¹ Ma buka shi kadundure anyimo ani za ni kiristi, inda boom macico ba, iriba im ibezizim imum ibibe biriri. ² Ami, inzin ina puru abit wan unu pazaza iriba izatu umarsa ³ Barki mi, unyara um acari mini sarki. Yesu nan anu henu um an desa wazi am, anyimo amagasiya mani pum. ⁴ Wee wani A'israila wa hem unu rii nan innu u'inko utize wan unu nyanki ubara utize nan ninonzo ni ugomo Asere kasi inda sa ma ziki. ⁵ Ani lem niwe nini Yesu ma suri nin, ugomo Asere maa wu we ni lem ni riri. I cukuno ani me. ⁶ Barki ani me ida zoo gu tize ti ugomo Asere ta rizo ba. Daki vat desa ma raa a usraila ma cukuno u'israila ba. ⁷ Ane ani daki vat bisana bi Ibrahim wa cukuno ahana ame ba. Usuro u Ishaka adi ku guna bisana bi shi me ba tubusa ni. ⁸ Ane ani ahanaa ani pum wa d a zo we ahanaa Asere ba. Ahanaa ubarka utize we wa cukuno bisana bi meme. ⁹ Ane ani ubarka utize me wa cukuno. Uganiya ugeme indi e in nya Saraya vanaa uruma ¹⁰ Daki ane ani cas ba Saratu ma wuu apuru nan ure unu sa ma cukuno acoo aru me mani Ishaku. ¹¹ Daki amu yoo ahana me ba nani agu wamu wuza imum iriri nani izenze, bati unyara ugomo Asere udi cukuno abizauka, daki ahira akatu ma ba,idi cukuno ahira adesa ma tita duru. ¹² Agun me unanu me madi wuzi unu uneze umeme ni rere. ¹³ Ane ani anyerttike, "ma hem in Yakubu ma nyaru in Isuwa". ¹⁴ Haru tiku gu nyani ni? Ure usizikime ahira Ugomo Asere urani, ka iwu ani me ba haa. ¹⁵ Ma gun in Musa "indi kunna desa indi kunna me, indi ori desa in kunna urunta ume." ¹⁶ Ane ani, daki barki unyara ume ba, nani usum ume ba, barki Ugomo Asere desa mabezi usheu. ¹⁷ Tize ti Ugomo Asere ta gun in Fir'auna, barki imum igeme ma yeze we bati in bezi nikara ahira awe me, bati niza num nikuri, ni ribe anyimo une vat. ¹⁸ Ane ani Ugomo Asere ma kunna ugogoni udebe sa ma zauka, uye wu me ma cukuno gbas. ¹⁹ Idi iki ni mi igu, "nyanini ya wuna ugomo Asere ma nyara ukem usiziki anice na nu?", aveni ma dake ma ri nikara ni ruba imeme? ²⁰ A ure uhira, hu aveni sa wa bari uvovi bigiri nan Ugomo Asere? Adake akem imum sa uye ma bara i gun desa ma bara ini "nyanini ya wuna wa barkam ani me?" ²¹ Nani unu bara umuharu muti nyanga mada zoo me in nikara inguna ma wuzi katuma ku ira iriba imeme ba. Mada ke ma barka imum iriri nan izenze. ²² Nyanini idi cukuno, inki me ugomo desa ma nyara ma bezi ucornome iriba imeme ma bezi ubari umeme amasaa. ²³ Anyimo ani me make ma natti iriba kang ahira ubezi ucorno me iriba sa i bee uhuza anu ahuma? nyanini idi cukuno, inki ma wuza imum igeme bati ma bezi ninonzo ni meme anice ni iriba ineze imeme ahira ani nonzo ni meme. ²⁴ Nyanini, inki ma wuza imum igeme barki haru, de sa ma titin duru haru sa tida zo me Ayahudawa, haru andesa wazi ana madini. ²⁵ Kasi inda be sa ma buka anyimo unyertike uHosiya unu guna "An de sa wa zowe am wa cukuno am, anu me sa ma gam we in gu ma hem in we". ²⁶ Rep, ahira me sa aguna wa zoo we am, abini me adi gun we ahana Asere. ²⁷ Ishaya maa poki anyo abanga anu U'israila ma gu, "inki anu u'israila wa cukuno gbardang kasi bikiki bi uraba udang,ukasu uni adi buri we". ²⁸ Sarki udondonkino Ugmo Asere madi wuzi katuma ka meme anyimo unee vat ma mari. ²⁹ Ishaya ma kuri ma buki "sarki Ugomo Asere unu bari ma ceki bisana adumo barki haru ba, tida cukuno gusi Usodom tida zina kasi Ugomora.'' ³⁰ Tiduku guna nyanini? ana madini me sa daki lau ba, waye wa sana, ukem ulau barki uhem wasere. ³¹ A Israilawa sa wa wuzi morso mu nyara tarsa una uriri wasere, daki wa kem ba. ³² Nyanini ya ayen ani me? barki daki wa nyari ini iriba i inde ba,yaa cukuno ahira atuma kani. we wonno wa pilliko ani poo nu wuza upillizino. ³³ kasi unyertike utize tu ugomo Asere ta buka "mi be ma nukka nipoo Usihiyona,nipoo nupilko sa nidi wuu anu wa rizi. Vat desa ma hem mada kunna me mu'ii ba.''