¹ Nang nkyang nai nswak'i, nsin di mman ntam Gwazi unnai nang ba yong ba abak annai swanti ni, nang ba biyo afiyeb swanti bi dandan ntiyong wun'u yok hyab swanti'u dak, ko tutan agyui ko da ityin ukwan. ² Nsin di ngwon ntam Gwazi ugyang nang khi wuruk nyied ba apio swanti khi, nang a biyo biyed Gwazi swon'ui. Asi chio kwun'u ba ga gbandang anghwad ba mman ntan Gwazi unnai nang a zan bin zan bai abiyan swanti'u nbyang agyui'u. ³ "Iyok nyi swantiu biyan dak ko agyui'iu ko ityin ukwan'u, sinang zi chio atimi ba ukprang anyet ntam Gwazi ni." ⁴ Nsin fok fyi anyet nang a chi bi atimi'i anyet 144,000 nang a ti bi nyied ba kuda nwap ba anyet Israilawa bi: ⁵ Anyet 12,000 nyet ba nwap Yahuza, anyet 12,000 nyet ba nwap Reuben, Anyet 12,000 nyet ba nwap Gad. ⁶ Anyet 12,000 nyet ba nwap Asher, anyet 12,000 nyet ba nwap Naphtali, anyet 12,000 nyet ba nwap Manasseh. ⁷ Anyet 12,000 nyet ba nwap Simeon, anyet 12,000 nyet ba nwap Levi, anyet 12,000 nyet ba nwap Issachar, ⁸ anyet 12,000 nyet ba nwap Zebulun, anyet 12,000 nyet ba nwap Yusufu, nbyang anyet 12,000 nyet ba nwap Benjamin i bya a prak bi atimi'u. ⁹ Nang nkyang nai nswak'i, nsin chiyang, nsin di ga utsurong anyet nang ayet lin mai afyi dak - nyied ba kuda gbandang ukrang, nwap, anyetbishi, alyem nang ba yong duswan grak zi, nbyang dugyi ngwon tseb khi. Ba si kub asai atro nbyang biyong kassai tchwan ba bwak bani ¹⁰ biba yai ba gbandang anghwad: "Tyaknet shi mbwak Gwazi zit'u nang a swan tutan grak nbyang ngwon tsep khi!" ¹¹ Salai mman ntam Gwazi ni ba yong krak grak zi nbyang atad agyi bi, nbyang ga nkyang swon bi annai, ba si swat nyeb ugyi ni abin duswan grak zi, ba si dyab Gwazi. ¹² A ba nyi, "Yok hun swan anya! dyeb, gbandang, agyi akyim, gwai si-shi, tsta, nbyang tsat luwam yok hu swan Gwazi zit'u do tunat zan nwai tyak! hun swan anya!" ¹³ A za'a, anyung ba atad agyi bi si nyib nu, "Anyet nyan ba bai, kub asai atro, nbyang azi'a bin wuruk bai?" ¹⁴ Nma nyi bangu, "Alyak, u liyen," aba nyi banu, "Anyet bai ba wuruk ba gbandang kha'an'u. Ba kwi atro bibi, asi bi asi sai ba ashwok ngwon tsyep khi. ¹⁵ Ngyi'a hundi, ihwa ban nshio baio'u dugyi grak zi nbyang ba dyeb tammam nbyang tutuk ba tu nai'u. Atyi nang a swan ba grak zi'i li tiyak siswak'u nkub bi. ¹⁶ Babuli fok tsong dak ko fok mashi kuma, mam'u li shui bi dak ko kyang nang hu li chio a frum. ¹⁷ Ngwon tsyep khi nang khi shio buchio grakl zi'i li yet atyi chok bi nbyang ali chok bi nado ba saghuat nang swon, nbyang Gwazi li liyang kuda agyi ba agyi bibi."