¹ Aza basi liad ba ngaan banbi bu sangak balin mok'i, ba you byan nfwo ni dak. ² Aba nyio, "ambio ukrang ugyang, alyak tyet chyi'u nang alak fok uwun Gwazi ni dak a mun lak fok fok uwun anyet-bishi ni. ³ Ni'ini anbio kanyuk agyang bu ukrang ugyang aba chong kudang zan bangu, aba nyio, Ibiyang nu chat chuchuk'u b anyet alak-li nu'i.' ⁴ Ku kyak zan nang andak biyang gu'i, nang zan zi nswak'i, aba nyio bu apio gu, 'Ko nang hu nyet nfok uwun Gwazi dak, di nnwat atyibishi bok dak, ⁵ ko nang hu nyet kanyuk i chong bu tsen nu'i, nni byang gu shio chuchuk'u. Nchat abu kpat nu nkat do bu chong gu chong i dak.'" ⁶ Atyo si hyio banbi, "Ifok kyang nang anwai lien aliyat'u liyat'i. ⁷ Ni'ini Gwazi li bai bu chuchuk gu'u ba anyet ghai gu bi nang ba twei tutuk bu tamam'i da? Ali fok kunak bi da? ⁸ Nhyio banyin, nni bai banyin chuchuk u nfyen. Ama ku ngwan atyibishi khi li bai, khi li shio chuchul'u bu swanti'u?" ⁹ Asi bo liyat ba ngaan ba agyang anyet nang abwai apio bi e ba yet anyet ghui, nang a brum agyi anyet bi, ¹⁰ "Anyet afiyang si nat tu-Nai'u bu mok, anyung yet atyi farisiyawa a, anyung u si yet atyi sai krum abin a. ¹¹ Atyi Farisiyawa'u si tabok aba mok krok apio gu, 'Gwazi, Ngwai ba nwan nang nu ngyet anyung bu atang bi'i dak, anyet anwai bio chuchuk, anyet miyai anyuk bu anyet, ko nang atyi sai krum abin i dak. ¹² Nhwat unu nuki ufiyang ba nmam natad ni. Nnwat zanang nuzi ba kudi kyang nshiyad'i.' ¹³ Ama atyi sai krum abin'u si yong gbang, asi yan chiyang tuzi khi dak, asi lwi furung, aba nyio, 'Gwazi'u, fok kunak nu, atyi katuk.' ¹⁴ Nnyio ba nyin, atyi'i bwok nat bu uli gu kwi chuchuk lan agyang, anya kanang ayin chyin apio gu, ali kyak gu kyang dak, atyi asi kyak apio gu kyang dak, ali chyin gu." ¹⁵ Anyet bi ba gyi uswan chong bangu nman kunak ni, an nshyai bi nbwak gu ni, nang anyet ghui bi ndi anya'i, basi nvwong bi. ¹⁶ Ama Yesu si yrong bi panpwen, aba nyio banbi, "Iyok achuwang nman u abai ba nu, iyok nvwong bi dak. Tyok Gwazi'u yet si sibi ba li nang nbi'i wa. ¹⁷ Chuchuk uwa nshai nyin, atyi alak san tyok Gwazi'u nang ngwan'i, a damang li shi hu dak." ¹⁸ Atyi byong tyok agyang si liyip gu, "Atyi tyet atan, yaha nin nyio nu nshio swan sangag di?" ¹⁹ Yesu si hyio babgu, "Yahanbio u nyrong nu atan ayin? Anbio atan ayin dak, se Gwazi ba anyin gu. ²⁰ Ulyen chyi u, yok miyai anyuk/atyok anyet dak, yok hyat ayin dak, yok nyin tsang dak, yok kai kyang hu wai yet chuchuk dak, nwak ayang'a ba adi'i bok." Atyi byong tyok u si hyio, ²¹ "Nnyio nkyang ne nyet nni gyet ngwan." ²² Yesu nfok anya'i, asi hyio bangu, "Kyang nyung a u chat ywai. Hu yet ti'a, u liyap nkyang ani kakap, u kau kunak ni, uli bio zwi tazi awad ubai u ghui nu." ²³ Nang atyi bio zwi'u nfok angi'i, asi bzan agyi, dong abio zwi deni. ²⁴ Nang Yesu ndi gu nbzang ugyi khi'i, asi hyio, "Hu bio ubung anyet a bio zwi bi nwo di tyok Gwazi'u! ²⁵ Hulan lakumi anwo bu abwong uyuwop, nang atyi bio zwi li nwo tyok Gwazi u'i." ²⁷ Anyet ba fwong si hyio, "Bu anyan'a li shi san'u?" ²⁶ Yesu si shim, "Nkyang i nwai yet chuchuk bu anyetbishi bi'i, ina yet chuchuk'u bi Gwazi'u." ²⁸ Bitud si hyio, "Zi wa kan wad kudi kyang zit, zi ba ghui'a" ²⁹ Yesu si hyio banbi, "Nhyio ba nyin chuchuk, anbio atyi ali wad uli gu, abyuk, lanyuk, anyet nbyin, ko nman dong tyok Gwazi'u, ³⁰ nang ali nwai san mamak bu swanti hi, nbiyang swanti hu tubai'i nwa shio swan sang-gag dak." ³¹ Nang yesu ntung swak ba afiyang'i, asi hyio banbi, " Di, zi nyet bu Urshelima, kakap nkyang nang anyet shai tam Gwazi liru tutan ngwan atyibishi khi'i li nat chachrak. ³² Nang a tibun kyak gu nwak anyet sang ghui bi, ba juwai gu, ba tyi gu nsum, ba kang tanpio. ³³ Ka atsuwat gu tyak, ba hyat gu, mam tad'u, a bo tabok." ³⁵ Nang hu si nswak'i, Yesu si shai nyet npuen ni Jeriko, apak agyi agyang swan ba nvak'u nai nkyang, ³⁶ aba nfok anyet bi gwat surop, asi liyip kyang hu kwi'i. ³⁷ Asi tak gu nang Yesu atyi atyi Nazarat'a surop. ³⁹ Apak agyi u si tang'amanwat khi tutan, asi krak, "Yesu, ngwan Dauda, fok kunak nu." ³⁸ Anyet ashio duswan gu'i si nvwong apak gyi'u, eyok gu swan nwanwang. Ama asi bo nbyang tang'am anwat khi'u, "Ngwan Dauda, fok kunak nu." ⁴⁰ Yesu si bwok yong, asi tam yok abai bangu. nang apak nbai anpwwen'i, Yesu si liyip gu, ⁴¹ "Yah u chat nnyio ado?" Asi hyio, "Atyo, Nchat nchiyang uvwo ni." ⁴² Yesu si hyio bangu, "San chiyang uvwo ahu, chuchuk ahuchirok'a." ⁴³ Bu umi nzan, agyi bi si tyak, asi ghui Yesu, aba dyap Gwazi'u. Ba anya'u, anyet bi ba gi dyap Gwazi'u.