¹ Yok hu yet, ngwang nuki kyak alio nchet bi sitan nang hu shio bi kristi Yesu i. ² Bu nkyang nang u fok bu unu i duswan didid anyet byang chiyang bi, uli tyo bi ngbak anyet ghui nang ba li mun tyet aagyang anyet. ³ Swo ngbang ni, nang aghuad Yesu kristi bi. ⁴ Anbio aghuad nang ali shio ban jwang abo frag nakyang swanti ni dak, anshi tyo aliyak u afok nyanyang. ⁵ Ba anya, kanang ayin nyio kanan nchung bu frup, ali shio nad duswan dak, sanang gu ghui nchyi ni. ⁶ Huyet usham atyi ghap sang ulid'u wa atsi nwak gu akwai yak u. ⁷ Nyo didam bi kyang nang ndyad i, ndyen, Atyo li nwak a lyen kodikyang. ⁸ Jyung Yesu kristi, nyiet ba nkuwai Dauda di, nang abin tabok gu ba anyet akan kwi i. Sihwi nyiet ba ntam anyet ntam ni, ⁹ ighwa nang nun swo ngbang ni tu nad asi ndap nu nang atyi ashod i. Ama alap aliyat Gwazi ni dak. ¹⁰ Tutan anya ka nun ndap alio khi ba nkyang ni kakab bu sibi nang aghai i, di sangag nang ba lin nshio swan i shio bi Yesu kristi i, nbyang sangag gbandang. ¹¹ Aliyat ne yet si sak fwo na: "Kanang zi kwi bangu, zili swan bangu. ¹² Kanang zi lab alio, zili nyio tyok u bangu. Kanang zi fuwo gu, amu li fuwo zit. ¹³ Ka zi yet anyet sang chuchuk ba, answan bu chuchuk gu u, dong ali fuwo apio gu dak." ¹⁴ Nchi ugyi bi jyung bi nkyang ne. Ghad bi afwo dugyi Gwazi ba yok fwan da aliyat dak. Kanang bi nyio anya alin nbio kyang ntan dak. Huli tyio anyet fwong bi abwuk. Ndru nghang fang, gwad bi afwo dugyi Atyo. ¹⁵ Tak alio khi u nwak apio a bi gwazi u nang atyi akyak ba alio i, atyi ntam da abio kyang gulin nfok nsum dak, atyi-tyet aliyat chuchuk ni chachirak. ¹⁶ Tyong titi bu katuk aliyat u, nang i tyio anyet bi ba liyat katuk ni baba bo tyong titi bu Gwazi u. ¹⁷ Aliyat bini li tyak nang agab i. Had Himiliya nbyang Filila nshio bumi biki. ¹⁸ Anyet bai ba kan kyak hyan di chuchuku. Iba liyat e vwad anyet akan kwi i kan swag. Ba tyio agyang bu lak san ghui u. ¹⁹ Kakab ba anya, aliyak utsi nok Gwazi u yong. Khi bio kyang yong: "Gwazi u lyen anyet ayet singu bi i" nbyang, "atyi a yrong ayrok Atyo khi hu yet ti'a a wrug ba anyet nwai nwak chuchuk bi." ²⁰ Bumi uli byio zwi khi, nkyang sai krum baatro na nshio ayin bi dak, Nkyang sai nkwan nbyang lyem mu nshio. A nyio ntam nwak shyi bu nkyang ngyang. ²¹ Kanang ayin yirip apio gu bu ntam nwai nwak shyi ni, ayet kyang ntam nwak shyi a. Asag gu nang atyi ntam atan ai, ayet atyi ntam Atyo, asi zrak gu di nyio kuda ntam. ²² Nang ni i tyong nkyang shishio ni. I chat chuchuk, nwak chuchuk, chat, nbyang swad dusham ba sibi ayai Atyo bu zazarak nfwo. ²³ Ama i lak abwan nbyang chi lirim nkyang. Ilyen nang ina chong bu akanan bi. ²⁴ Huyet ti'a a tyi ntam Atyo ayok nyio jyo dak. ²⁵ Ka anya hulin yet ti'a ayet atyi shim alio bu konyan, alyen tyet, nbyang tak alio. Huyet gu ti'a, bumi akwi atan atyo sibi anyio kanan bangu i ba nvak tan. ²⁶ Shim dak, Gwazi ahwuk bi vak kwok ntong di lyen Chuchuk u. Shimdak ba tabat akwi atan, ba yok utrip tanyrang khi, kanang gu kan tabat gu dan vak guhu di chat guhu.