¹ Asi yirong swak ba afiyang'u dandung, asi nwak bi chet nbiyang tyok tutan kakab akatuk ntsui bi bu tsurok zwan. ² Asi tam bi iyok ba nad ba shai aliyat Gwazi ni bu churok anyet nzwan bi. ³ Asi hyio banbi, "Iyok kyak kyang bu chiyet nyin'u dak, iyok kyak shan, apwat, bredi, ko kurum, ko ikyak atro afiyang. ⁴ Duk uli i n'nwo'i, i nswan aza sanang i wan uvwu khi. ⁵ Anyet nang ba lak san nyin'i, khu i wad ukrang khi, i'i pwet ubung atak nyin khi dong sheda tutan bi." ⁶ Basi kam basi nwai bu achuwang ukrang u, shai aliyat ntan ni bu churok anyet nzwan bi ko aze. ⁷ Nang Hiridus, agwam Galili, nfok nkyang ikwai'i, hu si nad gu bumi adam, dong agyang hyio e Yohna anio babtisman uwa tabok ba aghu khi, ⁸ agyang e Iliya a tad wuruk, akum khi ba nyio e Atyi shai ntam gbanbang a bu tabok bu swan di. ⁹ Hiridud si hyio, "Ntin apio Yohna, ama anyan'a nfwong nkyang ne tutan gu?" Hiridus si chat vak gu lin ndi Yesu. ¹⁰ Nang sibi atsak kan tam'i nbwok i, basi fang gu nkyang bi nyio i salai. Asi hwak bi dandung bangu, asi nad ba apio gu bu ukrang ugyang angyai Batseida. ¹¹ Ama nang apwi'u nfok i, basi nhwi gu, asi san bi, asi tak bi gak tyok gwazi'u, asi churok anyet bu chat churok u'i. ¹² Nang mam u nnad tyak i, swak ba afiyang u si bai biba nio bangu, "Tin apwi anyet u, banat bu ukrang panpwen ni bi sini ishi bang i, banat ba chat kyang-yak bu uvwu mio, dong uvwo zi nshi'i anyet nswan dak." ¹³ Ama asi hyio banbi, "Nyin i zanbi kyang-yak." Basi hyio, "Zi bio kyang hu swak nchong brodi tsuwang bu fwan fiyang dak, Kama zima li nat zi san ga apwi nyet'i kyang-yak to." ¹⁴ Atyok chi-kob tsuwan shi aza. Aba nio ba anyet ghui gu bi, "Tyi bi ba swan ba apwi nswak nfwan nswak nfwan." ¹⁵ Basi nio anya, anyet bi si swan abyin salai. ¹⁶ Asi kyak nchong bredi tswan bu fwan fiyang u, chiyang tutan khi, asi nkrok nmiyang ni, asi pram ntyi nchong, asi nwat anyet ghui gu bi ba kau apwi anyet u. ¹⁷ Basi gyi salai bi basi swi, asi tung kyang hu si nbwat'i husi nat utsirang swak ba afiyang. ¹⁸ Ba anya, ashi bu Nai, nang anyet ghui gu bi shio dandung bangu, asi liyip bi liyip e, "Anyan'a anyet bi nyi ngyet?" ¹⁹ Bu shim'u, basi hyio, "Yohna anio Baptisiman, ama agyang si hyio Ilisha, agyang si hyio ayin'a bu anyet shai ntam Gwazi gbangbang bi bu tat tabok." ²⁰ Asi hyio banbi, "Nyin anyang'a ihyio ngyet?" Bu shim'u, Bitud si hyio, "Krisi a gnyet bu Gwazi'i." ²¹ Yesu nwak bi wonin, nyi banbi da bi yok tak ayin kyang u dak, ²² hu yet ti a, ngwan atyibishi khi li swo n'gbang, tsatsat bi bu agwam kwi anyet bu anyet tyet nchyi ba lak khi, a hyat khi, ba mam tat'u khi tabok bu swan di. ²³ Asi hyio banbi salai, "Kanang ayin chat anghui nu, huyet ti'a alak apio gu, akyak atyem nkwan gu kozang mam, go anghui nu. ²⁴ Duk atyi achat asan swan gudi ali nwai, ama duk atyi anwai swan gudi da anyan nu, al san di. ²⁵ Ya liyet kyang nshio'u, kanang ayin shio swati'u salai, ama asi nwai apio gu? ²⁶ Atyi afok nswum nu nbiyang Aliyat nuni, anya Ngwan Atyibishi khi tibi nfok nswum ni kanang gu bai bu gbandang guhu, nbiyang si Atyo'u busi zazrak nman ntam Gwazi ni. ²⁷ Ama nhyio ba nyin chuchuk, "Agyang ba nyin nang iyong azi'i li niyat aghu khi dak sanang ba li tyok Gwazi'u." ²⁸ Tubai ba mam unebwak khi nang Yesu ndyat aliyat ne'i, asi kyak Bitud nbiyang Yohna bu Yakub dandung bangu, basi nat afan di Nai. ²⁹ Nang gu nshi bi Nai u'i, gag ugyi guhu si shai, atro gubi si bwak tyi kyankyai mamyat. ³⁰ Aza, anyet afiyang ba liyat bangu! Musa a nbiyang Iliya, ³¹ ba wuruk bu gbandang bi'u. Bu liyatdrok guhu nang hu bwat anpwen hu bai'i bu Urshelima'i. ³² Banzan di, ga ndi si kyak Bitud nbiyang anyet ba shi dandung bangu'i. Ama nang babin nshyip'i, basi li gbandang u nbiyang anyet afiyang ba yong bangu i. ³³ Hu ndi anya i, nang ba ngwan Yesu i, Bitud si hyio, "Atyi uli, huyet nang zi nshi adi'i, zi jyi aswak atat. Ajyi A anyung, Musa anyung, Iliya anyung. ³⁴ Nang gu nshi bu liyat nkyang ne'i, aniyan si bai bu kub bi; basi fok uwun gag aniyan bi bu nkub bi'i. ³⁵ Unwat si krak bu aniyang e, "Ngwan nkhai i ka ke ifwong khi." ³⁶ Nang unwat khi ntyak aliyat ni'i, Yesu ba shio ngu anyin gu. Basi swan nwang ba nmam anai, ba gi do tak ayin kyang ba li'i dak. ³⁷ Ba mam nsak'u, nang ba nchiyok nyet afan'i, apwi anyet didid si mun bangu. ³⁸ Atyi anyung banbi si twai wuruk, aba nyio, "Atyi uli, nnai awa li ngwan nu khi, bi ika nbio. ³⁹ Uli, Katuk ntsui nwo gu, di bu lien gu a khang nkwun, i tyi gu vam trim bu gwud bi tampio bu'unu. A nvan isi do wad gu, in bwai gu tsatsat afwad isi do wad gu. ⁴⁰ Nnai anyet ghui abi ba tin gu du, ama ba ngyat dak." ⁴¹ Yesu si shim aba hyio, "Nyin chiyan sang chuchuk nbiyang apwak apio, da nzan da nin swan ba myin nun ngyong byang nyin? Bai ba ngwan akhi azi." ⁴² Nang ngwan khi nshi bu tu bai'i, katuk ntsui u si bu jyip gu bichet lwi abin. Ama Yesu si kam katuk ntsui u, asi churok gusiyem khi, asi bwok do nwak adi'u. ⁴³ Husi yet anyet bi salai kyang adam'a bu gbandang Gwazi'u bio'i. Ama nang anyet bi li shi bu agwai kyang gu nyio'i, asi hyio bu anyet ghui gu bi, ⁴⁴ "Yok aliyat ne nwo ba umi afwo nyi khi, ali nwak Ngwan Atyibishi khi nbwak anyet." ⁴⁵ Ama basi nkai kyang swang aliyat di liyat i dak, a nyat di'a, ba anya busi fuk dak. Basi fok uwu di liyip swan aliyat di'u. ⁴⁶ Basi tabat kanan ba agyang bi ke anyan a li yet bwandang u banbi. ⁴⁷ Ama nang Yesu nfuk kyang bu dam ba nfwu bini'i, asi kyak dadai ngwan asi sak dan kyung gu, ⁴⁸ aba nyio banbi, "Atyi asan dadai ngwan agi ba ayro nu khi, a mun san nu'a, atyi asi san nu, asan atyi atam nu'i wa. Atyi andad ba nyin'i salai'i wa nyet bwandang u." ⁴⁹ Yohna si shi aba hyio, "Atyi uli, zili atyi agyang trung katuk ntsui da ayrok akhi zisi nvwong gu dong a hwi zit dak." ⁵⁰ Yesu si hyio bangu, "I yok nvwong gu dak, dong atyi ashi gaba ba nyin dak, ayet si nyin a." ⁵¹ Nang nmam ni nbwad npuen nang gu lin nkad tutan'i, asi nchi ugyi go ali gu nat Urshelima. ⁵² Asi tam atyi-ntam duswan gu, basi nat bu ukrang samaritan khi tu jyi gu kodikyang. ⁵³ Ama anyet aza bi san gu dak, dong achi ugyi khi nyet Urshelima. ⁵⁴ Nang anyet ghui gu bi Yakub nbiyang Yohna ndi angi'i, basi hyio, "Atyo, uchat zi nkam lung nyet tutan hu tyak banbi?" ⁵⁵ Ama asi bwak asi hwad bi afwo. ⁵⁶ Basi swak nat bu ukrang ugyang. ⁵⁷ Ba nshi ban vak nyet'i, ayin ba nyio bangu, "Ni nghui'a uvwo unet'i salai." ⁵⁸ Yesu si hyio bangu, "Yanyawa bio ibuwong bi'u, uman ni si bio uli bi ni, ama Ngwan Atyibishi khi bio uvwo nmad apio dak." ⁵⁹ Asi hyio bu atyi agyang, "hwi nu." Ama atyi awai si hyio, "Atyo, yan gyok nu n'nat 'nyat adi nu." ⁶⁰ Ama asi hyio bangu, "Yok aghu khi nyat lanyuk khi'u aghu, ama nat ko ade utwang tyok Gwazi'u." ⁶¹ Atyi agyang sibu hyio, "Ni nghui'a, Atyo, ama yok nya nat ntu byat anyet uli nubi sak." ⁶² Ama Yesu si hyio banbi, "Atyi akan byak di khap, abu chiyang malyim dak, iwa ntai bu tyok Gwazi'u."