¹ Utuk nwo ntam khi bu hyong utsuwan u, basi nat bu liyak u ba nkyang nswam ntan nang ba jyi i. ² Basi shio nang atin afang khi bu liyak u. ³ Basi nwo bumi , basi li vam atyo u dak. ⁴ Hu ndi angi i, adam bi u si bwuk, bu umi nzan, anyet afiyang yong npuen ba nbi bu aturo nang ba ji agyi bi. ⁵ Anyuk bi si fok uwun, basi tatong a gyi bi abin, anyet abai ba nyio ba nbi, "ya nbio i nchat achad ayin'u ba nkwam ni? ⁶ A nshio adi dak, a tabok! I juyung atak nyin nang gu li shi bu Galili, ⁷ a nyio e ali nwak ngwan atyibishi khi nbwak katuk nyet ba bwet khi a tabok ba mam tad'u." ⁸ Anyuk bi si juyung aliyat guni, ⁹ basi bwok ngwet bu liyak u'i, basi tu fang swak anyung u, nna akum anyet khi salai nkyang nee. ¹⁰ Meri magdalin, juwana, meri ayang yakub u nna akum anyuk khi ba tu tak anyet ntam Gwazi bi nkyang nee. ¹¹ Ama aliyat ne si li anyet ntam bi nang swang aliyat i, basi shim anyuk bi do dak. ¹² Duk ba anya, bitud si tabok ast tyong nad bu liyak u, asi bwok yong aba chiyang bu umi, asi li aturo linen ba apio bi. Asi bwok nkad abang gu dam kyang hu kwi'i. ¹³ Utuk akai, anyet afiyang nyet bu ukrang ugyang nang a ngyai imuwasu, shi gbang khi u bu jerusalem di yet Stadia nswak uti. ¹⁴ Biba bwai nghang ba agyang krok nkyang i kwi i. ¹⁵ Nang ba nshi bi bwai nghang ni ti ndam ndung i, Yesu si sirok tu shi bi basi nkat dandung. ¹⁶ Ama lili bibi ngya bi si fuk gu dak. ¹⁷ Yesu si liyip bi, "dang aliyat na i liyat ba agyang ti nchong?" basi bwok yong tswai. ¹⁸ Atyi a ngyai kiliyopas i si shi, "nwan anyin a wa yet atyi nang alien kyang hu kwi bu jerusalem ba nmam ne i da?" ¹⁹ Yesu ba nyio banbi, "da nkyang?" Basi shim, "Nkyang i kwi bu Yesu banazarat i, nang ayet Atyi shai ntam Gwazi ni, nang anyio chachat nkyang nna aliyat du uswan Gwazi nna anyet. ²⁰ Bi sangag nang agwam kwi anyet nna anyet bi byong zit ukrang ki i nwak gu abwed gu hyat. ²² Ama ba anya, anyuk agyang bu campani zit u tyi zi si fok nyanyang, bi shiyip tsatsuwan khi tu nad bu liyak u. ²³ Nang bi tu nchat vam gu hu ywai'i, basi bai biba nyio bu anyet bi e bi mun di nman ntam Gwazi, iba nhyio banbi e Yesu nshio bu swan di. ²⁴ Atyok gyang nang ba di shi dandung ba nbi'i nat bi liyak u basi tu li ba ngag anyuk bi nhyio i. Ama ba li gu dak. ²⁵ Yesu ba nyio banbi, "Abuwan anyet bu katuk alyo nang ba shim kyang nang anyet shai aliyat Gwazi ni hyio i dak! ²⁶ Hu yet kriti u ti a da go aswo ngbang nkyang ne da, go anshi anwo bu gbandang gu hu?" ²⁷ Tabat nyet bu musa tunat salai anyet shai ntam Gwazi bi asi fang bi gag nang kwi abwad u ndyat i salai. ²⁸ Nang ba nnat apuen bu ukrang ba nnet i, Yesu si nyi e awi chat swak'a i. ²⁹ Ama biba muwang gu nyio ba ngu, "swan ba nzit dong dushuyung di nyio, mam u bwad dadai hu tyak." Yesu si nhwi bi. ³⁰ Hu ndi aya i, bisi tu swan dandung ba gyi yak, asi kyak bredi khi, asi ntyi albarka u, asi kau bu uchio, asi nwak bi. ³¹ Ada agyi bibi si ntyak, basi fuk gu, asi tyii wun drok du uswan bi khi. ³² Biba nyio bu agyang, "Nzit ba ilyo zit u fwi ba nzit, nang gu nliyat ba nzit talyen i, nang gu ntyak zit aliyat gwazi ni i?" ³³ Basi tabok bu umi nzan akai, basi jerusalem. Basi tu shio swak ba anyung u tung dandung, bu akum anyet agyang, ³⁴ nyio, "Chuchuk a, Atyo u tabok, a tat wuruk siman do." ³⁵ Basi tak kyang hu kwi talyen i, nna gag gu nbud bi bredi khi i. ³⁶ Nang ba shi ba aliyat ni i, Yesu si tat wuruk bu uchio bi khi ba apio gu, asi hyio, "salama gare ku." ³⁷ Basi tyi jwab basi fok uwun, biba li e bi wi li kwi gu di da i. ³⁸ Aba nyio banbi, "Ya nbio i ndam? ³⁹ Ya nbio nfwo nyin ni nlirim? Li nbwak nna atak nu bi, nnu'a ba apio nu. I nsak bwak ba nu i li. Tswi di byio nam ko ikup dak, nang i ndi nu do i." ⁴⁰ Gu nhyio aya i, asi tyi basi li nbwak gu ni nna atak gu bi. ⁴¹ Ba shi bi dam, nna gbadang asai nfwo, Yesiu si liyip bi, "I bio kyang ayak adi?" ⁴² Basi shud nchong fwan zan gu. ⁴³ Yesu si kyak, asi gyi duswan bi khi. ⁴⁵ Asi tyak nfwo bi ni, nshi fuk Aliyat Gwazi ni. ⁴⁶ A hyio banbi, "Asi bu luru, nang kriti li nswo kan, a tabok ba aghu khi ba mam tad u. ⁴⁷ Dong shai aliyat kok ntong nna yirip katuk u bu swan nti u salai, tabat bu Jerusalem. ⁴⁸ Nyin ba li nkyang i kwi i. ⁴⁹ Ni'ini, ntam ba nyin promis nang adi nu nyio tutan nyin i. Ama, i fwong bu umi ukrang, sanang a kub nyin bu sichat tutan u." ⁵⁰ Asi wuruk banbi, sanang ba nnat apuen bu batani. Asi niyep nbwak gu ni tutan, asi nkrok bi nmyang ni. ⁵¹ Hu ndi ngi i, nang gu nkhuwad bi nmyang ni i, asi kyak gu nad do tazi asi wan bi. ⁵² Basi dyap gu, bisi bwok nad Jerusalem bu gbandang asai nfwo. ⁵³ Bisi gyi uswan bu atu Nai bi, nyio Gwazi'u adyab'u.