¹ Ansak'aleo nubi, nluru nyin do nini, nchong kwi'abwad sei ufiang ki njuyung nyin itabok yong ba ileo nyin ki uniung, ² bisangag nang ili juyung swang alyat nang zazzarak anyet shei tam Gwazi bi lyat ba nyin ba mam iswak'i nbyang chyi nang atyo zit nbyang atysan'u nwak nbwak anyet ntam nyin ki'i. ³ Ishi uswon lien sihwi, khanan nmamni bai tyak, anyet mei anyet li bai, bali gyi uswon bi mei anyet bi sangag nang fuo bini nchat'i, ⁴ bali hio, "Da jeenza gu sak e alin bai? nyet ban jeen nang adi zit bi nkwi'i, salai nkyang ni linshio bisangag di, nyet bi suswon ji swanti'u'' ⁵ ba lyat sett basi bwung nang anji tazi ki ba abinki nyiet do bi sakhuwod na, ban jeen do, krok chyi Gwazi, ⁶ krok nkyang nei na, anhyai anyet swanti njeenbo bi sakhuowod nang ika hyad ukarang ki'i. ⁷ Ama tazi ba abinki minini swan fuwong long'a khanang Gwazi'u bu nwak chyi awai, asak chyi awai nfuwong mam yio aswoddu nang ali hyai anyet nang balak hwi Gwazi'u. ⁸ Asak'aleo nubi, iyok bwung dak, mam niung ba atyo zit'u huyet nang e nmam kwap jiung da'i, anyya nmam kwap jiung huyet nang e mam niung'u. ⁹ Atyo zit'u biyan jeen dak bi kyang nang guyio'i e ali yio'i, bisangag nang agiyang nyin ndam'i. huyet gu, ashim fuo ba nyin. chat Gwazi 'a ayinn ban nyin aghu dak, ama kodang ayan ban nyin achat vak krok ntong. ¹¹ Khanang ngi'a alin fwi nkyang nei, da akwi anyet ka huntai iyet? Huntai iyet zazzarak anyet nbyang iyet anyet hwi Gwazi. ¹² Huntai insak fuo mam Gwazi'u ntubai'i huli shi nfen. Utuk akai, ali fwi tazi ki bi long, nbyang kak ndong'u li chi kodi kyang hubiuk. ¹³ Ama krok kyang nang guyio e ali nwak'i, zi fuwong tazi ufai nbyang swanti fai, uvo nang anyet nyio nkyang tanni lin swan'i. ¹⁴ Ansak'aleo nubi, nang insheye fuo ban kyany nei'i ikwan bisangag nang atibin shi nyin ba aliuk nbyang swun dak dugi Gwazi ki, ashi nyin nang iswan dasham. ¹⁵ Yok humu gyet, ikyak shyim fwo Atyo zit'u huyet nyin shitanna, bisangag nang nsak-aleo zit u Bulud nluru nyin zo'i, biba fuk nang azan gu'i. ¹⁶ Bulud liyat nkyang ne bu nkwi gu luru'i, nang nkyang ali nwai fuk nshio. Abuk anyet nbyang anyet sang atyin bi ghui agiyang buwan nkyang nei ban vak nang da huntai dak, bisangag nang ba buwan akum kwi'abwad ki'i, anyya bali chi ahyai bi. ¹⁷ Ansak'aleo nubi, nang indyen nkyang nei'i, ichok apio nyin iyok shim alen nyin dak nang di ilin wot chuchuk nyinni krok ngad anyet sang chyi dak. ¹⁸ Ama ilai bi sitan nbyang lien atyo zit ba atyisan yesu kristi. yok gbandang'u huyet singu nyet nini tunad sangag. yok huswan anyya.