¹ Ba'anya'a yin lanyuk nu bi nang i yet zazzarak aniet. ghwi Yesu bi i, awod i si bu yet akpandang ntam nang Gwazi'u yurong yin i nwuo tyok tuzi hu i, in nyio didam dusham tuzi Yesu, atyu nang zit shei yin a yet ngwon ntam Gwazi i. A si bu yet gbandang atyi kwi aniet bu ugyi Gwazi u. ² A bu byio chuchuk ba, ntam nang Gwazi u ghai gu a yio i, nang Musa bu mbyio chuchuk da ntam gu ni da nzan nang Gwazi u bu ntyio uli Isrela ki nbuak gu ki i. ³ Awod Yesu mai a ghuak gu shi hu hu suwak si Musa hu, nang ayin li nnok uli a chean gu suwak uli nang gu nok i. ⁴ Bat, kudang uli byio atyiu a nok ki i. Ama atyui a nok kudan kyang i Gwazi u hwa. ⁵ Bu'umi chuchuk Musa bi yet chuchuk aghwo a buli Gwazi ki. Tam gu hu bu tak atsak nkyang nang Gwazi u li tyai zit zo da nzan njiyung du uswon i. ⁶ Ama Kristi, Ngwon Gwazi ki i uwa asi nghuak gu tyok uli Gwazi hu mbuwak. Awod nzit bya li nang uli Gwazi ki i, ka zit gbang alio zi sighuak chuchuk da tyio nfwuo zit ni di Kristi. ⁷ Ba'anya'a, nang zazzarak Ntsui u nshei i, ufuwun ke-i, fok anghuat Gwazi ki, ⁸ Iyok nyio fufwo nchad dak, banang nman Isrela ni bu nyio be si suwo ubung, da nzan nang be bu nmak nu i bu ga ntswi uyit u'i. ⁹ Aza'a nang adi akhwop yin bi bu nkwan be mak be li nang Nnu ngyap fuwo nu hu da nbi i, nbyang nang be bu ndi ubung ntam nang nnyio bi zo bu ndyio nswak nnai ni i. ¹⁰ U hwa si mbyio nsi muwai lien bi chiyan hu. Nsi hio kuday nzan nfwo bi ni buwan zaan ba nnui. Bi lak ghwi nvag nang nghuak bi be ghwi i. ¹¹ Ba'anya u, muwai lyien nu hu, husi tyio nsi kyak shishiyi, nyio da bi li mak nwuo bu uvwo fwung nu ki dak. ¹² Ba'anya'a nyin aniet ghwi Yesu bi nang nchat i, e tabam, i li nang nfwuo yin ni nang ni byio katuk nbyang nwuai ghwuak yin fwuo du Gwazi u dak, kalak i nwak yin tyio zaan awod i ghwon ghwi Gwazi nswon u. ¹³ Krok du umi anyaki, hu yet ti ha i lin tyet agyang yin gbagbag utuk, nyeet nang i nyio zan "ufuwun" kadak i gag nang i nyio katuk hu i, hu lyen yin hu tyio yin i nyio Gwazi u fufuwo nchet. ¹⁴ Ba'anyan nang zit ngyet a kpondang Kristi, Kanang zi byong zbichet sak fwuo, zit hu bangu nyet du uswon ki tu nat sang gag. ¹⁵ Tutan nkyang ke kya a nhio, "Ufwun, ka nang i fok anghuat guki, i yok fufuwuo nchet dak. ¹⁶ Ka anya'a anet nyan bya bu fok Gwazi u ama be si tyio gu fufwuo nchet bu fok aliyad guni nang bi fok i? Nngyei bi ibiya yet aniet nang Musa bu kwak bi usuwon ki, uwuruk zo ba abyin Masar ki i da-a? ¹⁷ Nbyang a net nyan bya Gwazi u nu muwai lyen hu ba mbi tu nat ndyio nswak nnai ni? Nwa ngyei ke banbi aniet abai bya bu nyio katuk nyio hu bi si kwi, asi gwon nkwom bi ni bi ga ntsui uyit u i ka'a? ¹⁸ Awod, net nyan bya nang Gwazi u bu lyad da nzan nang gu bu nkyak shyishyi nang gu li nnang bi zan fuwung zi i dak, ka nang aniet nang abi juwai gu i bya da'a? ¹⁹ Zit li nang be nwuo du uvwuo fuung ki dak bu nghuwai nghuak chuchuk.