¹ Ban jan adai, nang Hiridud dadai agwam'u nfok kyang nang aliyat tutan Yesu'i. ² Asi hyio ba aghwo gu bi, "Yohna anyio babtisman wa tabok bi liyak'u. Nchet anei li nyio ntam ni bangu." ³ Hiridud khi tabat Yohna, asi lab gu, asi fang gu ba anian Hirudiya, abyuk lanyuk gu Filibud. ⁴ Yohna khi tak gu, "I hushi nchyi akyak abyuk lanyuk gu'u. ⁵ Ama asi fok uwun anyet ni, krok anyet bi kyak gu yet atyi shai tam Gwazi. ⁶ Ama nang mam nbyin Hiridud'u nbai'i, ngwan anap ki Hiudiya si swong bu uzwu ki husi tyi Hiridud asai alio. ⁷ Nang hundi anya'i, asi kyak nshyi e guli zan ngwan anap ki kodi kyang nang ki liyip gu'i. ⁸ Ayang'u si tyo gu iyok ki hyio e yok azan ki apio Yohna anyio baptisman'u bu uzwu ki nini ba byan zan. ⁹ Agwam'u si fok nyanyang kyang nang gu liyip'i dak, ama krok nshyi nang gu kan kyak'i, nbyang anyet nang gu shio dandung bangu bi gyi nkyanyak dushun ni'i, asi eyok hu nswan anya. ¹⁰ asi tam asi tin apio Yohna ki bi hwo'u. ¹¹ Asi bai ba apio Yohna ki bu uzwuk ki, asi nwak gunyem ki khi si kyak nad do ba ayang'u. ¹² Ayet ghui gu bi si bai basi kyak kom gu'u basi niyad, Nang ban tyak'i, basi nad tu tuk Yesu. ¹³ Nang Yesu nfok anya'i, asi nwo kukwan byai sahwad tunad bu uvwo ngu anyin gu. Nang apwi anyet'u nfok'i, basi nhwi ba tak nyiet bumi ukarang ni. ¹⁴ Yesu si bai banbi asi li ga akpwi anyet'u. Asi twai bi kunak, asi churok bi. ¹⁵ Nang dushuyung di nshim bai'i, anyet ghui gu bi si bai bangu basi hyio, "Aji'u yet uyit ka, utuk ki kwi kwak. Tyo apwi anyet'u talyien, ba nad bumi achuwang ukrang'u ba san nkyangyak nang bali gyi'i" ¹⁶ Ama yesu si hyio banbi, "Huli ntai ba nkad dak. Izan bi kyang gyi'u." ¹⁷ Basi hyio bangu, "Kyang nang hunshi banzit'i hwa yet bredi ufwan bu fwan fiyang." ¹⁸ Yesu si hyio, "Ibai nu do." ¹⁹ Yesu si tyi apwi anyet'u si swan abin ba akwab bi. Asi kyak bredi ufwan ki nbyang fwan fiyang'u. Asi chiyang tazi ki, asi nkrok nmiyang ni, asi puram bredi ki asi nwak anyet ghui gu bi, basi nwad apwi anyet'u. ²⁰ Salai bi basi swi. Basi kwok akum nang ba nbwad'i tyo tantyang utsirang swak ba afiyang. ²¹ Anyet ba gyi'i net kusa kop tswan, zan ba anyuk bi nbyang nman ni. ²² Aza asi tyi anyet ghui gubi iyok na nad batu nwo kukwan byai sakhwad'u ba gyi'uswan tunad manyi ko, asi tyo akpwi anyet'u talien. ²³ Nang gu ntyo apwi anyet'u talien'i, asi nkad nad tutan ki ba apio gu go amok. Nang dushuyung di si nyio'i, nang gu shi aza anyin gu. ²⁴ Ama nang kukwan byai sakhwad'u kan nad gbang, iyuan sahwad'u si kwi kwak kukwan byai sahwad'u, wun'u mun hyap. ²⁵ Nang jan di yet tswam nyai tutuk ki Yesu si bai banbi, aba chong tutan sahwad ki. ²⁶ Nang anyet ghui gu bi ndi nang gu chong tutan ugyui ki'i, basi chi uwun basi hyio, "Katuk ntsui'a." ²⁷ Ama Yesu si liyat banbi nyiet gbang asi hyio, "Ilab alio! Iyok fok uwun dak." ²⁸ Bitud si shim gu do asi hyio, "Atyo, kanang nwan'a, tyi nu nbai banwantatan sahwad ki." ²⁹ Yesu si hyio, Bai." Bitud si wuruk bumi kukwan byai sahwad'u, asi kwi chong tutan sahwad ki net bi Yesu. ³⁰ Ama nang Bitud shindi uwun'i, uwun si tabat gu. Asi kwi nshuwad bumi sahwad ki, asi tyi kun asi hyio, "Atyo, san nu!" ³¹ Aza Yesu si nep bwak'u, asin tabat Bitud, asi hyio, "Nwan chuchuk ahu si dak, hahwa nbio nang uten?" ³² Nang Yesu nbyang Bitud nbwok nad bumi kukwan byai sakhwad'i, wun'u si fwung hyab'u. ³³ Anyet ghui gu bi bumi kukwan byai sakhwad'u si dyap Yesu basi hyio, "Chuchuk'a uyet ngwan Gwazi ka." ³⁴ Nang basin nbyok'i, basi chiyok Banisarata. ³⁵ Nang anyet ba shio aza'i nfuk Yesu'i, basi tam bi tam tunad do koaze'a bu ukrang ki, basi bai bangu anyet nzwan salai. ³⁶ Basi nai gu koda hu wuli yet bali nsak bwak'u bu unu atro gu ki ka, Anya anyet nang basi nsak bwak'i si chirok.