¹ Krok tung zazzarak anyet bi nkyang ni iyio bisangag nang nutak anyet dyep nang ba shio Galatiya'i. ² Utuk mam nwo tam ki bi sati'u, yok kodayan banyin shi kyang asak bisangag nang chet'u nmai'i. Khanang nbai abuli tung nkyang dak. ³ Khanang nbai, krok atyi nang ihiai'i, ni tam bi nchong kwi'abwab atu nwak nkyang nang iwuak'i urshelima. ⁴ Khanang humun ntai nmu nad hwi bi. ⁵ Ama ntubai banyin, Khanang nbai makidoniya. Ni drok aza nbai banyin. ⁶ Huli yu nbwo mam banyin ko ntyak akwai ki banyin, bisangag nang ili biyang nu bi chiyet nu, ko'aze nin nad. ⁷ Chta nu'a nswan banyin ba adadai njan ka dak, Khanang Gwazi'u shim, nunshiyai fuo khanang nbai nbwo nmam banyin. ⁸ Ama nu swan Afisa tunad jan nang ali yio agwai bai zazzarak ntsui'u, ⁹ atyak nu ufem ki nang nu nbio landuan deni. ¹⁰ Khanang Timo bai, ili li nang gu yet atyi nang asang uwun, anyio ntam Atyo na bisangag nang nu yio'i. ¹¹ Iyok lak san gu'u dak. Ibiyang gu dasham bi kyang nang gu yio, bisangag nang guli nbai bannu'i, nunshiyai fuonbi nang gu bai dandung ba akum lanyuk ki. ¹² Krok lanyuk zit du Afolos. Nu biyong chet nma nmuang gu abai ali yin dandung ba akum lanyuk ki, ama anyio di gusi li nini dak, i guli bai khanang gu shi jan. ¹³ Isak agi, iyong chuchuk'u, iyio nang atyok ba'i iyong bi chet. ¹⁴ Iyio kodikyang bi cat agyang. ¹⁵ Ilien kyangbwak Istifanas, nang iba suswon anyet nang ba san hwi'i bu ukarang Akaya, ba nwak apio bi bi yio zazzarak anyet bi ntam ni. Lanyuk nu asam ba anp, nchat nhio banyin, ¹⁶ iwuak apio yin tutan anyet abai,nbyang anyet nang ba ben zit yio ntam ni'i. ¹⁷ Nshi ba asailiyo bi bai Istofanas, Furtunatus, nbyang akaikus.ba fang ufem nu ki. ¹⁸ Bali chi tsui nu di basi nyin di ikyak chet. krok anyya, ibiyong anyet nang si bai. ¹⁹ Anyet hwi nan bi shi Asiya'i biyad nyin. Akila nbyang Brika ba biyad nyin bumi Atyo, nbyang anyet dyep nang ba shio buli bini'i. ²⁰ Salai lanyuk asam ba anap biyad nyin. I biyad agyang nyin bi zazzarak mup. ²¹ Nu Bulud, nduru sihwi bi bwak apio nu. ²² Khanag atyi alak chat Atyio'u, ali mad gu unu. Atyo zit'u bai! ²³ Yok sitan Atyo zit'u hu shi dandung banyin. ²⁴ Chat nu'u shi tutan yin salai bumi Yesu Kristi. Yok hu swan anyya.