¹ Si hu nang hun bin nshio nyied ba nfwum'i, nang zit khan fok, nang zit khan di ba agyi zi bi'i, nang zit khan chiyang'i, mbwak zit ni si shib'i, hu shio tutan swan swun kya'a. ² (Birung, swun zi, asi chio asi lyen, nbiyang zi min di zi, zi min gyet alii tutan. Zi twang nyin swun nang ili nwai yiyak, nang ishio ba Addi'u asi chi zit si lyen'i). ³ Sihu nang zi li, nbiyang fok ihwa zi tiyak nyin zo birung. Inshio mun apio khi ban zit. mun apio zit'u shio ba Addi'u, nbiyang ngwan khe Yesu Kristi. ⁴ Birung, zi mun liru nyn nkyang nai, agwai zit'u anshio na'ad chachirak. ⁵ Zai za yet tam nang zi fok ban gu'i, iza zi twang nyin. Gwazi yet kenkyai, ban gu lyen nshio dak ko dadai. ⁶ Kha zi nyio zi biyo tung dadungbangu, nang zi chong ba ndyin, zi bui ngad na, zi nyio chuchuk dak. ⁷ Ama, kha zi chong ba kenkyai'u, da hangag nang gun gyet kenkyai'i, zi biyo yung ndung'u ba agyang, nbiyang atsok Yesu ngwan gu khe, kwi zit ba kuda katuk. ⁸ Kha zi nyio da zi biyo katuk dak, zi bui apio zit, nbiyang chuchuk'u shio ba zit dak. ⁹ Ama kha zi twang katuk zi ni, ayet atyi chuchuk'a nbiyang ata'an nyio, nang gulin yurub zit katuk zini, nbiyang kwi zit salai nwai myio'u. ¹⁰ Kha zi nyio da zi biyo katuk dak, zi chio gu ayet atyi ga'ad'a, nbiyang swang guzu shio da zit dak.