¹ Anyet deny chat ba luru nkyang krok nkyang nang anyio zit zo'i ban jan do i. ² Anyet ba li bu agyi bibi'i nyiet ba suswan u nbyang nbi bamu gyet aghwo nswang alyat bi, iba tak zit. ³ Aya ni ndi humu ngyet usham banu, nang nu lirim kodi kyang chachirak nyio ba suswan'i, nluru'a zo bisangag ji, nwan atyi atan'u Tiyofalas. ⁴ Nchat uliyen chachirak nkyang nang akan tyet'a i. ⁵ Ba njan Hiridus ji, agwam Yahudiya, aki nbio atyi kwi anyet bu Gwazi nang angyai Zakariya, ashi ba apwi Abaija. Abyuk gu u gnyet ba anap Haruna'i ba, ayai gu Alisabatu. ⁶ Bi ba yet anyet nyio nkyang ntan na du gyi Gwazi, Chiyet bi'u bio abun dak krok nchyi ni nbyang nkyang Gwazi'u chat ba nyio'i. ⁷ Ama ba bio ngwan dak, Alisabatu yet lahu'u, salai bi bu kwop. ⁸ Utuk ugyang Zakariya shi du ugyi Gwazi nyio ntam kwi anyet bi Gwazi bu uvwo nang gu nshi'i. ⁹ Anyet kwi anyet bi gwazi si hwi ta'ada biji basi hyai Zakariya nwo ba tuu Nai'u ashwai nkyang ibio swam tan. ¹⁰ Salai akum apwi anyett'u ba shi bi Nai nti ban jan nang anshwai nkyang ibio swam tan'i. ¹¹ Aza ngwon ntam Gwazi sintad wuruk bu zakariya, kisi yong ba nbwak yak sandong Gwazi'u nang anshwai nkyang ibio wsam tan'i. ¹² Zakariya si nad mi'adam nang gu ndi gu'i, uwun si tabat gu. ¹³ Ama ngwan ntam Gwazi khi si hyio bangu, " Yok fok uwun dak Zakariya, afok nai ahu. Abyuk'uwu Alisabatu li byin'a ngwan gusiyem. Uli chi khi ayirok khi Yohna. ¹⁴ Ali nyio agwai nbyang asai alyio krok gu, anyet deni li gwai krok byin gu'u. ¹⁵ Ali yet gbandang ban kyung Atyio. Ali su sakwhod ukwan dak ko nkyang swo ibio chetdak. Ali shi dandung ba Zazzrak ntsui, gnyet bu ufi ayang gu. ¹⁶ Anyet deni ba anyet Israila bi ba bwok bai ba Atyo bi Gwazi bi'u. ¹⁷ Ali nad bu gyi Atyio ban tsui nbyang chet Iliya. Ali tyi ilyio adi'u hu bwok nad bu nman bini, nbyang anyet feb ipo'u li chong ba nvak mwamwang anyet nyio nkyang ntan. ali nyio nkyang nee bisangag nang anyet bi li nji nvak bini krok Atyo." ¹⁸ Zakariya si hyio bu ngwon ntam Gwazi khi, "Ni'a nin dyen kyang i? Nkwop, abyuk nu'u mun kwop." ¹⁹ Ngwan ntan Gwazi khi si shim gu zo, " Nu'a angyai Gebren, nang ayong du ugyi Gwazi khi i, atam nu nbai ntak'a wa aliyat ntan nei. ²⁰ Li, nyet ufun ubuli lngyad u liyat dak, sai utuk nang nkyang ne nkwi'i, krok lak nwak chuchuk ba swang aliyat nu ji'u, kyang i li kwi ban jan di." ²¹ Ba jan ade, anyet bi fwong Zakariya ba adam yahwa chi gu swan biyang anya bi tu Nai'u. ²² Ama nang gun nguruk'i asi tyu lyad'u ywai ban bi. Ba si fuk nang gun ndi duswon bu tu nai'u. Asi lyat banbi bi bwak, ama angiyad aliyat dak. ²³ Nang nmam ntam, guni ntyak'i, asi bwok nad buli abang gu. ²⁴ Nang nmam anai si nswak'i, abyuk gu'u Alisabatu si shi shyo. Asi niyad apio gu tunad zwat tsuwon. Aba nyio, ²⁵ "Kyang'i Atyo'a nyio nu zo, achiyang nu asi tin nu nswum ni ba anyet bi." ²⁶ Nang alisabatu shi bi shyo'u zwat uti, Gwazi si tam ngwan ntam gu khi Gebren bu ukrang Galili, nang angyai Nazarat, ²⁷ bu guniyem nang ki kan dyen atyok dak, nang atyi agyang angyai iyuf a chat bwu gu. A yet kyangbwak Dauda a, guniyen ki ayai ki Maryamu. ²⁸ Ngwan ntam Gwazi khi si bai bangu, khi si hyio, " Nbyab'a, nwan atyi ashio kyang tan'i!Atyo'u shi dandung ba nwan." ²⁹ Asi nad mi adam apak'agyi ba swang aliyat de, asi mun dam didang akwi byad ka abyad gu. ³⁰ Ngwan ntam khi si hyio bangu, "Yok fok wun dak Maryamu, ushi yet atan ayin bi Gwazi'u. ³¹ Li, uli kyak ufi u byin ngwan asam, uli yai gu 'Yesu'. ³² Ali yet gbandng ayin, ali yai gu ngwan Atyi a nswak'i salai. Atyo Gwazi'u li zan gu kyangnswat tyok Adi gu'u Dauda. ³³ Ali nyio tyok'u tutan kyang bwak Yakub'u, tu nad bu igag, tyok gu hu li tyak dak." ³⁴ Aza Maryamu si nhyio ba ngwan ntan khi, " Huli kwi ni'a, nang di nkan dyen atyok dak?" ³⁵ Ngwan ntam Gwazi khi si shim khi ba nyio bangu, "zazrak Nstsui'u li chiyok tutan'a nbyang chet Atyo anwsak'i li shi dandung ba nwan krok anya, Zazzrak Atyi ali byin'i, ali yai gu Ngwan Gwazi. ³⁶ Li, Alisabatu lanyuk'awu shi bi shyo nwan asam bi kwop'i. Ashi bi shyo zwat uti, akan gyai gu lakhu ayin. ³⁷ Ba kyang hu swak chet Gwazi." ³⁸ Maryamu si hyio, "Di, ngyet agho Atyo'a.Yok huli bisangag u nhyio'i."Ngwan ntam wazi khi si nkad. ³⁹ Bu nmam anai, Maryamu si tabok anfyen asi nad bu ukrang agung khi, bu umi ukrang Yahudiya khi. ⁴⁰ Asi nad abang Zakariya asi byad Alisabatu. ⁴¹ Nang Alisabatu nfok byat Maryamu'i, ngwan ki shi bu ufi gu gu khi'i si chi jujuruk, Zazzrak Ntsui si chiyok tutan Alisabatu. ⁴² asi tang'am anghwad khi tazi asi hyio, "U yet atyi nmiyang'a ba anyuk bi, asi mun kro aswun atyintyai'a khi nmiyang. ⁴³ Huli ni'a ayang Atyo nu'u bai ba nu'a? ⁴⁴ Nang nu nfok angwad byad'a khi ba afwo nu bi'i, ngwan khi shi bu ufi nu ki'i si fub ba agwai. ⁴⁵ Ngu atyi anwak chuchuk'i akrok gunmiyang, kyang nang aliyat bangu gnyet ba Atyo'u i hu kwi chachrak." ⁴⁶ Maryamu si hyio. "Fwo nu hu dyep Atyo, ⁴⁷ nbyang tsui nu di igwai bi Gwazi Atyi san nu'u. ⁴⁸ A chiyang asi li lad nu'u agho guniyem. Ni'ini, tabad gnyet ni'ini tu nad nchiyan li yai nu 'atyi akrok gu nmiyang.' ⁴⁹ Gbandang atyo nu'u nyio nu chachet nkyang, ayai gu zazzrak ayin'a. ⁵⁰ Sitan gu'u shi bu ncha tutan nchiyan anyet ba fok uwun guni. ⁵¹ A nyio chached nkyang ba bwak apio gu, asi fuwai apwi anyet bu chin apio bi ba ilyio bi'u. ⁵² Asi tin anyet tyok bi ba nkyangswad bini, asi drok bu anyet bu lat bi'u. ⁵³ Anwak anyet nzwong bi kyang ntan, asi chi anyet bio njwi bi taliyen nbwak nhwod. ⁵⁴ Anwak aghu gu bi izirel bi byang, krok yet atyi sitan ⁵⁵ (Nang gu nhyi bu adi zit'i) bi Ibrahim nbyang kyang nbwak gu hu tunad bu igag." ⁵⁶ Maryamu si swan bu Alisabatu tunad zwat tsat, asi bwok nad buli gu khi. ⁵⁷ Nang jan byin Alisabatu ji nyi'i, asi byin ngwan asam. ⁵⁸ Nang anyet nwsat gu bi nbyang lanyuk gu bi nfok Atyou nyio Alisabatu sitan'i, basi biyang gu agwai'u. ⁵⁹ Utuk mam unai'nbwak ki, basi bai bu sak ngwan ki bi itam, basi chat ba yai ngwan ki Zakariya, ba ayurok adi khi. ⁶⁰ Ama ayang'u si shim bi zo aba hyio, " ka'ai, ali yai ki Yohna" ⁶¹ Basi hyio, "Ayin nshio bu lanyuk abi nang a yai gu ayurok akai dak." ⁶² Basi li huntai ba liyip adi'u ayurok gu chat ayai ngwan ki'i. ⁶³ Adi si liyip a zan gu nchong afang luru, asi nluru tutan, ''A yai gu yohna.''Salai bi basi nad mi'adam. ⁶⁴ Ban jan ji unu gu ki si tyak nbyang aliam ki si mu biuk. asi kwi alyat ni asi dyap gwazi'u. ⁶⁵ Ban jan ji uwun si tabat kodayan nang aswan ban nkyung bini'i nbyang kyang nang hu kwi'i si yet kyang nang alyat kat salai bi ukarang agun si yahudiya ki. ⁶⁶ Anyet ba fok kyang nang hu kwi'i basi gi'u swon ba adam'u baba yio, krok anya, "Yaha ngwan ke li yet?"Basi fok bwak Atyo shi dangang bangu. ⁶⁷ Adi gu Zakariya shi dandung ba Zazzrak ntsui, asi shai asi hyio, ⁶⁸ "e dyep atyo Gwazi Izirel'u, krok sangag gu nbai ba nzit nbyang ji vak atin ayet gu bi ba gbang ni. ⁶⁹ A zan Atyi san abio chet nyio zo ba kyangnbwak aghu gu'u Dauda, ⁷⁰ bisangag nang Gwazi'u ndyat ba anyet shai ntam guni ba mam iswak'i. ⁷¹ Aka nyio e ali nwak zit shi san yio zo ba lanvan zit bi, nbyang yio zo ba nbwak anyet ba lakli zit. ⁷² Anyio sihwi go tak zit si tan gu'u nyio ba adi gbangbang zibi, nbyang gu juyung zit zazzrak lab nu gu'u, ⁷³ lab unu hwi yet kyak prok'a nang gu nliyat bu Abraham adi zit'u. ⁷⁴ A kyak prok'i anshio asan zit nbwak lanvan zit khi nbyang sangag zili dyep gu ba uwn, ⁷⁵ bi zazzrak nyio, nbyang nyio chan du ugyi gu salai nmam zi ni bi swanti'u. ⁷⁶ Nbyang nwan ngwan nu khi, ali yai'a gbangdang aliyat Atyi shai tam Gwazi, krok gyi uswan aliyat Atyo aji anyet bi fwong bai gu, ⁷⁷ nbyang umu biyang anyet bi bisangag bali nshio san krok yurup katuk bini. ⁷⁸ Gwazi zit du li yurup zit katuk zit ni bi sitan gu'u. Sitan gu'u' sa gu'u, nang huli nang mam tatswan'i, huli bai nyiet tazi hu biyang zit. Huli tad tutan anyet ba swan ba ndyin'i, ⁷⁹ nbyang anyet ba shio bi ihwu aghu'u i. Ali chok atak zit bi tunad ba nvak nyanyang."