¹ Yaha nbyo nang infuwan nbyang imu kwan ba agyang yin? katuk nshio nang ibyo uhwa chi nyin ibi kwan tsuwang di bu agiyang nyin anyet ghui bi da? ² Ichat kyang nang di ibyo dak. Kanang ishio kyang nang ichat'i dak ihyad ayin. Ili kwan nbyang imun fuwan ali shio kyang nang ichat'i dak krok Gwazi'u dak . ³ Kanang iliyip ili shio dak krok iliyip kyangtan'a dak, bisangag nang inchat inyio ntamni ban hu bu katuk adam. ⁵ Nyin anyet shuwi anyet ilien nang kpandang'u bu swanti'u huyet lanvan'a bu Gwazi'u da? nang hun di anya atyi nang akyak nyio kpandang bi swanti'u akyak apio gu ayet lanvan bi Gwazi'a. ⁴ Ichat ghio banu ẹ kwi-abwat Gwazi'u bwai-ngad na nang hunshio ẹ tsui nang Gwazi'u nshio banzit ẹ di chok zit da? ⁶ Ama Gwazi nghuak sitan gu'u deni, ihwa nbyo nang kwi-abwat Gwazi'u nbyo, "Gwazi'u lak atyi nang achin apio gu'i, ama asi chat atyi nang ahum-ahuwut." ⁷ Nang hundi anya'i, nwak apio bi Gwazi'u lak katuk'u lin tiyong'a. ⁸ Kanang ubai pompwen bu Gwazi'u, ngu ma ali bai pompwen ba nghuan. Ikwi nbwak nyini, nyin anyet nyio katuk ni, nbyang imun ji nfuo nini, nyin anyet nang ibyo ilo'u fiyang'i. ⁹ Ikyak yet anyet nang ba nmai aligyi nbyang imun twei! Yok mai nyini bwok bai aligyi, asai-alio nyinu abwok bai bzyan fuo. ¹⁰ Huwum ahud abi du gyi Atyo ali tabat'a uyong katsak ¹¹ Lanyuk, iyok liyat katuk nkyang tutan agyang nyin ki dak.Atyi nang alyat katuk nkyang tutan lanyuk gu ko anyio lanyuk gu'a aswoddu atep chyi'u do nbyang amu nyio Chyi Gwazi'u aswod. Kanang unyio chyi'u aswoddu, unghuak'u gbok'u dak, ama uyet atyi nyio hu aswod'a. ¹² Atyi anyung ndei nang anghuak chyi nbyang nang uun nyio aswodd'u i, iwa yet Gwazi nang ali mai asan swon nbyang amu hyat'i. Yaha nang uyet nang uli nyio lanyuk awu aswoddu? ¹³ Isak afuo bi ifok nu, nyin nang inyio, "Ufun ko utswan zili nat bumi ukarang,zi bwo njio aza, zi bwang, zi shi nbruk krum'u" ¹⁴ Anya lien kyang nang huli kwi utswan'i, yaha swon azi yet? uyet nang ẹ zu da'i nang ibi wuruk ba zan dadai ibwok tung kat. ¹⁵ Kyang nang uli hiyo'u uhwa yet, "Kanang Atyo shim, asi wod zit ba anet nswon bi zili nyio sihwi zi nyio sihwo ." ¹⁶ Ama itsok furung'a bi kyang isak e ili nyio'i. Tsot furung ahwai salai huyet katuk'a. ¹⁷ Krok anya, atyi nang alien kyang tan nu ama asi nyio hu dak, anyio katuk.