¹ Gbangbang nang Gwazi'u ku nliyad ba adi-aghwop bi ba nvang aniet shai aliyat Gwazi ko dang nzan nbyang nvak bi didid. ² Ama ba mmam nini-nei, a si liyad ba nzat bu-unu Ngwon gu ki, kikya nang Gwazi'u liyat ba nzit ali ghuak kudang nkyang mbuak ki hu yet hwak aghuyuk gu. Awad kikya yet kyang nang Gwazi'u nyo swad nti gu hu'i. ³ Ngwon ki kya shai gbandang shi Gwazi'u, Awot ki si bu shai zakwi Gwazi ji chachrak. ki kya byong kudang nkyang dandung bi swad'nti hubi chet aliyad ki u. Nang ngwon ki nyak chi katuk nyio hu ki si zrak zit i ki si swan da nchuk tyok zi da nbuwak yak Gwazi Tazi u, nang abyo atsak Gbandang tyok u'i. ⁴ Banang shi gu hu nswak shi aniyet ntam ntsui Gwazi bi'i. ba anya'a agurong nang Gwazi'u tyo gu'i, nswak yiyorong bi hu bi zanzang. ⁵ Bat, Gwazi'u kan mak hio ba anet ntam ntsui agiyang kang nang gu hio bu Yesu i dak, Gwazi'u ku nyio, "Ayet ngwon nu kya, Nma ngyet Atyio gu'a Ufwung"? ⁶ Ama, ba'anya'au, zan nang Gwazi'u ntsad tam Ngwon gu ki nang ki byo gbog hu suwak kudang nkyang bi swanti hu'i, asi yio, "Yok aniyet-ntam tsui Gwazi bi,dyep gu." ⁷ Awad nang andiyat tuzi nman ntam ntsui bi'i a si nyio, "Nu, Gwazi'u, ntin nman ntam ntsui nu bi, nang ularab ndong i." ⁸ Awad tuzi ngwon ki, asi nyio, "A swan du gbandang nchuk tyok Gwazi'u a yio tyok sang gag A nyio tyokhu du ntuad nsham tyok'za." ⁹ A chat tsotswad, a wat asi lak katuk'u Ba'anya'a, Gwazi'u, Gwazi'a'u ghai a u nyio tyok,asi krok a usham amyio agwai, nang ki swak sin koyan'i." ¹⁰ Nyet di ntsi nok zi,Atyi-uli, nwan a kprak a fang nok abin ki. Ba nbwak ania asi nnyio tuzi ki. ¹¹ Nkyang nai li tyak,awod nwan uli nshyio tu nat sang gag. Nkyang ni li chiyak chet nang chunchong atro'i. ¹² A li kut ni nang a li nzib chunchong atro'i, awod nwan, u li shiyak dak, uli swan tu nat sang gag. ¹³ Ama, anyan a bu nman ntam ntsui Gwazi bi nang gu hio ba ngu, "Swan da gbandang nchuk tyok'u da mnuwak yak nu hu awod si nang ntyio anetlak li'a bi be yet a chuk ssai atak"? ¹⁴ Ba'anya'a nman ntam Gwazi ni iyet akhwo bya, nang Gwazi'u li tam bi biyang anet ba li shio sang gag nu yet hwak hwuhwuk bi hu.