dei, mu rutak nguniy kika kuyungku, ka ernotku tong ona jiretku.