¹ Nang anya'i, nanganyet byang li asashuad bi shi ba krang zit tyo bashi nang anyan, yok zi sak kodang bridig nbyang katuk nang anyio nfyen. yok zit tyong chung nang i shio duswan zit'i ba tak alyo. ² Yok zi krok afwo bu Yesu, Atyi tsi nbyang atyibyo chuchuk dusham nang a sak dugyi gu'u, asi gbang alio ba atyem nkwan'u akyak ghu nang kyang nsum'i dak, nbyang asi suwan abin ba nbuyak yak tan bu tyok Gwazi. ³ Dam tutan gu, atyi nang a sak alio ba lakli ahwai nang anyet katuk nyio dangu'i, di sangag nang ilin yok fan ban fwo nyinni in bwun alio dak. ⁴ I kan dak ko i kwan tutan katuk tonad sin asok dak. ⁵ Nbyang i bwung alio achet nang nwak nyin nang mann'i: "Ngwon nuki, yok kyak nwak nyang atyo dadai kyang dak da uli fan kanag gu jiyuk'a." ⁶ Atyo nghuad atyi gu chat'a nbyang ni, aba nghaud kodang ngwong nang gu san ngbang. ⁷ Sak alio ban ngbang ni ushio akwi atan. Gwazi'u nyio ban-nwan nang ngwon'i, dang ngwon ka shau aza nang Adi'unghuak ki nbyang dak? ⁸ Ama ka'u shio nbang dak, nang anyet bi salai shio'i, untai dak nbyang iyet ngwong Gwazi'u dak. ⁹ Nbyang anya, zi byo adi nang ba yetanyet ghuad ngbang bu vam, zi ba nwad bi gbok'u. zi nyini nwai nyio anya ba nstui'u zi shio san'u? ¹⁰ Ban vak ngyung adi zit bi ghuad zit ngbang nmam dadai bugag ban huyet bi. Ama bamn vak anya, Gwazi'u nyio anya'i zin fok yanyang nang zilin shio zazzarak gu'i. ¹¹ Ba ngbang nang iyet ban jen zi, dak, ama i byio aghu. Ba'anya'u tubai duswan hu ghwak asum dusham sin nyio kyang tan ba sibi nang hu miyam bi'i. ¹² I nghuak nbwak nyini chet nang i lyau abin'i nbyang bambwang aghwud nyin bi. ¹³ I ji atak nyinbi ajai nvak, gag nang atyi ghiyad taluk dak ama a shio cirok. ¹⁴ I chat swad tan'uba anyet bi salai, nbyang zazzarak'u nang ka'u bio dak anyin lili atyo dak. ¹⁵ I tag alionang ayin lin nwai sitan Gwazi'u dak, nbyangnang alin byo anan aligyi kili lai ki bai bujio dak, nang kili chio anyet aiyak ba bzyang dak. ¹⁶ I tag alio anyindo yet anyet yayira nyio kama anyet nwai ghi Gwazi nang isuwa bin liyap ghwop gu'i ba aniyan kyayak'i. ¹⁷ I lyen nang hubin swak'i, asi chat kyak aghuk krok nmiyang bi, asi lak gu, a shio ughuwop kok ntong dak, nang gun chat ba agyi. ¹⁸ Nang i kan baiba aghwan nang a nwai biram, nang long ngyi, li'in, katuk, bu tad nzi dak. ¹⁹ Ukan bai dufwo anghuwad agwui dak, da anghuwad alyat nang anyet fwong bi nai nang abulin lyat alyatngiyang ban bi dak. ²⁰ nang ban iya sak aliyo di chyi'u dak'i: "Ka nyam biram aghwan, ti'a amag zi ban nfang." ²¹ Uwung kyang ne'e na Musa bu fok a sin krak, "Nfok uwung vam'u bi trim nu." ²² Nang anya'a, ubai ba ghwan zayon nbyang tonad bu gbandang ukarang sin Gwazi nsuwan'u, Ureshlima tuzi zi, nbyang tonad chikop swak sin anyet ntan Gwazi ngwa. ²³ I bai ba apwi sin mann usuwan nu, nang a tyo iyurok bi'u tazi'i, ubai bu Gwazi'u, atyi nang a chiyang shwat salai, nbyang tonad bu tsui anyet lyen nyio nang atyo bi ba ba yet. ²⁴ Ubai bu Yesu, atyi kochio sin lab'unu ufai nbyang tonad sirang asok dusham nang hu lyat swak asok Abila ni. ²⁵ Li nang ulak atyi nang a lyat i dak. gu ghat jen ban ndak hwat afwo nang gu nyio anbiki doyi, dadai'a li ghat kanang zi lak hwat afwo nang atyi tazi'u nyio'i. ²⁶ Ban jan jiyang, a nghwat guki si tyo abinki Zunzung. Ama minini'a akan sak nyio kyangnbyang asi ghyo, "Ban jan jyung nni tyo abin'ki ki zwung anyinki dak, ama nni mun zwung tuziki." ²⁷ Swang alyat ji, "Jan juwung i tubai," hufi'i tin nkyang anai nang iyo i zun, uwa hyet, akan nkyang ang nang a kan nyio'i, nang nkyang nang ili ichirip dak, ili swan. ²⁸ Nang anya'i san tyok nang huli triem dak, yok zigwai nbyang ban vak dyep Gwazi nghuwak gbok nbyang uwung. ²⁹ Gwazi zit'u yet long nang hugyi.