² Ama ba kyang nang alak wuruk do nang di asibi wuruk do dak, ba kyang aniyad do nang da asi bi lien dak. ³ Dong koya a hyio ban dienn asi bi fok ba asai nbyang kyang i krok bi ifwo bumi atu, asi bi shai mam tsai atu. ⁴ Nu'a hyio ban nyin akpodan numi, iyok fok uwun anyet ali ghiat vam u, ama ka ba chiak ba kyang nyio dak. ⁵ Ama uni ghiat nyi fifwo atyi ili fok uwun gu'i. Ifok uwun atyi abio chet ka aghiat achio mandong. Aye inyio ba anyin ifok uwun gu. ⁶ Khi di uma ufwan na ai lyap ba atsuwian kobo nvian? Salai anya ba suyu ali buwuk bu gyi Gwazi khi. ⁷ Ama ko pio apio nyin u salai avak. Iyok fok uwun dak. I bwoi yet lan agyang bu uman ni. ⁸ Nua ndiyat ba nyin ko anyan a shai nu ba anyet, uwa ngwan achibishi li shai ba nman ntam gwazi, ⁹ ama atyi alak shai nu bu ugyi anyet, uwa nman ntam Gwazi li uwai lien. ¹⁰ Salai ko anya aliyat katuk ba ngwan atyibishi ali kwi gu do, ama katuk aliyat krok Zazrak ntsui, ali kwi dak. ¹¹ Khi nang abai banyin du ugyi atu Nai khi, anyet tyok bi nbiyang chachet bi lyok dam gag nang ili ntsok ko kyang ili hyio, ¹² dong Zazrak tsui li miyam nyin mazan ade iyan ili hio'i." ¹³ Agyang anyet ba akpwi si bi hyio bangu, "Atyi tyet, tak lanyuk nu bi akau zwi adi zit di banu." ¹⁴ Yesu si hyio bangu, "Atyok, anya chi nu yet atyi kau nkyang kama ayonbuchio ba nkyang nyin ni?" ¹⁵ Asi hyio ban bi ilien tsok apio nyin bi chet tung nkyang, dong ko anyan swuan gu di shio bi dundun nkyang gu tung i dak." ¹⁶ Si yesu si bwoi bi gaan nyio, "Abin atyi bio nkyang bi chio nkyang deni, ¹⁷ asi dam aba nyio, 'Ya nni nyio dong nbyo uvwo chi yak khi dak?' ¹⁸ Aba hyio, 'Di kyang ni nyio i, nnifwai agban nu bi nun nknok tsatsad do, aza nni nkrok salai zwi nu di nbiyang akum nkyang khi. ¹⁹ Nhio ba apio nu "apio, utung nkyang gyi bi lilio itu bai i lien fwung ugyi uswan unyio agwai.'" ²⁰ Ama Gwazi si hyio bangu, 'Abuwan ayin tutuk kye atsat swuan azi, ba nkyang utsak kan jiyi lil yet si anyan?' ²¹ Anya huli ndi ka ayin tung apio gu nkyang asi nwai bio zwi bi Gwazi u." ²² Yesu si hio ba anyet ghui gu bi, "Krok anya iyok kok adam ba nfwo nyin khi kyang ili gyi ko vam nyin u kyang ili kub i. ²³ Kida alio khi swak yak u nbiyang vam swak atro. ²⁴ Ili sanghiak zit ba chwi dak da ba fwai dak. Da bi bio agban tung dak, ama Gwazi uwa nwat bi yak u. Ili nyio nget swat uman ni! ²⁵ Anya a bab nyi bi lau tsad yu ambiyang kafuwo ba alio gu khi? ²⁶ Khi ili gia inyio adadai kyang anya dak ya nbio nkwok adam akum u? ²⁷ Ili usham afwo khi gag nang ban ndai ba nyio ntam ko tywai dak. Salai anyau ko salai manu bi yet gu kum nkyang bini dak. ²⁸ Bi khi Gwazi uwa i kum tsiat uyit di atio, nang ba ashio ufwuen ntswuan akyak wiam bu uvwo shuwai hu li nya anwai ghui atro kad nyin anyet dadai chuchuk! ²⁹ I yok chi gbandang adam bi kyang ili gyi khi tswo, iyok lau adam dak. ³⁰ Dong salai bibin dunio u tsad nkyang nye, adi tuzi si lien imai ishio ni. ³¹ Ama i chi tsad tyok gu du swan asi bi nbiyang nyin salai nkyang nye. ³² Dadai nswan iyok fok uwun dak, sabo Adi nyin u fok yaanyan a uwuak nyin tyok u. ³³ Iliyei nkyang ibyoi ikau anyet san bi inyio apio nyin apwuad nang bali sam dak__Kyang atsad tuzi nang hu li nwai twong urug, nang atang li nbai npwen dak, ko nkyang gyi ibi byang. ³⁴ Dong usak nkyang tsad ui aza alio akhi mun li nshio. ³⁵ I bwak ga zunzung atro nyin bi udam ufwog, iyok fitila nyin zi i gyi uswan bi gyi u, ³⁶ i chio nang anyet atsad atyi uli bi manzan nang nbwok agwai nyrang dong nzam gu nbai bi zwi yinyit i a tirak gu zo infien. ³⁷ Krok nmiyang ayet aghwo nang atyi uli u ti bi shio bi tsok ban zan gu li nbaiyi chuchuk a ndiat banyin asi bin lyap ufong bi zunzung atro gu achibi swan gyi kyang yak nbiyang bai achibi hyak uli. ³⁸ Ka aty uli u bi ba bi awa afian ko atad turtuk bi shio nang bi swan afwuong krok nmyang ba aghuwuo abai li yet. ³⁹ Swak anya u i lien si hwi ka atyi uli u wa lien zan atang u to nbai i, atsak li yok abi ghap gu uli khi dak. ⁴⁰ I lien mun swuan fwuong sabo Ilien zan nang Ngwan Atyibishi khi li nbai i dak." ⁴¹ Bitud si hyio, "Atyo, uliyad gaan de banzit akwai khi ko banya'a?" ⁴² Atyo si hyio, "Anyan a yet chuchuk ba aliyak lien nkyang nang atyo u li sak gu nwuan aghwuo agyang a nwak bi nkyang yak bi ni ban zan an sak i? ⁴³ Krok nmyang a aghwo awai yet, nang atyo gu nyio khi nang gu bai. ⁴⁴ Chuchuk a ndyiad ba nyin asi bi chio gu yet gbandang ba nkyang gu ni salai. ⁴⁶ Ama khinang aghwo awai nyi ban fwo gu, 'Atyo nu byiang zan di bwok u,' asi fwum tswat asam nbiyang an-nyam aghwo bi, gyi bi swo nbiyang nwo ghyong akan, ⁴⁵ Atyo aghwo awai si bi bai ba nmam nang gu li nsak fwo dak nbiyang zan guli ndien dak, bi tsak gu nchio akum nbiyang uwuak agyang anyet uvwo khi sabo bi uwai bio chuchuk gu. ⁴⁷ Aghwo awai lien kyang nang atyi gu tsai, asi lak lien nyio bi nyio gad nang gun tsai asi bi nwo ubun tsuad. ⁴⁸ Ama achi alien dak, asi nyio nkyang imai tsuad, ali tsuad gu dadai. Atyi nang anwak deni, deni a asi bi tsad bangu nbiyang atyi nang apwad gu deni, basi bi lirim. ⁴⁹ Nbai mat long a bi dunio u, bi gag nang nunfok dak si aka mad hu. ⁵⁰ Ama nbio baptisiman nang in i nyio bi gag nang nun ghuat swuan bi tsad dak si akan tiyak! ⁵¹ Iliyi nbai nwak shim nfwo a bi dunio u? Kai, ntak nyin, ama sag kau apio. ⁵² Sag nyio ufuwun ali bioanyet afwan bu uli unyung li kau anyet atad li lak li afiyang ko anyet afiyang ba lak li atad. ⁵³ Bali kau, adi li lak li gusyem, gusyem khi lak li adi; ayang alak li li gunyen, gunyen khi lak li ayang; ayang-atyok li lak li abyuk ngwan gu, abyuk-ngwan u alak li ayang-atyok gu u." ⁵⁴ Yesu si mun diyad ba akpwi anyet u, "Khi nang lil aniyan tuzi bi ma pio, kanang i hyo, 'alivat zi,' anya huli ndi. ⁵⁵ Kanang wun utak u hyap, isi hyio, 'ali nyio mam,' anya hu li ndi. ⁵⁶ Buwat pipio ilien gag nang lil ntak li dunio u bi tuzi ni, ama ilien gak nang ili ntak zan nini zi da? ⁵⁷ Ya nbio ilien atyi fvak aliyat ni ba agyiang nyin bi? ⁵⁸ Ka nang i nat ba atyi nang alak ainyi bu uvwo gbandang atyi fvak aliyat u, dang nvak i kwan i zyi aliyat anai bangu iyok wad gu akuwak nyin nat do bu uvuo atyi fvak aliyat u dak, nang hu li tyio atyi fvak aliyat u a nat bu nyin bu aliyak u, aliyak u ato chio nyin bi hwo. ⁵⁹ Nu'a ntak nyin, ili wuruk aza dak si nang i tan salai kobo aghui'i."